RUSSIA IN MARS AH ASTRONAUTS SAWL SAWM TA

RUSSIA IN MARS AH ASTRONAUTS SAWL SAWM TA

Russia in 2018 ciangin nuclear engine zangin Mars ah astronauts kah sak ding hi ung ci'n taangko khia ta hi. Hih astronauts a sawl dingte nuclear engine ah tuang ding uh a, nipi kal 6 sungin Mars sung tung ziau ding uh hi. Russia in a geelna danin kha 18 sungin (2018 ciangin) Mars ah mi kahsak sawm a, a geelna bangin a lawhcing leh Russiate pen Mars kha sung mihing a sik masa sak pen suak ding hi. Russia in 1961 kum pekin Yuri Gagarin space na sik sak khin zo uh hi.

Russia in Mars sunga hawh dingte tuan nang nuclear engine nasia takin bawl lai a, hih nuclear engine (propulsion) a bawl pen chemical rocket sangin a leh lang (half) in zang zaw ding ahih manin hat mahmah ding hi ci'n Daily Mail in suaksak hi. Hih nuclear engine spacecraft bawlna in $274 million kizang a, 2010 kum panin space agency RosCosmos in na bawl a, tu-in nuclear group, Rosatom ten a zawh siangna a bawl ding un ki-ap hi.

Nuclear power tawh a kibawl spacecraft (space vanleng) pen manlang mahmah a, Mars a tunna ding kha khat panin kha khat leh a lang kikal bek hun bei ding hi ci'n Rosatom director Sergey Kirienko in RT newste kiangah gen hi. Tu lai takin spacecraft kizangte pen Mars a tunna ding kum khat leh a lang bang kul a, tua zong a spacecraft hong kileh kik thei lo hi ci'n gen beh hi.

Tu-in Russia in space ah fission reactors 30 nei ta a, US in 1965 in SNAP-10A (System for Nuclear Auxiliary Power) khat nei a, neih beh nai lo hi. Tua ahih manin Russiate pen space lamsangah madawk mahmah hi. USte NASA engineer ten 2033 ciangin Mars ah nuclear thermal propulsion kici kap sawm uh hi. Space agency’s design in a genna reactor sunga kizang hydrogen tui (liquid hydrogen) satsakna dingin uranium-235 nuclear reactions kizang a, tua in ionized hydrogen gas (plasma zong a kici) piangsak hi. Hih ionized hydrogen gas pen rocket muk ah kituah a, tua hangin rocket leng khiasak thei hi.

Hih ionized hydrogen/plasma pen spacecraft len' theihna dingin kisam hi ci'n Nasa’s John Glenn Research Centre engineer Dr. Stanely Borowski in gen hi. NASA ten 2033 ciangin Copernicus spacecraft kici ah van (cargo) leh crewed transfer vehicles sawl sawm a, a spacecraft pen nuclear thermal propuslion kizang ding (mihing sawl sawm zo nai lo uh suak lai hi cihna hi). Hih spacecraft in engine thum nei dinga, a hatna pen 25,000 lbs of force hi ding hi ci'n gen beh hi. Hih spacecraft in Mars tunna dingin (40 million mile) ni 100 bei sak ding hi. Russiate nuclear engine pen nipi kal guk (6*7=42 day) sungin tung ziau ding hi.

NASAte' Mars Laboratory spacecraft in January 24, 2014 Curiosity Rover kici Mars ah na sawl ngei a, tua a tunna dingin ni 253 bei hi.

-Your News Wire