#"Khan Tawn Mun" cih lakhui pan ah ngah sum leh pai te tawh ah-nuai aa dan in huhna pia hi.
1. Tedim Zato pi ah Oxygen made in USA ah nu leh ah pa' min tawh pia
2.Tonzang gamke/Anlun khua zato ah Solar tawh mei zat theihding in vaihawm sak
3. Kalaymyo kim Kan Mah Kyi khua aa S/M Don Ngaih Vung Mission sepna ah700000 bei-in tuikhuk khat lam sak
4. Tualo adang naupang kepna mun 5 ah Laibu Dozen 200 kim leh laikung sum cian lai tawh ah kingah zo zahzah pia
5. Antang tawm khat piakhia hi.
Lasa Siam U Suihlun tawh Zingsol tanu te kiho na kong suaksak uh hi.
Q;ZS, Hello U Suihlun, dammaw ?
Ans;SL, Dam mah ing e Pasian' hehpihna tawh...
#Q;ZS, Na khui bawlna tawh ih mi pih te ading huhna piakhia cih za ung tua tawh ki sai thu hong dong nuam ung, a ki ngah dia ?
#Ans;Sl, Ngah lua e, hong dong lua vo he he
#Q; ZS, Hih na khui "Khan Tawn Mun" bang hun a ki pan a, bang tan sawt, koi ci hawm khia na hiam?
#Ans;Sl, Gen thei mah ning hih 'Khan Tawn Mun" ka kipat a ki pan ka hawmkhiat dong pen kum 3 bang sawt ing. Khui pen leitungbup Zomi te om na khempeuh phial ah hawmkhia zo ing.
#Q;ZS, Khua leh tui phattuamna ding hih na khui bawlna pan nasep khiatna vai nong pulak thei dia?
#Ans;Sl, Khua leh tui phattuam nading cih tawh kisai bel , US ah ih om hang ih khua ih tui a ding kisem zo mahmah lo, khui ka bawl ding ciang thu deih tak ngen in, Topa aw hih khui ka hawm ciang in ka mipih te ading hih khui man tawh na khat peuhpeuh sem nuam ing cih thu kanget hi,Pasian in ka thu nget na hong dawng in kei lam et na sang zong a tam zaw tha hong kipia cih ding hi, tua pan ka sum ngah sun teng tawh Pasian tung ka kamciam a sem khia masa hi ing.
#Q;ZS, La khui bang zah bang na bawl khin aa?
#Ans;Sl, La khui pen ka unau teng ka kim lai uh "Sower Sister" min tawh
"A Gam leh A dik Na" , khui thum dong na bawl ung. Tua khit teh Malaysia ah ka U Mang tawh "Sen lai Ni" cih na bawl ung. Tua lo bel mi khui te ah kihel kawi kawi na om. Hih "Khan Tawn Mun" pen kei kia aa album ka bawl masak na hi.
#Q;ZS, Mai lam ah la tawh kisai bangdan geelna, ngimna na nei aa?
#Ans;Sl, Nei mah ing,Topa'n ka geelna hong tangtung sak leh Zomi te lak ah a kibawl ngei nai lo khat bawl ding thu ka nget laitak hi.
#Q;ZS, Zomi te tung na gen nop a om leh nong gen thei dia?
#Ans;Sl, Ka gen nop pen tam lua he he.
A masa in Zomi a hong bawl Pasian tung lungdam masa ing. Hih ka khui bawl ka kipat nading sum leh pai hong huh zomi ta te mah hi. Ka la khum pan ka hawmkhiat dong hong huh hong pan pih video, music aa kipan a neng a tawng hong huh Zomi te mah hi, lungdam mahmah ing. Khui ka hawmkhiat taktak ciang a munmun pan Zomi Innkuan makai te, biakna makai, lawm leh gual a kua mapeuh in nong huh manun ka ut mahmah khat khui man tawh hong semkhia sakzo na hih manun a munmun a om Zomi te tung lungdam pha diak ing. Khui tam mahmah kawm kal, sum leh pai haksat mahmah kawm kal ah "Suihlun khui"cih tawh hong lei sak in tha hong pia zomi te tungah ka lungdam mahmah hi. Topa'n Zomi te thupha hong pia hen. Tua banah mai lam ah zong hih bangin i mipih te ading sep zawh nading ka thunget na lian pi ahih manin, khat peuhpeuh i sepna te ah tha hong pia lai un, cih hong thum nuam ing.
Q;ZS, Zomi music lam thapiak nopna leh khui zuak dan nang muhna nong gen thei dia?
Ans;Sl, Zomi sung lasa te tuciangciang lasak tawh kivak om nai lo hi. A hih hang lungkia kei ni. Mai lam ah tampi hong hoih ding um ing. I sepna peuhah citak ni. Topa' hong piak talen Pasian ading leh i mipih te ading in zang ni. Khui khat peuhpeuh i bawl ciang ei ading bek hilo in hong lei ding te ading zong ngaihsut sak in a hoih thei pen mah in bawl leng i mipih te in zong tha hong pia mahmah uh hi. Kei' omna US lam ah kei' muhna tawm hong gen ning. A kua mah peuh na a sep tek kul, khui ngaih man hun ding omlo kawm kal pan hong lei sak tantan uh hi-in a lungdam huai zaw hi. Khui pen kal khat a a thak khat ta hong om zawzen ciang hih lam zong haksa kisa mahmah mai a hih ciang, khui hawm ding peuh in zong tawm khat ta bang ki ngak bawl in hawm leng kikhawng zaw-in um ing. Lasa te zong i bawl veve quality hoih thei thei in bawl leng Zomi sung music hong khangto mahmah ding cih kei' muhna hi. Gen khialh om leh hong mai sak un.
Q;ZS, Na nuntak sung na ut penpen khat nong gen thei dia ?
Ans;Sl. Leitung ah khang nih ki nungta loding a hih teh ka nuntak sungin mi te' phattuamna bawl zo ding cih ka ut pen leh ka thungetna bulpi hi.
Thudong leh Thukan
CS Mung and Cing Van Kim
photo credit; Suihlun
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.