LEITUNG BUP NUMEITE' NI THU TOMKIM
March 8 pen kum simin International Women's Day (IWD) in kizang a, ni dangin International Working Women's Day na kici hi. International Women's Day pen numei ten amau i hamphatna ding (women's rights) nakpi takin a do ni uh hi ci-in a kiciamtehna ni hi.
Women's Day masa penpen Socialist Party of America ten New York khuapi ah February 28, 1909 in na zang masa pen uh hi. March 8, 1917 in Russian Empire khuapi Petrograd ah siamgat, puangat, khau kigan puan (textiles) nasem numei ten lungphona na nei uh a, Petrograd khuapi khempeuh lungphona in zeel suak hi. Hih lungphona pen Russian Revolution hong kipatkhiat ni hi ci-in kiciamteh hi. Tua lungphona a kineih khit ni sagih in Russia Kumpi Nicholas II in a gam uh leh a kumpi tokhom taisan (abdicated) a, tua hangin provisional Government in numei ten mee (vote) a khiat theihna ding uh hamphatna pia hi. Soviet Russia gamah March 8 pen gam bup khawlni in kipulak pah hi. March ni 8 ni pen socialist movement leh communist gamte ah khawlni leh numeite ni-in kizang a, 1975 in UN in Numeite' Ni ci-in ciamtehna pia hi.
NUMEITE' NI HONG PIAN'KHIAT DAN:
A tunga i gensa mah bangin Women's Day masa pen February 28, 1909 in kizang a, Socialist Party of America-te vaihawmna tawh 1908 in International Ladies Garment Worker's Union ten kiphinna (strike) a neih ni uh phawkna ni dingin a zat uh ahi hi. March ni 8 ni-in kiphinna kinei hi a cih hangin kiphinna kinei lo cih kitel khia kik hi. Denmark khuapi Copenhagen ah Socialist Second International a kineih ma-in August 1910 in International Women's Conference kizang hi. American socialists-te thapiakna leh amau ettahna tawh German Socialist makai Luise Zietz in International Woman's Day zat ding hi ci-in amah bekin na seh/geel (proposed) a, tua hunin socialist makai leh tua khit a sawt loin communist makai Clara Zetkin in na nungthuap pah (seconded) hi (a ni lian bel kitel lo). Tua khit nungin gam 17 panin palai (numei 100 kiim) in numei ten pasalte tawh a kibang leh a kikim hamphatna leh vote khiat theihna a neih theihna ding uh (suffrage for women) kihel in na ngen uh hi. March 19, 1911 IWD pen a khat veina dingin kiciamteh a, Austria, Denmark, Germany leh Switzerland gamte ah mi million val in zang uh hi. Austro-Hungarian Empire bekah lungphona neihna 300 om a, Vienna khuapi sunga Ringstrasse munah numei ten puansaupi tunga thu kigelh (banner) khai-in Paris Commune ah martyr a sihna tuakte a phawkna uh lahna nei uh hi. Numei ten vote khiat theihna ding leh kumpi zumah sepna a neih theihna ding uh ngen in, lungphona gam tuamtuam ah nei kawikawi uh hi. Tua loin nu-le-pa (sex) hanga kideidanna a bei theihna ding na kalh uh hi. America ah bel February kha Nipini nunung pen National Women's Day ci-in zang uh hi.
Australian Builders Labourers Federation kipawlna ah numei member ten International Women's Day 1975 in Sydney khua-ah lampi zuihna nei uh hi. 1913 in Russia numei ten February kha Kiginni nunung pen in International Women's Day masa pen dingin na zang uh hi (Russia gam-a Julian calendar tawh kituakin). Numei ten kiphinna, lam zuihna leh lungphona 1914 ma-in mun tuamtuamah a neih kawikawi hangun March ni 8 ni lianin nei ngei lo uh hi. 1914 in International Women's Day (IWD) pen Nipini ahih khak manin March 8 ni-in gam tuamtuam ah kizang hi. 1914 in Germany gamah IWD pen numei ten vote a neih theihna dingun a kizat hangin 1918 dong vote khiat theihna dingin hamphatna na ngah lo uh hi.
London khuapi ah numei ten vote a neihna ding uh gupna lahna dingin March 8, 1914 in Bow panin Trafalgar Square dong lampi zuihna na nei uh hi. Hih lampi zuite lakah Trafalgar Square ah thugen ding Sylvia Pankhurst kici Charing Cross station mai-ah na kiman hi. Russia gam-a Petrograd khuapi ah February kha-a Laizing (Thursday) tawp ni-in (Gregorian calendar tawh kituakin) International Women's Day ciamtehna dingin lungphona nasia takin nei uh hi. Saint Petersburg khuapi a numei ten "Moh leh Kilemna" ("Bread and Peace") ci-in Galpi Khatna a bei ding deihin kiphinna (strike) nei uh hi. Tua hunin Russia gamah galpi hangin nek ding hamsa mahmah a, gilkial beina ding deih man bek hilo in Czar kumpi ukna a bei ding deihna tawh kiphinna a neih uh ahi hi. Leon Trotsky in hih bangin na gelh hi, "23 February (8th March) pen International Woman's Day, kimuhkhawmna (meetings) leh gamtat lah khiatna (actions) kimuhkholh ni hi. Ahih hangin hih Numeite' Ni pen Russian Revolution kipat ni hong pian'khiat ni hi dingin kituat lo a, revolution (kilaihgawpna) nasepkhiatna tawh lahna pen piang ding hi ci-in a kimuhkholh theih tei hangin a ni ding kitheikhol lo hi. Ahih hangin a zing ciangin siamgat, puangat, khau kigan puan (textiles) nasem numei ten a nasepna mun uh nusiatsan uh a, a kiphinna uh nungthuap dingin palaite sawl uh a, tua hangin mipi kiphinna hong piangin, mi khempeuh khua lakah hong pusuak khia-in khuapi sung khempeuh ah kiphinna hong piang hi."
Russia gamah October Revolution khit nungin Bolshevik makai Alexandra Kollontai leh Vladimir Lenin in Soviet Union gam sungah March ni 8 ni pen gam bup khawl/maap ni ci-in na pulak napi un 1965 dong nasep ni (working day) mahin kizang toto veve hi. May 8, 1965 in USSR Presidium of the Supreme Soviet International Women's Day thupiakna khau mahmah (devree) kipulak a, USSR gam bup ah Soviet numei ten communist kumpi na bawlnate (constructions) ah a nasep uh a hoihna/thupitna (merit) ciamtehna ding, Petriotic War lai-in pa gam (Russia ten Father Land ci se uh hi) humbitna dinga galdo dianga kipiakkhiatna uh ciamtehna ding, numei ten gam mite kikal-ah kilawmtatna a piangsak in, a nasepkhiatte uh leh kilemna ding deihin a hanciamnate ciamtehna dingin gam bup khawl ni-a zat ding na tangko uh hi. Ahih hangin Numeite' Ni pen khawlni mawkmawkte bangin kizang ding hi ci hi.
Russian Revolution 1917 khit nungin Soviet Russia ah Numeite' Ni a kizat mah bangin leitunga communist gam khempeuh ah zong March 8 pen Numeite' Ni in na kizang pah hi. 1922 kum panin Communist gam China ah, 1936 kum panin Spanish communists ten Numeite' Ni na zang uh hi. October 1, 1949 in People's Republic of China hong pian'khiat zawhin state council in December 23 ni-in March 8 ni pen numeite zahtakna lahna dingin kumpi khawlni dingin ni lang sung nasepna maap (half-day off) ni dingin pulak hi. United Nations in International Women's Day pen International Women's Year dingin 1975 panin na zang hi. 1977 in United Nations General Assembly in March ni 8 pen numeite hamphatna ding leh leitung bup kilemna a om theihna dingin UN member khempeuh cialin March ni 8 pen UN Day for women's rights and world peace ci-a zat dingin na tangko (proclaim) un ci hi. Tua bangin March 8 pen tu dong Leitung bup Numeite' Ni in a kizang hong suak hi.
Numeite' Ni leitung bupah kizangin, numei ten vote khiat theihna a ngah khit hangun numeite nuaisiahna leh simmawhna leh bawlsiatna bei zo tuan lo a, numeite pen siamsinna leh suahtakna lamsang deih bangin Muslim gamte ah kipia loin pasalte hamphat khempeuh ngah lo uh hi. Hih banga numeite a kinuaisiahna do ngam leh numeite sangkah ding a dal ngam numeino hangsan pen Malal Yousafzai ahi hi. Malala pen July 12, 1997 in Pakistan leilu-nitumna lam Talibante hatna Swat District sunga om Mingora khua-ah piang hi. Taliban ten numeite sangkah sang loh ding leh Islamic thukham khauhmahmah Shariat tawh a ukna uh na nawk ngam a, numei khempeuh zong sang a kah kim ding uh hi cih na tangkopih hi. Taliban ten hih bangin a tangko manin thah dingin vauna a bawlbawl hangun tawpsan tuan lo hi. Hih bangin a tangkopih zom zel manin October 9, 2012 in Taliban ten sanginn panin a ciah lai takun a tuanna bus uh na suam uh a, "Note lakah Malala kua hiam? Nong kipulakkhiat kei uh leh na vek un hong kaplum ding hi ung" ci uh a, "Kei pen Malala hi'ng" (I am Malala) hangsan takin na ci pah hi.
Taliban ten a lu thau tawh kap in, a thautang a lu panin a ngawng ah lut sukin, a liangah khawlcip hi. A hangsanna leh numeite sangkahna ding a hanciamna hangin 2013 in Nobel Peace Prize nomination ngah hi. 2013 in a ngah loh hangin 2014 in zong Nobel Peace Prize nomination ngah kik leuleu a, Nobel Peace Prize pahtawina ngahte lakah 2014 in a naupang pen hong suak hi. Malala pian ni, 12 July 2013 in UN in leitung bup ah mi khempeuh in pilna leh siamsinna a ngah theihna ding uh ngimna tawh "Worldwide access to education" hunah Malala thugen dingin cial uh a, tua ni a kipanin July 12 ni pen UN in "Malala Day" ci-in ciamteh hi. Malala in leitung mun tuamtuam leh university tuamtuam ah thugenna nei-in a pai kawikawi banah kum 18 a phak ni, 12 July 2015 in Syria buaina hanga galtaite huhna dingin Syria-Lebanon gamgi a om Lebanon gam-a Bekaa Valley ah kum 14-18 kikal mite adingin sanginn khat hong a, a sanginn pen not-for-profit Malala Fund in sum tawh huh hi. Malala in leitung makaite kiangah, "Thautang bawlna dingin na sumte uh a meet dingin zang (invest) kei un la, laibu adingin zang zaw un," ci-in ngen hi. "I Am Malala" kici laibu khat zong bawl hi.
Malala' kammal hoihte:
" Nang adingin hong pai ding leh nang sik leh taang a hong pausak ding midang khatpeuh ngak sese kei in, Nang bekin leitung na laih thei hi."
"Naupang khat,
Sangsia khat,
Laibu khat leh
Laikung khatin
Leitung laih thei hi."
Source: Wikipedia and Biography
Photo: Malala Yousafzai
A kaikhawm: Thang Khan Lian
Women's Day masa penpen Socialist Party of America ten New York khuapi ah February 28, 1909 in na zang masa pen uh hi. March 8, 1917 in Russian Empire khuapi Petrograd ah siamgat, puangat, khau kigan puan (textiles) nasem numei ten lungphona na nei uh a, Petrograd khuapi khempeuh lungphona in zeel suak hi. Hih lungphona pen Russian Revolution hong kipatkhiat ni hi ci-in kiciamteh hi. Tua lungphona a kineih khit ni sagih in Russia Kumpi Nicholas II in a gam uh leh a kumpi tokhom taisan (abdicated) a, tua hangin provisional Government in numei ten mee (vote) a khiat theihna ding uh hamphatna pia hi. Soviet Russia gamah March 8 pen gam bup khawlni in kipulak pah hi. March ni 8 ni pen socialist movement leh communist gamte ah khawlni leh numeite ni-in kizang a, 1975 in UN in Numeite' Ni ci-in ciamtehna pia hi.
NUMEITE' NI HONG PIAN'KHIAT DAN:
A tunga i gensa mah bangin Women's Day masa pen February 28, 1909 in kizang a, Socialist Party of America-te vaihawmna tawh 1908 in International Ladies Garment Worker's Union ten kiphinna (strike) a neih ni uh phawkna ni dingin a zat uh ahi hi. March ni 8 ni-in kiphinna kinei hi a cih hangin kiphinna kinei lo cih kitel khia kik hi. Denmark khuapi Copenhagen ah Socialist Second International a kineih ma-in August 1910 in International Women's Conference kizang hi. American socialists-te thapiakna leh amau ettahna tawh German Socialist makai Luise Zietz in International Woman's Day zat ding hi ci-in amah bekin na seh/geel (proposed) a, tua hunin socialist makai leh tua khit a sawt loin communist makai Clara Zetkin in na nungthuap pah (seconded) hi (a ni lian bel kitel lo). Tua khit nungin gam 17 panin palai (numei 100 kiim) in numei ten pasalte tawh a kibang leh a kikim hamphatna leh vote khiat theihna a neih theihna ding uh (suffrage for women) kihel in na ngen uh hi. March 19, 1911 IWD pen a khat veina dingin kiciamteh a, Austria, Denmark, Germany leh Switzerland gamte ah mi million val in zang uh hi. Austro-Hungarian Empire bekah lungphona neihna 300 om a, Vienna khuapi sunga Ringstrasse munah numei ten puansaupi tunga thu kigelh (banner) khai-in Paris Commune ah martyr a sihna tuakte a phawkna uh lahna nei uh hi. Numei ten vote khiat theihna ding leh kumpi zumah sepna a neih theihna ding uh ngen in, lungphona gam tuamtuam ah nei kawikawi uh hi. Tua loin nu-le-pa (sex) hanga kideidanna a bei theihna ding na kalh uh hi. America ah bel February kha Nipini nunung pen National Women's Day ci-in zang uh hi.
Australian Builders Labourers Federation kipawlna ah numei member ten International Women's Day 1975 in Sydney khua-ah lampi zuihna nei uh hi. 1913 in Russia numei ten February kha Kiginni nunung pen in International Women's Day masa pen dingin na zang uh hi (Russia gam-a Julian calendar tawh kituakin). Numei ten kiphinna, lam zuihna leh lungphona 1914 ma-in mun tuamtuamah a neih kawikawi hangun March ni 8 ni lianin nei ngei lo uh hi. 1914 in International Women's Day (IWD) pen Nipini ahih khak manin March 8 ni-in gam tuamtuam ah kizang hi. 1914 in Germany gamah IWD pen numei ten vote a neih theihna dingun a kizat hangin 1918 dong vote khiat theihna dingin hamphatna na ngah lo uh hi.
London khuapi ah numei ten vote a neihna ding uh gupna lahna dingin March 8, 1914 in Bow panin Trafalgar Square dong lampi zuihna na nei uh hi. Hih lampi zuite lakah Trafalgar Square ah thugen ding Sylvia Pankhurst kici Charing Cross station mai-ah na kiman hi. Russia gam-a Petrograd khuapi ah February kha-a Laizing (Thursday) tawp ni-in (Gregorian calendar tawh kituakin) International Women's Day ciamtehna dingin lungphona nasia takin nei uh hi. Saint Petersburg khuapi a numei ten "Moh leh Kilemna" ("Bread and Peace") ci-in Galpi Khatna a bei ding deihin kiphinna (strike) nei uh hi. Tua hunin Russia gamah galpi hangin nek ding hamsa mahmah a, gilkial beina ding deih man bek hilo in Czar kumpi ukna a bei ding deihna tawh kiphinna a neih uh ahi hi. Leon Trotsky in hih bangin na gelh hi, "23 February (8th March) pen International Woman's Day, kimuhkhawmna (meetings) leh gamtat lah khiatna (actions) kimuhkholh ni hi. Ahih hangin hih Numeite' Ni pen Russian Revolution kipat ni hong pian'khiat ni hi dingin kituat lo a, revolution (kilaihgawpna) nasepkhiatna tawh lahna pen piang ding hi ci-in a kimuhkholh theih tei hangin a ni ding kitheikhol lo hi. Ahih hangin a zing ciangin siamgat, puangat, khau kigan puan (textiles) nasem numei ten a nasepna mun uh nusiatsan uh a, a kiphinna uh nungthuap dingin palaite sawl uh a, tua hangin mipi kiphinna hong piangin, mi khempeuh khua lakah hong pusuak khia-in khuapi sung khempeuh ah kiphinna hong piang hi."
Russia gamah October Revolution khit nungin Bolshevik makai Alexandra Kollontai leh Vladimir Lenin in Soviet Union gam sungah March ni 8 ni pen gam bup khawl/maap ni ci-in na pulak napi un 1965 dong nasep ni (working day) mahin kizang toto veve hi. May 8, 1965 in USSR Presidium of the Supreme Soviet International Women's Day thupiakna khau mahmah (devree) kipulak a, USSR gam bup ah Soviet numei ten communist kumpi na bawlnate (constructions) ah a nasep uh a hoihna/thupitna (merit) ciamtehna ding, Petriotic War lai-in pa gam (Russia ten Father Land ci se uh hi) humbitna dinga galdo dianga kipiakkhiatna uh ciamtehna ding, numei ten gam mite kikal-ah kilawmtatna a piangsak in, a nasepkhiatte uh leh kilemna ding deihin a hanciamnate ciamtehna dingin gam bup khawl ni-a zat ding na tangko uh hi. Ahih hangin Numeite' Ni pen khawlni mawkmawkte bangin kizang ding hi ci hi.
Russian Revolution 1917 khit nungin Soviet Russia ah Numeite' Ni a kizat mah bangin leitunga communist gam khempeuh ah zong March 8 pen Numeite' Ni in na kizang pah hi. 1922 kum panin Communist gam China ah, 1936 kum panin Spanish communists ten Numeite' Ni na zang uh hi. October 1, 1949 in People's Republic of China hong pian'khiat zawhin state council in December 23 ni-in March 8 ni pen numeite zahtakna lahna dingin kumpi khawlni dingin ni lang sung nasepna maap (half-day off) ni dingin pulak hi. United Nations in International Women's Day pen International Women's Year dingin 1975 panin na zang hi. 1977 in United Nations General Assembly in March ni 8 pen numeite hamphatna ding leh leitung bup kilemna a om theihna dingin UN member khempeuh cialin March ni 8 pen UN Day for women's rights and world peace ci-a zat dingin na tangko (proclaim) un ci hi. Tua bangin March 8 pen tu dong Leitung bup Numeite' Ni in a kizang hong suak hi.
Numeite' Ni leitung bupah kizangin, numei ten vote khiat theihna a ngah khit hangun numeite nuaisiahna leh simmawhna leh bawlsiatna bei zo tuan lo a, numeite pen siamsinna leh suahtakna lamsang deih bangin Muslim gamte ah kipia loin pasalte hamphat khempeuh ngah lo uh hi. Hih banga numeite a kinuaisiahna do ngam leh numeite sangkah ding a dal ngam numeino hangsan pen Malal Yousafzai ahi hi. Malala pen July 12, 1997 in Pakistan leilu-nitumna lam Talibante hatna Swat District sunga om Mingora khua-ah piang hi. Taliban ten numeite sangkah sang loh ding leh Islamic thukham khauhmahmah Shariat tawh a ukna uh na nawk ngam a, numei khempeuh zong sang a kah kim ding uh hi cih na tangkopih hi. Taliban ten hih bangin a tangko manin thah dingin vauna a bawlbawl hangun tawpsan tuan lo hi. Hih bangin a tangkopih zom zel manin October 9, 2012 in Taliban ten sanginn panin a ciah lai takun a tuanna bus uh na suam uh a, "Note lakah Malala kua hiam? Nong kipulakkhiat kei uh leh na vek un hong kaplum ding hi ung" ci uh a, "Kei pen Malala hi'ng" (I am Malala) hangsan takin na ci pah hi.
Taliban ten a lu thau tawh kap in, a thautang a lu panin a ngawng ah lut sukin, a liangah khawlcip hi. A hangsanna leh numeite sangkahna ding a hanciamna hangin 2013 in Nobel Peace Prize nomination ngah hi. 2013 in a ngah loh hangin 2014 in zong Nobel Peace Prize nomination ngah kik leuleu a, Nobel Peace Prize pahtawina ngahte lakah 2014 in a naupang pen hong suak hi. Malala pian ni, 12 July 2013 in UN in leitung bup ah mi khempeuh in pilna leh siamsinna a ngah theihna ding uh ngimna tawh "Worldwide access to education" hunah Malala thugen dingin cial uh a, tua ni a kipanin July 12 ni pen UN in "Malala Day" ci-in ciamteh hi. Malala in leitung mun tuamtuam leh university tuamtuam ah thugenna nei-in a pai kawikawi banah kum 18 a phak ni, 12 July 2015 in Syria buaina hanga galtaite huhna dingin Syria-Lebanon gamgi a om Lebanon gam-a Bekaa Valley ah kum 14-18 kikal mite adingin sanginn khat hong a, a sanginn pen not-for-profit Malala Fund in sum tawh huh hi. Malala in leitung makaite kiangah, "Thautang bawlna dingin na sumte uh a meet dingin zang (invest) kei un la, laibu adingin zang zaw un," ci-in ngen hi. "I Am Malala" kici laibu khat zong bawl hi.
Malala' kammal hoihte:
" Nang adingin hong pai ding leh nang sik leh taang a hong pausak ding midang khatpeuh ngak sese kei in, Nang bekin leitung na laih thei hi."
"Naupang khat,
Sangsia khat,
Laibu khat leh
Laikung khatin
Leitung laih thei hi."
Source: Wikipedia and Biography
Photo: Malala Yousafzai
A kaikhawm: Thang Khan Lian
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.