Coffee a duh mahmah Lianpi hong si hi. A zi Huaipi tawh a kiteen zawh kum 40 cingh khin hi. Kum 40 sung tawntung Huaipi in Lianpi Coffee sungah Ci helsak den hi. Lianpi hong si petmah ta hi. A sih madeuh in Lianpi in Huaipi simding laikhak khat nutsiat hi.
Tua Laikhak pen Huaipi in hong sim ta hi.
"Kong it Huaipi aw, Ci a kisawh Coffee pen kum 40 sung sitset zing tawh nitaak tawh a dawn den ka hihi. Naak lim loh zen hiven! Huaipi aw hong mawhsak keng. Kei a khial hizaw ingh. Ih kimuh masak pen ni in Coffee ih dawn khawm a, ken ka Coffee hai sungah Cikhum a sung ding kimlai Ci sung kha ka hihman in limsa lo pipi in Coffee - al ka dawn hi. Nong hai muh luat ding ka lauh luat manin limsa lo pi limsa kineih in "Ci a kisawh Coffee ka dawn simin tuipi geia ka innpi uh ka phawk hi.
Tuipi geiah a khangkhia ka hihman in a al limlim in ka lung hong nuam sak hi" kong cih pen nang na ciamteh in ih kiteen ni a kipan ka sih ni dongin ka dawn ding Coffee sungah Ci nong helsak tangtang hi. Zuau hong gen dah leng Coffee khum dawn kha mah ding hi veng mete! Ahizongin Huaipi aw thu khat hong gen ning maw, ka nu sung pan piangkik thei hileng kong gensa zuau mah hong gen kik veve ning. Kum 40 sung ka dawn den Coffee - al mah lim kei ta leh dawn veve nuam ingh. Bang hang hiam cileh tua Coffee al a bawl pen nang hivecin! mete.
Tua Coffee al a lim loh hangin nang bawl ahihman in ka lungnuam mahmah lel hi. Huaipi aw tua Coffee - al ka dawn nawn loh ding mah na sa penpen ingh..." Huapi in Lianpi gelh laikhak a sim khit ciangin a mit pan khitui hong luangin, hong kap khia ngeungeu hi!
Lam Thang
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.