1) Lungsim kibat pih, uukna khat pepeuh ah tha hong pia thei leh ngaihsutna a hunzui a guan thei numei,
2) Hong uk nuam leh hong zothawh nuam lua numei deih masa lo uh a, na khat pepeuh ah hong nawh tuntun numeite tel masa lo uh hi.
3) Melhoih thupi mah napi'n, melhoih seusau napi a pasalte thu a kuppih thei lo numei pen a sawt lo in pasalte'n cimtak ziau uh hi.
4) Numeite ngaihsut ding a thupi mahmah khat om a, tuapen " Na pasal, na lawmpa a khangto sak numei na hi hiam? Ahikeileh a kiamsak numei na hi kha zaw hiam?".
5) A citak numei, a muanhuai leh kimuanna a nei numeite pen pasalte'n deih ahmah uh hi. Melhoihna icih pen a bei thei hi a, himah taleh tua melhoihna te hong bei khit ciangin zong tuabang lungsim a nei numeite pen mihoih kici in midangten eng mahmah uh hi. " Ka zi miten hoihsa in hong eng leh " cihpen pasalte lungsim sunga om, a mang thei lo khat hi sese hi.
6) Pasalte'n a nuntakna khempeuh tawh a muan theih ding numei deih uh hi. Saitni, cinat ni cianga amah a don a kem den zo ding numei lunggulh mahmah uh hi.
7) Haksatna khat peupeuh na tuah ciangin numeino, lungsim picing nailote banga na thuaklah ding hong deih lo hi. Na khempeuh a thuakdan a siam numeite lamah pasalte lungsim awn zaw hamtang hi. Tua ahihman in numeite aw na deih bangin thu khat la khat hong pian theih loh teh na lawmpa zungkok in mawhsak pahpah kei in.
8) Mihingte nunzia en leng numeite sangin pasalte kizopna lamah pawpial baih zaw uh a, ahizongin "sihna lobuangin hong khen kei hen" cih kammal pen nuntakpih a sawm tawntungte Pasalte ahihi. Tua ahih manin na lawmpa, na pasal pen tha a piaden zo dingin kigingsa in om in.
9) Pasal a tamzaw pen numeite banga ngaihsutna, gelna khempeuh a genkheh pahpahte hilo uh hi. Muanhuai takin om in citak peuh lecin damdam in pasalte'n amau ngaihsutna hong pulak kheh ding hi. Numeite sangin pasalte pen kizopna ah lungsim leh pumpi pumkhat a suaksak nuamte hizaw uh hi.Ngak siam in.
10) Na lawmpa, na pasal na khem ngeingei leh a ngeina banga hong muan kik ding pen hun sawtpi na ngak kul ding hi. Pasalte'n kikhemna pen thuaklah pha diak uh hi. Adiak diak in numeite lampan hong pai kikhemna pen sang siam thei pak lo uh hi..(.......)
Nang Khai
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.