A etteh huai Pastor Davey Blackburn.
A beisa kaalnih hun laiin Indianapolis a om Pastor Davey Blackburn pen thalakna Gym pan a ciah kik ciangin a innsungah bang va mu hiam? A it mahmah azi pen a lutang thau tawh na kikap in sisan naisan tawh kidim in ama inn sungah va mu hi. Khua na phawk nawn lo hi. Zato a tunpih zawh a sawt lo in leitung nusia sawnsawn lai hi. A zi Amanda pen asih in a gaai lai hi. Kum 28 pha pan a, tapa kum khat a cing mialmial pan khat nei uh hi. A that pa pen kum 18 a pha pan tangvalno khat ahihi.
Pastor Davey Blackburn in a gen thu nam thum:
1). "Ka zi hong thahsak pa kiman cih ka zaak ciangin ka lungnuam mahmah hi. A hizongin thukhente tungah hehpihna tawh hih ka zi hong thahsak pa tungah a na lua in thu na khen kei un. Kei leh ka zi thuak bang a thuak dingin amah leh anulehpa te ka phal kei hi" ci in thukhente tungah thuumsak hi.
2). "Ama gamtat khialhna hangin ka thuakna uh lian mahmah hi. Ahizongin Pasian in a hehpihna hih tangvalno tungah kilangsak ding a, a khialhna te hangin kisiik kik in Pasian khiang a zuat kikna hong suak ding hi."
3). "Topa Zeisu in kei leh ka innkuanpihte lungsim sungah maisak siang zawhna hong guatna dingin thu ka ngenngen hi" ci hi. Deih loh penin nang tungah hibang siatna hong tung hi kha zenzen leh bang kammal teng na lua khia tam?
Lam Thang
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.