Tu sawng teng ei mite sungah America te president thak ding kiteelna tawh kisai muhzia tuamtuam social media panin tam simsim ka simkha hi. Kei bel America a teng hikeng in, ahi zongin America gam leh America gam mite tungah lungdamna hau lua kahih man leh ka Zomi pih tul tampite teenna gam ahih manin America gam a thupiang khat peuhpeuh pen ka pianna gama thupiang zahphial in ka ngaihsun hi. Tua ahih manin tutung America te President thak ding teelna tawh kisai kei muhzia tawm kong suahkhia nuam hi.
America gamah political party nih om a, Democratic party leh Republican party te ahi hi. Democratic cih ciangin “mipi ukna” cihna hi. Hih ki-ukna 1828 kumin Andrew Jackson in hong pankhia-a, ahi zongin 1848 kumin party kicianin in hong dingkhia pan hi. Democratic te kicaptehna lim pen laano ahi hi. Party kician dang om nailo ahih manin Democratic party te in 1828 pan 1860 dong president ngah uh hi. Sal neih vai tawh kisai in 1856 kumin Republican party hong piang a, 1860 kumin Abraham Lincoln in president hong ngah hi. 1860 pan 1912 dong Glover Cleveland longal president khempeuh Republican te ahi hi. Republican te kiciaptehna lim pen sai ahi hi. Tua hi-a, 1864 panin tuni dong Democratic leh Republican ci-in party nih a om paisuak ahi hi.
Republican party leh Democratic party in anuai a bangin kilamdanna thu 10 bang nei uh hi.
1. Siah (Tax): Republican te in azawng ahau mi khempeuh a kibangin siah khiapkim ding deih uh hi. Democratic te in mizawngte bek siah khiapsak ding hi ci uh hi.
2. Asia apha gamtatna tawh kisai in Republicante muhdan Pasian thu tawh kituakzaw hi. Numei leh numei, pasal leh pasal kiteenna sang lo uh hi. Nu gil sunga nau suksiat ding deih lo uh hi. Ei leh ei kihuut nadingin thau neih ding kisam sa uh hi. Democratic te in atunga thute aleh lam vive in sang hi.
3. Nitha leh sumbawlzia: Republican te in nasemte nitha khansak ding deihlua lo uh hi. Nitha tam lua leh van man kah lua ding a, sum bawlna sukha ding hi, ci uh hi. Republican ten suakta taka gamdangte tawh sumlei sum zuakna neih ding lunggulh a, Democratic te in ciangtanna khat neih ding deih uh hi.
4. Cidamna: Cidamna lam tawh kisai in Republican te in kumpi kitamhel loh ding deih hi. Democratic te in kumpi kitamhel ding deih uh hi.
5. Gam mi, acimawh zawdeuhte huhna tawh kisai in Republican te in kumpi sum tawh tam huh loin kumpi ahilo kipawlna tuamtuamte in vaipuak alak ding deih hi. Democratic te in mi cimawh zawdeuhte huhna ahi, unemployment benefits, food stamps, Medicaid cihte lim ngaihsut uh hi.
6. Gamdang tawh kizopna thute ah Republican te in a kisapna ah gamhtat lel ding hoih sa uh a, Democratic te in kidawm mahmah sa a gamtat ding deih uh hi. 1979- 1980 lai Democratic President ahi Jimmy Carter in Iran te simmawhna thukngam lo-a, Republican President Ronald Reagan hong kah ciangin gamhtat sawm ahih manin Iran te lau pah hi.
7. Leisung apiang sathau leh kim leh paam thu tawh kisai in Republican te in sahtau tam pipi tawh ding lunggulh uh hi. Democratic te in sathau tawhna leh sathau zatluatna hangin kim leh paam nin lua hi ci-in ciangtanna neih ding deih uh hi.
8. Pilna sinzia tawh kisai in Republican te in zat ngeina lui deih uh a, Democratic te in athakthak sin tohtoh ding deih uh hi. Sangnaupangte huhna tawh kisai in Republican te in kumpi sum tam sawk ding deih lo uh-a, Democratic te in kumpi sum pana huhna atam theithei piak ding deih uh hi.
9. Siattatna leh daan piakna tawh kisai in Republican te in a tatsiate ngat taka daan piak ding deih uh hi. Sihdaan piak zong thukim uh hi. Democratic te in daan khauh piak deih lo uh a, sihdaan zong thukim lo uh hi.
10. Mimal suahtakna tawh kisai in Republican te in suakta mahmah lel ding, mawhpuak zong lapah ding ci uh a, Democratic te in suahtakna ciangtanding deih uh hi.
Atom in cileng, Republican te in kumpi neu (small government) sakin, mipi thuneihna, mipi sepkhuan liatsak ding deih uh hi. Demoratic te leuleu in kumpi lian ding(big government), kumpi in na khempeuh sai ding, mipite zong uk ding, mipi ta ding zong sep sak ding cih hi-in, a uang paite bang socialism hipah lel hi. Democratic te primary kiteel lai a Hillary Clinton i kidempihpa Bernie Sanders bang socialist khat ahi hi. Eimite zong kum 60 bang socialism nuai a ki om ahih manin US tung kum 20 tungsiah te bangin democratic te lungsim puak kineizaw khamai ding hi.
Ataangpi a etna ah Republican party pen mikang, mihau te party kici hi. Democratic party pen mivom, mi eng, mi citawm (minority) leh mizawng party kici hi. Ahi zongin tuhun teh mi citawm a kicite mi citam asuak dekdek ta hi. Sauvei loin mikangte mi citawmte suak ding hi.
TUN, TUTUNG KITEELNA EN LEHANG:
Tutung kiteelna pen itheihkhak ciangciang kiteelnate ah a lungkiat huai pen, athadah huai pen kiteelna in kigen hi. A kidem tegel anih un kideih lo tuak hi. Mee pia ding hileng lawp taka piak ding om lo hi. Ahoih lo tuaktuak ah a phadawm zaw pen (the lesser of two evils) teel ding himawk hi. Tua ahih leh kua teelhuai zaw ding hiam?
DONALD TRUMP: Hih pa pen sumbawl mihau hi-in politician hilo hi. Americ gam sia sa lua ahih man a mee kuang lui hi-a, a gam avei luat man hi bilbel hi. Abeisa anuntakna bel gina lua lawmlawm lo hi. Pasian phawk mi hikhol lo hi. Tua banah anopkhan khat hi-in kuamah awlmawh lo-a apauphial khat ahi hi. A kampau, a luhek dan pen President vai lo mahmah sam hi. Atate bel hoih takin khansuah bilbel hi. Donald Trump pen sumbawlna longal ah ama mimal ginat luatna om lo hi. Federal tax bang apiahetlo peuh hihtuak mawk hi. Numei vai a kimawhsaknate zong amaan khin kei zongin meima lo ah tho tu lo hi. Tu-a a zi Melania bang zong a zi thumna hi. Numei hoih zong pakta den sim ahih manin Miss Universe Pageant bang ama a ahi hi.
AHI ZONGIN, ama dinpih thubulpite alangnu Hillary Clinton dinmun sangin Pasian thu tawh kituak zaw banah Hillary Clinton zong zuau bekbek tawh anungta mi hoih hetlo khat ahi hi. Hillary Clinton in Barak Obama mah bangin numei leh numei, pasal leh pasal kiteenna thapia hi. Hih neih kibang omkhopna, kiteena pen mawhna lak ah zong Pasian in ahuatpen khat ahi hi. Sodom leh Gomorrah khuate hih mawhna hangin kaat leh meikuang tawh kihaltum hi. Nauphiatna (Abortion) zong thapia hi. Laisiang tho bangin cini cileng nauphiatna pen mithahna ahi hi. Laisiangtho tawh kituaklo hih thunih adeih lo phadiak Evangelicals te leh Catholics te Hillary Clinton miten amuhdahna uh agenna kizakhia hi. Barak Obama in neih kibang kiteenna hong kipsak ciangin asang zolo te in daan thuak uh hi. Neih kibang kiteeng minih license minthuh nuam lo ahih manin Rowan County, KY a Kimberly Jean Davis kicinu thongkia hi. Neih kibang kiteeng tea a ding moh bawl nuam lo ahih manin Portland, OR a moh bawlnu Melissa Klein dollar tulza khat val kiliausak hi. Hih Dawimangpa mizat te hangin Oklahoma State Capitol a Thukham Sawm kigelhna Mualsuangpi kilakhia hi. Obama White House in Tapidaw gimna limlim aphiatmang sawm hi-a, Christmas tree nangawn Holiday tree ci tazen hi. Tun Obama maban Hillary Clinton in azopsawm ahi hi.
Hillary leh a pasal Bill Clinton pen zuau bekbek tawh anungta leh amau alangpante adopbawlote uh ahi hi. Tukum Democratic National Convention madeuh in party sunga nasem khangno kum 27 apha pan Seth Conrad Rich acihpa Washington DC ah thau tawh kikaplum hi. A kaplumte in asipa na bangmah la lo uh hi. Tudong kua thah hiam cih kikankhia zolo hi. (Kawlgam tawh kilamdang hetlo!). Hih pa tungtawn in thusim tampi email pan kizakha hi kici a, tua hileh ama tunga aheh ding kua???
Athupi penpen, tu-a hong kah ding President thak in thukhen mangpi (Supreme Court Justice) 3 hiam 4 hiam akoih thak ding ahi hi. Supreme Court ah thukhenmang 9 om a tu laitak 8 bek a om suak hi. Sauvei nailo in ahoih mahmah Antonin Scalia sivat a tua tang dingin Obama in Merrick Garland kicipa koih nuam hi. Ahi zongin Congress in tudong kipsak nailo hi. Mi 8 lah ah ahoih 4, ahoih lo, Pasian thu a awlmawh lo 4 hi-in kikhaikim linlian hi. Ruth Bader Ginsburg acihnu kum 83, Anthony Kennedy kum 80, Stephen Breyer kum 78 hi-in Supreme Court Justice te pensen lak kum pen ataangpi in kum 79 ahi hi. Tua ahih manin hih mi 3 te in hong tung ding kum 4 sungin pensen la ngelngel ding uh a, amau tang pen President thak in teel ding hi. Supreme Court pen zuih ding thukhun (Upadi) te akhung ding uh ahih mah bangin Tapidaw ten sang (school, college, university) nei thei nawn lo ding, pawlpi in zong tax pia ta ding cimawk le uh zuih akul ding hi-a Pasian um lo thukhenmang 3 leh 4 hong kikoih beh leh bel Tapidaw te bawlsiatna thuak ding nai mahmah cihna hikha mai ding hi. Sum tunga “In God We Trust” cihte, President pa Laisiangtho tawh kiciamnate, National Prayer Breakfast cihte zong asawt loin beithei ding hi. A thupi pen Pasian vangliatna, Pasian thupha in America gam taisan kha mawk ding hi (Ichabod).
President kituh mi nihte bel a nuntakna uh en leng adeihhuai lua om lo hi. Ahi zongin, a mi sangin a thulet bulpite uh ethuai zawkha ding hi. Thu tuamtuam te sangin zong Pasian thu tawh kua dinmun kizawitawn zawdeuh hiam cih ethuai mahmah ding hi. Bang hang hiam cih leh, ei Zomite atamzaw ahawh pak a US pai hilo hihang. Pilna sin a paipak zong tawmno khat bek hi. I vekpi phial in a teensuak sawm hihang a, America pen ei gam bek hilo, i tu i ta te gam ding zong ahi hi. America gam in hih bangin Pasian taisansan mawk leh i ta te khang, i tute khang ah bang asuak zen tam? Tu nangawn in nidang zahin vang nei nawn lo hi. President pa zong kuaman hong thusim sak lomai hi. Sente makai, Russia te makai, Germany te makai te peuh in ki thupi muh zaw tamai hi. Tua ahih manin thu tom et kha hetlo ding hihang. Kei refugee hilel ing, kei immigrant hilel in cikha loin leitung a Zomite gam nihna ahi, America gam mailam ding ma pantheih bangin panhuai ka sa mahmah hi.
Ka cihsa mah bangin kei bel Kawlgam mah a teeng lai hi-in ka Zomi pihte teenna America gam mailam ding agal lung himawh bek ka hi hi. Kawlgam zong ahoih lam manawh ding bangkhem in lam-et bang zuahzuah tuak luakhol kei. Kawlgam mailam ding zong zing mahmah veve sa ing. I gam ahi, Kawlgam leh America gam aa dingin Pasian kiangah kiko dihni. Thungen tangtang dih ni. Topa bek I lam-etna hi.
Khazih leh Zomite sungah,
Sia Do Suan Mung
Src: Zomi Nam
America gamah political party nih om a, Democratic party leh Republican party te ahi hi. Democratic cih ciangin “mipi ukna” cihna hi. Hih ki-ukna 1828 kumin Andrew Jackson in hong pankhia-a, ahi zongin 1848 kumin party kicianin in hong dingkhia pan hi. Democratic te kicaptehna lim pen laano ahi hi. Party kician dang om nailo ahih manin Democratic party te in 1828 pan 1860 dong president ngah uh hi. Sal neih vai tawh kisai in 1856 kumin Republican party hong piang a, 1860 kumin Abraham Lincoln in president hong ngah hi. 1860 pan 1912 dong Glover Cleveland longal president khempeuh Republican te ahi hi. Republican te kiciaptehna lim pen sai ahi hi. Tua hi-a, 1864 panin tuni dong Democratic leh Republican ci-in party nih a om paisuak ahi hi.
Republican party leh Democratic party in anuai a bangin kilamdanna thu 10 bang nei uh hi.
1. Siah (Tax): Republican te in azawng ahau mi khempeuh a kibangin siah khiapkim ding deih uh hi. Democratic te in mizawngte bek siah khiapsak ding hi ci uh hi.
2. Asia apha gamtatna tawh kisai in Republicante muhdan Pasian thu tawh kituakzaw hi. Numei leh numei, pasal leh pasal kiteenna sang lo uh hi. Nu gil sunga nau suksiat ding deih lo uh hi. Ei leh ei kihuut nadingin thau neih ding kisam sa uh hi. Democratic te in atunga thute aleh lam vive in sang hi.
3. Nitha leh sumbawlzia: Republican te in nasemte nitha khansak ding deihlua lo uh hi. Nitha tam lua leh van man kah lua ding a, sum bawlna sukha ding hi, ci uh hi. Republican ten suakta taka gamdangte tawh sumlei sum zuakna neih ding lunggulh a, Democratic te in ciangtanna khat neih ding deih uh hi.
4. Cidamna: Cidamna lam tawh kisai in Republican te in kumpi kitamhel loh ding deih hi. Democratic te in kumpi kitamhel ding deih uh hi.
5. Gam mi, acimawh zawdeuhte huhna tawh kisai in Republican te in kumpi sum tawh tam huh loin kumpi ahilo kipawlna tuamtuamte in vaipuak alak ding deih hi. Democratic te in mi cimawh zawdeuhte huhna ahi, unemployment benefits, food stamps, Medicaid cihte lim ngaihsut uh hi.
6. Gamdang tawh kizopna thute ah Republican te in a kisapna ah gamhtat lel ding hoih sa uh a, Democratic te in kidawm mahmah sa a gamtat ding deih uh hi. 1979- 1980 lai Democratic President ahi Jimmy Carter in Iran te simmawhna thukngam lo-a, Republican President Ronald Reagan hong kah ciangin gamhtat sawm ahih manin Iran te lau pah hi.
7. Leisung apiang sathau leh kim leh paam thu tawh kisai in Republican te in sahtau tam pipi tawh ding lunggulh uh hi. Democratic te in sathau tawhna leh sathau zatluatna hangin kim leh paam nin lua hi ci-in ciangtanna neih ding deih uh hi.
8. Pilna sinzia tawh kisai in Republican te in zat ngeina lui deih uh a, Democratic te in athakthak sin tohtoh ding deih uh hi. Sangnaupangte huhna tawh kisai in Republican te in kumpi sum tam sawk ding deih lo uh-a, Democratic te in kumpi sum pana huhna atam theithei piak ding deih uh hi.
9. Siattatna leh daan piakna tawh kisai in Republican te in a tatsiate ngat taka daan piak ding deih uh hi. Sihdaan piak zong thukim uh hi. Democratic te in daan khauh piak deih lo uh a, sihdaan zong thukim lo uh hi.
10. Mimal suahtakna tawh kisai in Republican te in suakta mahmah lel ding, mawhpuak zong lapah ding ci uh a, Democratic te in suahtakna ciangtanding deih uh hi.
Atom in cileng, Republican te in kumpi neu (small government) sakin, mipi thuneihna, mipi sepkhuan liatsak ding deih uh hi. Demoratic te leuleu in kumpi lian ding(big government), kumpi in na khempeuh sai ding, mipite zong uk ding, mipi ta ding zong sep sak ding cih hi-in, a uang paite bang socialism hipah lel hi. Democratic te primary kiteel lai a Hillary Clinton i kidempihpa Bernie Sanders bang socialist khat ahi hi. Eimite zong kum 60 bang socialism nuai a ki om ahih manin US tung kum 20 tungsiah te bangin democratic te lungsim puak kineizaw khamai ding hi.
Ataangpi a etna ah Republican party pen mikang, mihau te party kici hi. Democratic party pen mivom, mi eng, mi citawm (minority) leh mizawng party kici hi. Ahi zongin tuhun teh mi citawm a kicite mi citam asuak dekdek ta hi. Sauvei loin mikangte mi citawmte suak ding hi.
TUN, TUTUNG KITEELNA EN LEHANG:
Tutung kiteelna pen itheihkhak ciangciang kiteelnate ah a lungkiat huai pen, athadah huai pen kiteelna in kigen hi. A kidem tegel anih un kideih lo tuak hi. Mee pia ding hileng lawp taka piak ding om lo hi. Ahoih lo tuaktuak ah a phadawm zaw pen (the lesser of two evils) teel ding himawk hi. Tua ahih leh kua teelhuai zaw ding hiam?
DONALD TRUMP: Hih pa pen sumbawl mihau hi-in politician hilo hi. Americ gam sia sa lua ahih man a mee kuang lui hi-a, a gam avei luat man hi bilbel hi. Abeisa anuntakna bel gina lua lawmlawm lo hi. Pasian phawk mi hikhol lo hi. Tua banah anopkhan khat hi-in kuamah awlmawh lo-a apauphial khat ahi hi. A kampau, a luhek dan pen President vai lo mahmah sam hi. Atate bel hoih takin khansuah bilbel hi. Donald Trump pen sumbawlna longal ah ama mimal ginat luatna om lo hi. Federal tax bang apiahetlo peuh hihtuak mawk hi. Numei vai a kimawhsaknate zong amaan khin kei zongin meima lo ah tho tu lo hi. Tu-a a zi Melania bang zong a zi thumna hi. Numei hoih zong pakta den sim ahih manin Miss Universe Pageant bang ama a ahi hi.
AHI ZONGIN, ama dinpih thubulpite alangnu Hillary Clinton dinmun sangin Pasian thu tawh kituak zaw banah Hillary Clinton zong zuau bekbek tawh anungta mi hoih hetlo khat ahi hi. Hillary Clinton in Barak Obama mah bangin numei leh numei, pasal leh pasal kiteenna thapia hi. Hih neih kibang omkhopna, kiteena pen mawhna lak ah zong Pasian in ahuatpen khat ahi hi. Sodom leh Gomorrah khuate hih mawhna hangin kaat leh meikuang tawh kihaltum hi. Nauphiatna (Abortion) zong thapia hi. Laisiang tho bangin cini cileng nauphiatna pen mithahna ahi hi. Laisiangtho tawh kituaklo hih thunih adeih lo phadiak Evangelicals te leh Catholics te Hillary Clinton miten amuhdahna uh agenna kizakhia hi. Barak Obama in neih kibang kiteenna hong kipsak ciangin asang zolo te in daan thuak uh hi. Neih kibang kiteeng minih license minthuh nuam lo ahih manin Rowan County, KY a Kimberly Jean Davis kicinu thongkia hi. Neih kibang kiteeng tea a ding moh bawl nuam lo ahih manin Portland, OR a moh bawlnu Melissa Klein dollar tulza khat val kiliausak hi. Hih Dawimangpa mizat te hangin Oklahoma State Capitol a Thukham Sawm kigelhna Mualsuangpi kilakhia hi. Obama White House in Tapidaw gimna limlim aphiatmang sawm hi-a, Christmas tree nangawn Holiday tree ci tazen hi. Tun Obama maban Hillary Clinton in azopsawm ahi hi.
Hillary leh a pasal Bill Clinton pen zuau bekbek tawh anungta leh amau alangpante adopbawlote uh ahi hi. Tukum Democratic National Convention madeuh in party sunga nasem khangno kum 27 apha pan Seth Conrad Rich acihpa Washington DC ah thau tawh kikaplum hi. A kaplumte in asipa na bangmah la lo uh hi. Tudong kua thah hiam cih kikankhia zolo hi. (Kawlgam tawh kilamdang hetlo!). Hih pa tungtawn in thusim tampi email pan kizakha hi kici a, tua hileh ama tunga aheh ding kua???
Athupi penpen, tu-a hong kah ding President thak in thukhen mangpi (Supreme Court Justice) 3 hiam 4 hiam akoih thak ding ahi hi. Supreme Court ah thukhenmang 9 om a tu laitak 8 bek a om suak hi. Sauvei nailo in ahoih mahmah Antonin Scalia sivat a tua tang dingin Obama in Merrick Garland kicipa koih nuam hi. Ahi zongin Congress in tudong kipsak nailo hi. Mi 8 lah ah ahoih 4, ahoih lo, Pasian thu a awlmawh lo 4 hi-in kikhaikim linlian hi. Ruth Bader Ginsburg acihnu kum 83, Anthony Kennedy kum 80, Stephen Breyer kum 78 hi-in Supreme Court Justice te pensen lak kum pen ataangpi in kum 79 ahi hi. Tua ahih manin hih mi 3 te in hong tung ding kum 4 sungin pensen la ngelngel ding uh a, amau tang pen President thak in teel ding hi. Supreme Court pen zuih ding thukhun (Upadi) te akhung ding uh ahih mah bangin Tapidaw ten sang (school, college, university) nei thei nawn lo ding, pawlpi in zong tax pia ta ding cimawk le uh zuih akul ding hi-a Pasian um lo thukhenmang 3 leh 4 hong kikoih beh leh bel Tapidaw te bawlsiatna thuak ding nai mahmah cihna hikha mai ding hi. Sum tunga “In God We Trust” cihte, President pa Laisiangtho tawh kiciamnate, National Prayer Breakfast cihte zong asawt loin beithei ding hi. A thupi pen Pasian vangliatna, Pasian thupha in America gam taisan kha mawk ding hi (Ichabod).
President kituh mi nihte bel a nuntakna uh en leng adeihhuai lua om lo hi. Ahi zongin, a mi sangin a thulet bulpite uh ethuai zawkha ding hi. Thu tuamtuam te sangin zong Pasian thu tawh kua dinmun kizawitawn zawdeuh hiam cih ethuai mahmah ding hi. Bang hang hiam cih leh, ei Zomite atamzaw ahawh pak a US pai hilo hihang. Pilna sin a paipak zong tawmno khat bek hi. I vekpi phial in a teensuak sawm hihang a, America pen ei gam bek hilo, i tu i ta te gam ding zong ahi hi. America gam in hih bangin Pasian taisansan mawk leh i ta te khang, i tute khang ah bang asuak zen tam? Tu nangawn in nidang zahin vang nei nawn lo hi. President pa zong kuaman hong thusim sak lomai hi. Sente makai, Russia te makai, Germany te makai te peuh in ki thupi muh zaw tamai hi. Tua ahih manin thu tom et kha hetlo ding hihang. Kei refugee hilel ing, kei immigrant hilel in cikha loin leitung a Zomite gam nihna ahi, America gam mailam ding ma pantheih bangin panhuai ka sa mahmah hi.
Ka cihsa mah bangin kei bel Kawlgam mah a teeng lai hi-in ka Zomi pihte teenna America gam mailam ding agal lung himawh bek ka hi hi. Kawlgam zong ahoih lam manawh ding bangkhem in lam-et bang zuahzuah tuak luakhol kei. Kawlgam mailam ding zong zing mahmah veve sa ing. I gam ahi, Kawlgam leh America gam aa dingin Pasian kiangah kiko dihni. Thungen tangtang dih ni. Topa bek I lam-etna hi.
Khazih leh Zomite sungah,
Sia Do Suan Mung
Src: Zomi Nam
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.