Kumpipa Trump in January 27, 2017 ni in Thupiak khat tangko khia a, tua in United State ie Refugee Gam thumna puak vai ah tampi kilaih sak hi.
Hih Thupiak(Executive Order) in US kumpipa thupiak hi a, United States ie thukhunte mah tawh kibang hi. A hangin US gamsung ah Refugee te on glut theihna dingin US Kumpipa ie thuneihna nuai ah kikoih hi. Lehlam ah, hih Thupiak in US Congress ie khunsa thukhunte susia(Palsat) theilo hi.
Hih Executive Order in Refugee te adin bang hiam?
Thupiak in biakna vai hangin Refugee laklutna ni 120 dinkhawl sak hi. Cihnopna ah hih Thupiak a kitangko ni a kipan ni 120(Jan 27 – May 28, 2017) sung vai pawlkhat hangin Refugee te kilut saklo ding cihna ahi hi.
Ni 120 khit ciangin, Refugee ahi a, Gam thumna zuan dinga kikipsaksa te, US ah a lut thei dinmun hi takpi uh hiam cih security tawh kisai sittelna kinei dinghy. Hih thu hangin, tupi gal a interiewna leh a nungthu sittelna te zong khentatna thak a kineih masiah ziakai ding hi. Hih in refugee kalsuanna zong khawlsak thei hi.
Thupiak in US ong lut ding Syria Refugee khempeuh khaktan hi. Cih tak ciangin, hih Thupiak a kilaih kik masiah Syria refugee peuhmah US ah lut theilo ding cihna hi. Hih tungtang ah hun ciangtan omlo hi.
Hih Thupiak in gamdang pawlkhat panin US ong lut dingte ni 90 sung khaktan hi. Tua gamte in: Iran, Iraq, Sudan, Syria, Libya, Somalia, Yemen tea hi hi.
Nang na hi kei a na mel theih khat thuman lo pi in mat le hen in a om zenzen leh airport@refugeerights.org aih keh na local ACLU (American Civil Liberty Union) ong call in. Ni 90 khit ciangin, mi pawlkhat adingin hih khaktanna pen kihong kik kha ding hi. Nang hih gamte lakah na kihel khak leh hih ni 90 sung khualzin loh hoih zaw hi. Green card nei khin a, hih hun sungin khualzin loh a phamawh buaina na neih leh hehpih ngetna lai kumpi zum ah na khiat kisam ding a, tua lai pen na nai a om tangzum(Consulate aihkeh Embassy) ah na nget kisam ding hi. Green card nanneih kei leh hih hun sungin US pualam ah pusuak kei leteh hoih zaw hi.(NB: A kikhaktan gam 7 te ading bek)
Tu kum US ah gam thumna zuatna tawh on glut thei ding a vekpi pen 110,000 hilo in, 50,000 hi ding hi. 32,000 tang ding bang a thu a alutsa ahih hangin, May 28, 2017 khit ciangin adang 18,000 te lut thei ding hi.
Refugee khat hileng hi Thupiak in kei adingin bang a cidiam?
US ah refugee in a tungkhin na hih leh, hih Thupiak in na Legal Status(na hihna diktak) bangmah sukha lo ding hi. US na tun zawh kum khat a cin ciangin Green Card na phu thei ding a, kum 5 khit ciangin gammi hihna(Citizenship) na phu thei veve ding hi.
Na innkuan pih US onglut ding aihkeh Innkuan kigawm ding na hih uh leh hi thu hangin hun sawt la to kha ding hi. Na innkuanpih te Syria pan on glut ding bang ahih zenzen leh US ahrefugee dingin banghun teh onglut sak uh diam cih bangmah kigen khol theilo hi.
Na innkuanpihte pen US ong kut ding a kikhaktan sak gam 7 te ah a om ahih leh ni 90 a cin masiah ong lut thei lo ding uh hi. Thukhun thak a om bangin Visa khawng zong kisam kha ding uh hi.
Huhna na kisap ciangin?
· Hih Thupiak hangin upadi vai ahi a, na innkuanpihte US ong lut thei dinga sehkholhsa in a om uh lehInternational Refugee Assistance Project hong zasak pah in. IRAP in a kisam bangbang in lam hong hilh ding a, a hi zongin US lut theilo dinga kikhaktan khat lutsak theihna ding thuneihna neilo hi. Nong kizop nang in: info@refugeerights.org ahi hi.
Refugee tawh kisai telloh leh dotnop khat pepeuh na neih leh hih tak ah lai hong khak in: info@therefugeecenter.org
US gammi te in gambeel na hih hangin ong it in, hong don nuam hi. Na haksatna hong panpih nuam hi.
A kilawm thei bangin https://therefugeecenter.org/how-will-president-trumps-executive-order-affect-refugees/ hipan in kilet kik ahi hi.
Lungdam.
Len Nupa
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.