Leitunga I.Q sang mi 10

Kua pil pen cih zong kinialna a om thei denkeei khat hi. Mi khatin pil a sak pen midang adingin pil khollo thei hi. Tua ahihmanin Intelligence Quotient (I.Q) level tawh mipil leh pillo a thu in kikhen hi. Mi genthei te’ tate zong I.Q sangpi hi thei hi. I.Q 145 tungsiah pen genius ciin kiciamteh hi. Leitunga I.Q sang mi 10 anuaiah na sim suk in.

1.     William James Sidis

William James Sidis -a I.Q level 250-300 hi. Kum 1898 April ni 1 in piang hi. American te ahi hi. Mathematics lam siam tawpin siam hi. Kum 6 a phakin sangkah in kha sagih sungin graduate hi. Kum 11 a phak in pau nam 40 val siam hi. Rice University, Taxas ah teaching assistant sem hi. Kum khat cing ding hipanin tawp kik hi. Laibu tampi a gelhte lakah The Animate and the Inanimate, The tribes and the states leh Notes on collection of transfer te a minthang pawl hi.

2.     Terence Tao

Terence Tao a I.Q  level 225 – 230 hi. Kum 1975 July ni 17 in piang hi. Kum 2 a phakin innkuan kimuhkhopna ah naupang kum5 khat Arithmetic leh English hilh thei hi. Kum 15 a phakin a  assistant paper masa pen published hi. Kum 16 a phakin Bachelor’s leh Master degree Flinders University pan ngah hi. Pahtawina leh zahtakna tampi ngah hi. Laibu 17 leh research paper 250 val gelh hi. Tu in University of California ah Professor sem hi. Kum 24 a phak in Professor sem hi. Professor lut cil lak pan kum naupang pen ahi hi.

3.     Christopher Hirata

Christopher Hirata kum 1982 November ni 30 in piang hi. A I.Q  level 225 ahi hi. Kum 12 a phak in mathematics leh physics ah college level zo hi. Kum 13 a phak in International Science Olympiad ah Gold Medal ngah hi. Research nam tuam tuam bawl hi. Kum 22 a phakin Princeton University panin Ph.D(Physics) ngah hi. Tu in  NASA ah nasem hi.

4.     Kim Ung- Yong

Kim Ung-Yong kum 1963 March kha ni 7 in piang hi.  A I.Q level 210 ahi hi. Amah pen civil engineer hiin Guinness Book of Records ten I.Q sang pena a ciapteh uh ahi hi. Kum 3 a phakin Japanese, German, English gelh leh pau kisin hi. Kum 4 a phak ciang English leh German thumal 2000 siam hi. Kum 14 a phakin Japanese TV panin hilhcianna a tuam tuam nei hi.

5.     Garry Kasparov

Garry Kasparov kum 1963 April ni 13 in piang hi. Amah pen World Chess Champion ahi hi. A I.Q level 194 ahi hi. A neu tung akipan chess lam kin ngiat hi. Kum 15 a phak in Soviet Chess Championship ah kimawl ta hi. Tua  kimawl mite lakah kum naupang pen amah hi. Kum 22 a phakin Chess champion a naupang pen ahi hi.

6.     Marilyn Vos Savant

Marilyn Vos Savant kum 1946 August ni 11 in piang hi. A i.q level 190 ahi hi. Amah pen Guinness Book of World Record ten I.Q sang pen in ciamteh ngei uh hi. Amah pen lecturer hiin American Magazine columnist zong ahi hi. Laibu tampi tak gelh hi.

7.     Leonardo Da Vinci

Leonardo Da Vinci kum 1452 April ni 15 in piang hi. A I.Q level 180-190 ahi hi. Amah Italian hi in siamna nam tuam tuam hau hi. Italian Renaissance polymath, architect, mathematician, engineer, geologist, musician, sculptor, painter, inventor, anatomist, botanist leh writer ahi hi. A limsuaih lakah Mona Lisa minthang peuhmah hi.

8.     Judit Polgar

Judit Polgar kum 1976 july 23 in Hungary ah piang hi. A I.Q level 170 ahi hi. Numei chess siam minthang ahi hi. Kum 15 a phakin Grand Master title ngah hi. Tuabang ngah thei a naupang pen ahi hi.

9.     Albert Einstein

Albert Einstein kum 1879 March 14 in piang hi. Theory of Relativity a ngaihsun khiapa hi. Physics subject ah Noble Prize ngah hi. Kum 5 a phak in Catholic Elementary school ah lut hi. Physics lam siam mah mah hi. Kum 76 a phakin si hi.

10.      Stephen Hawking

Stephen Hawking kum 1942 January ni 8 in piang hi. A I.Q level 160 hi. Gravitational theory leh relativity lamah sem hi. Cosmology concept a ngaihsun khiapa hi. Science ah contribution tampi nei hi. Presidential Medal of Freedom pahtawina ngah hi. Kum 17 a phakin Oxford University ah lut hi. Tu in Cambridge University ah Mathematics Professor sem hi.

HL Tuang Leo