ZOMI SIAMSIN MOMNO TE KHANG'LO TANI!
A masa in University sang dongah, Pilna sin thei dingin ,Thupha hongpia,Pasian tungah lungdam kako masa hi.Pilna ihsin hunsung lungngai kik lehang,Idah hun om a,ih nuamhun zong omhi.Gilkial hun om a,gilvah hun zong omhi.Tuahsiat hun om a,tuahphat hunzong omhi.Kikholhkhop hun om a, kikhen hunzong omhi.Banglo tengtawh ihhun hongbei toto a,A sawtlo in Sang man' ding vive ih hihi. Ahizongin nop ihsakte i mangngilh baih a,nop i sakloh tata i mangngilhlah se hi. Ih gam,ih lei leh ih ninam in hongmuan mahmah ,Pilna sinkhat ihhihlam ih ki mangngilh khak ding lauhuai ka sa hi. ဘြဲ႔လက္မွတ္ Sangin,A pilna lunggulh masa zawleng hoih ka sa hi.Pilna ihcih in bang hiam?, Cih en suk ni.
PILNA IHCIH IN BANG HIAM?
PILNA ihcih in A sia,a pha khentel theihna ahihi. Leitungpen keimuh na-ah
(1) A ki mu theilo Pasian in uk hi.
(2) Pilna (နိုင္ငံေရး) in uk hi.
Tua a hih manin tu a ihsin Pilna pen Leitung a uk thei ding, Pilna a sin' ih hih lam',Kiphawk kik lehang ka ut hi. A beisa Ih Kawlgam ki uk dan lungngai kik leng', THUMAN THUTAK kihilh lo in, Kei cih bangbangin ci un,cih tawh hong ki makaih a hihman'n,Tu in Ihgam le ihlei ah Mipil taktak ding , Haksa mahmah ta hi. Mipil ihneih te zong ,A kum uh( hong cingto)'' ta hi.Ih omna Gam ciatciat panin ZOMI vei in ih otot hang,Mipil taktak kitam nawnlo a hihman in, Ihgamah a omsa tengbek mah kip in,Ih lam etet te Ngahzo nailo hihang.Ihgam le ihlei PILNA tawh puahnai lo ding ih hihiam? Ihgam le ihlei in, Nanglekei honglam en den hi.Nang' kua muan' sawm lai na hihiam? Ihgam le ihlei khantoh ding, Ih ut mahmah hang,Ih Makai te ngaihsut na leh Mipite deihna kituak thei nai mahmah lo a hih man in, ih ZOGAM avei taktakte a khitui uh hongluang ta hi.Enen laiding ih hihiam? Ih Zogam HAKHA ah collage sang hongkihongta a hih manin, Honest,Qualify nidang sangin hong tam zaw maithei ding uhhi.Ih neu ngaihsut khak leh kisik ding hihang.Enzong ihkahna sangtek panin Honest,Qualify te thupi ngaihsutni.Ei khangthak te'n laitang natna nei-in,Ihgam le ihlei puahphat nading'in PILNA taktak a sinte hi ta lehang,kalunggulh mahmah ing.ZOMI SIAMSIN MOMNO TE KHANGLO TANI.
THUPIL PAWLKHAT ENKHAWMNI
(1).Pilna sin semsem le'ng i hailam kilang semsem hi.(Percy byssche shek)
(2).Mipilte in,''Khial ngei mah ing'' ci ngeungeu a,Mihai te in ''Khial ngei keng'' ci-in awng buabua uhhi.(Martin luther)
(3).Pasianin Mipilte zang na pin,A ki pilsakte zang thei lo hi.(Rev.Dr.Hau Lian Kham)
(4).Pilna lei in la,Degree leikei in.(Rev.Dr.Do Suan Mung)
(5).Pilna tawh thu khentat in la,Lungduai na tawh nasem in.(Richoliev)
(6).A khangto minamte'n laisimin,Lai a sim minamte khangto hi.(ဦး သန္႔)
(7).''Topa zahtakna in pilna kipatna hi. . .''Paunak 1:7)
Paunak 3:7 Nangmah a pilin kingaihsun tawm kei inla,Topa zahtakin a sia peel in. A cih mah bangin Ei le ei a pil in, kingaih suntawm lo zaw in ,Topa zahtak siam'in,A hoih lo gamtatna,ngaihsutna,kampauna nate khempeuh a peelsiam dingin,Topa'n laihongsimsak mimal khempeuh tung leh ''ZOMI SIAMSIN MOMNO'' te tungah AVAN DAITUI hongluan ta hen. . .A men
A hoih lo kammal a om leh ngaihdam bawmah.
A kaikhawm : Tg Ngaih Cin Lal (Geology final year), Kalay university.
PILNA IHCIH IN BANG HIAM?
PILNA ihcih in A sia,a pha khentel theihna ahihi. Leitungpen keimuh na-ah
(1) A ki mu theilo Pasian in uk hi.
(2) Pilna (နိုင္ငံေရး) in uk hi.
Tua a hih manin tu a ihsin Pilna pen Leitung a uk thei ding, Pilna a sin' ih hih lam',Kiphawk kik lehang ka ut hi. A beisa Ih Kawlgam ki uk dan lungngai kik leng', THUMAN THUTAK kihilh lo in, Kei cih bangbangin ci un,cih tawh hong ki makaih a hihman'n,Tu in Ihgam le ihlei ah Mipil taktak ding , Haksa mahmah ta hi. Mipil ihneih te zong ,A kum uh( hong cingto)'' ta hi.Ih omna Gam ciatciat panin ZOMI vei in ih otot hang,Mipil taktak kitam nawnlo a hihman in, Ihgamah a omsa tengbek mah kip in,Ih lam etet te Ngahzo nailo hihang.Ihgam le ihlei PILNA tawh puahnai lo ding ih hihiam? Ihgam le ihlei in, Nanglekei honglam en den hi.Nang' kua muan' sawm lai na hihiam? Ihgam le ihlei khantoh ding, Ih ut mahmah hang,Ih Makai te ngaihsut na leh Mipite deihna kituak thei nai mahmah lo a hih man in, ih ZOGAM avei taktakte a khitui uh hongluang ta hi.Enen laiding ih hihiam? Ih Zogam HAKHA ah collage sang hongkihongta a hih manin, Honest,Qualify nidang sangin hong tam zaw maithei ding uhhi.Ih neu ngaihsut khak leh kisik ding hihang.Enzong ihkahna sangtek panin Honest,Qualify te thupi ngaihsutni.Ei khangthak te'n laitang natna nei-in,Ihgam le ihlei puahphat nading'in PILNA taktak a sinte hi ta lehang,kalunggulh mahmah ing.ZOMI SIAMSIN MOMNO TE KHANGLO TANI.
THUPIL PAWLKHAT ENKHAWMNI
(1).Pilna sin semsem le'ng i hailam kilang semsem hi.(Percy byssche shek)
(2).Mipilte in,''Khial ngei mah ing'' ci ngeungeu a,Mihai te in ''Khial ngei keng'' ci-in awng buabua uhhi.(Martin luther)
(3).Pasianin Mipilte zang na pin,A ki pilsakte zang thei lo hi.(Rev.Dr.Hau Lian Kham)
(4).Pilna lei in la,Degree leikei in.(Rev.Dr.Do Suan Mung)
(5).Pilna tawh thu khentat in la,Lungduai na tawh nasem in.(Richoliev)
(6).A khangto minamte'n laisimin,Lai a sim minamte khangto hi.(ဦး သန္႔)
(7).''Topa zahtakna in pilna kipatna hi. . .''Paunak 1:7)
Paunak 3:7 Nangmah a pilin kingaihsun tawm kei inla,Topa zahtakin a sia peel in. A cih mah bangin Ei le ei a pil in, kingaih suntawm lo zaw in ,Topa zahtak siam'in,A hoih lo gamtatna,ngaihsutna,kampauna nate khempeuh a peelsiam dingin,Topa'n laihongsimsak mimal khempeuh tung leh ''ZOMI SIAMSIN MOMNO'' te tungah AVAN DAITUI hongluan ta hen. . .A men
A hoih lo kammal a om leh ngaihdam bawmah.
A kaikhawm : Tg Ngaih Cin Lal (Geology final year), Kalay university.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.