KHUAK MANLANG PEN KIM UNG-YONG' THU TOM KIM

KHUAK MANLANG PEN KIM UNG-YONG' THU TOM KIM

Kim Ung-Yong pen Hongje-dong, Gangneung, Gangwon, South Korea ah March 7, 1963 in piang hi. Amah pen Korean civil engineer ahi hi. A pa min Kim Soo-Sun hi a, professor ahi hi.

Kim Ung kha 6 bek a phakin pau 4 - Korean, Japanese, English, German sim thei a, kum 2 bek a phakin hih pau li teng pau thei hi. Kum 4 a phak ciangin pau tampi pau thei hi. Kum thum bek a phakin algebra (Math sunga haksa mahmah) tel siam mahmah hi. Kum 4 a phakin English leh German kammal 2000 val lotngah a, Korean leh Chinese pau in essay leh poetry phuak thei a, poem (la) 2 leh essay (thu sau gelh) laibu 2 tuakin bawl hi ci'n a pa'n gen hi. Kum 4 a phakin University ah physics guest dingin kisam a, kum 7 a phak in USte NASA ten cial uh hi. Kum 15 bek a phakin Ph.D man hi. 1990 in leitung a khuak manlang pen in IQ TEST ah Guinness Book of World Records in ciamteh a, a IQ pen 210 hi ci'n kiciamteh hi.

Kum 4 bek a phakin kum 7te adingin a kibawl IQ test ah kihel a, a IQ 200 pha zo hi ci'n Look magazine laipaih (article) ah a tangthu na tuang pah hi. Hih Look magazinete laipaih Grant High School, Los Angeles (US) sang naupang leh sangsia ten na sim kha uh a, thupi sa lua uh ahih manin a sanginn uh-ah laisim dingin na zol uh hi. February 1967 in a pa'n Grant High School ah a min na khumsak hi.

Kum 5 bek a phakin (November 2, 1967) Fuji TV, Japan ah kisuaksak a, math haksa mah Differential Equations kicite haksatna bangmah nei se lo tuat (solved) thei ziauziau ahih manin a mu kha peuhmah lamdang a sa lo om lo hi. Fuji TV ah a suak (show) lai mah in pau tuamtuam - English, Mandarin, Spanish, Vietnamese, Tagalog, Japanese leh Korean pau in la (poems) phuak hi. November 5, 1977 in Kim Ung-Yong in Japan TV ah thu haksa mah (complicated differential and integral calculus problems) tampi tuat (solved) thei hi.

Tua khit a sawt loin Chungbuk National University panin civil engineering major ngah a, kum 15 a phakin hih university panin Ph.D ngah hi. 2007 in Chungbuk National University ah faculty in sem a, March 14, 2014 in associate professor (professor za nuai lian) Shinhan University ah ngah hi. Tua khit in North Kyeong-gi Development Research Center ah vice president len hi.

Kim Ung-Yong in tapa nih nei hi. Mi kiniamkhiat ahih manin a pilna taangko khia lo a, a seppihte nangawn in a neu cil a kipanin khuak ciim leh khuak manlang ahih thu thei lo uh hi. Sept. 8, 2012 in MBC ten a interviewna ah media ten kei tawh kisai thu a suahna uh-ah hong pawng phat uh a, thuman lo tampi suaksak uh hi ci'n gen hi.

-Wikipedia/General Knowledge