June 1 ni-in Germany pan ciah ding.
June 10 ni-in Kalaymyo ZTS tungding.
Zomi Theological Seminary sangpi ah Vice Principal leh Academic Dean panmun adingin ZTS Board tungtawn in ZBCM in geelsa in koih khin ta hi.
Dr. CS Khai pen Tuimang khua pan akhangkhia hi-in Pasian azah tak mahmah leh Pasian itna thu Lungdamna Gospel thugen lam nuam asa mahmah khangthak makai muanhuai khat ahihi.
Dr. CS Khai pen Yangon MIT pan M.Div alakkhit ciangin Agape Zomi Baptist Church, Yangon ah Pasian nasem a , tuakhit ciangin Netherland gam ah M.Th angah khit ciangin Germany ah Doctor of Theology( D. Theo) angah ahihi.
Zomi Theological Seminary (ZTS) sangpi pen Zomi minpua Laisiangtho sang ahih mah bangin ZBCA( Zomi Baptist Churches of America ) in zong ZTS panin ZCU( Zomi Christian University) asuah theih nading dongin nakpitakin mapanna neihpih dingin geelna nei khin uh hi. ZBCA te vaihawmna tawh Dr. Elijah Brown. Ph.D , General Secretary- NABF( North American Baptist Fellowship) Pawlpi 80,000 leh member millions 30 te kipawlna makai pipa zong July 8-11,2017 sung ZTS sangpi ah ZBCA Officer te tawh kithuah in hawhding in geelna neikhin ta hi.
Dr. CS Khai lawmnu zong pilna lam ah MA nuamtakin a zokhin ta hi-in ama nasepna ahi Nursing lamtawh kisa in Germany lam aten Tahan Wesley zato pi a semdingin Dr. Than Bil Luai tungtawn in geelsak uh cih thu kiza lailai hi.
Hih bangin pilna siamna asinte igam leh imite adingin azangkik thei dingin ngaihsutna leh geelna anei Rev. Dr.Ciin Sian Khai tungah ilungdam mahmah hi.
Nasep theihna dingin aciahma in ageelsak khin ZTS sangpi te zong thupi kasa mahmah hi.Tulaitak in ZTS sangpi Kalaymyo ah Principal asem Rev.Dr. Vum Khan Khual ahihi.
Topa Pasian in alamdang takin Abraham bangin thupha ngah pan thupha naak dingin hongsiam sak tahen,
Lungdamna leh thungetsakna tawh,
Rev. Pau Khan Khai
Student at Southern Baptist Theological Seminary.
Louisville, Kentucky, USA.
&
General Secretary
ZBCA-America.
April 14,2017.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.