Zomi Innkuan USA
Executive Committee
THUPULAKNA
April 7, 2017
Galtai Gambel Peemtavai (Refugee Resettlement)
Tu sung teng, Kongzing Holimna leh Thukizakna (Social Media) tuamtuam tungtawn in, US gam, Kentucky gamkee, Bowling Green khuapi a om “International Center of Kentucky” Pawl in US gam ah apeemta (Resettle) nuam Galtaite (Refugees) panpih in, US gam atun’ theihna dingin vai hawmsak hi cih thu kiza hi.
Galtai Gambel Peemtavai pen Zomi-te masuan vai lianpi khat ahih manin, hih thu tawh kisai a thu a la kician takin akan ding leh lamkaal a om Galtai Zomi-te mailam dinmun ding avaan dingin, Zomi Innkuan USA kipawlna Executive Committee Pawl in Vice President Pa Tual Khan Suan leh EC panmunlen Pa Thang Khawm Pau Zomi kiseh a, Bowling Green khuapi vakuan in International Center of Kentucky Pawl pan uliante tawh maitang kimu in, thu leh la avaan dingin kicial hi.
ZIUSA EC Pawl tang’in Pa Tual Khan Suan leh Pa Thawng Khawm Pau Zomi in, April 7, 2017 (Friday) ni in, International Center of Kentucky Pawl a Executive Director Mr. Albert Mbanfu tawh maitang kimu in thu leh la kikum thei uhhi. Hih Thukikupna tungtawn in, tu sung teng a kigen ngeingai thu, US gam ah peemta’k theihna ding vai pen anuai a bangin thu hong ko uhhi.
1. Gam dang, gam nihna, lamkaal a omlai, anuai a dinmun aneikhin Galtai mite sung pan US gam Kentucky Gamkee sung ah apeemta nuam khatpeuh a om aleh, International Center of Kentucky Pawl in a thu a la teng vaansak in ahuh ahi hi.
(a) UNHCR Pawlpi in Galtai (Refugee) kician khatin aciapteh mi hiding,
(UNHCR ID Card atawi Galtaimi hiding)
(b) US Kumpi tang’in na asem Overseas Processing Entity (OPE) zum in, US gam ah apeemta thei dingin asan’sa (akipsaksa) Galtaimi hiding,
(OPE amankhin hiding)
(c) Galtai zum panin akiguan MY Nambat (Malaysia), TH Nambat (Thailand), IN Nambat (India) khat peuhmah kician takin angahkhin Galtaimi hiding,
(d) Kentucky gamkee sung, adiak in Bowling Green leh Owensboro khuapite ah innkuanpih, meeltheih, tanau, lawm leh gual (Relatives) amuan huai innteek mi khatpeuh anei Galtaimi hiding,
(Bowling Green leh Owensboro khuapite ah ateng tualsuak/peemta mite’ Galtai innkuanpih, meeltheih, tanau, lawm leh gual khatpeuh kisam thei hi)
2. Pa Tual Khan Suan’ hong kohna tungtawn in, hih International Center of Kentucky vaihawmna pen US gam ah apeemta nuam mi khempeuh a’ding hilo a, Kentucky gamkee ah apeemta nuam Galtai mite a’dingbek ahi hi. UNHCR ID Card anei Galtai khempeuh a’ding hilo a, OPE zum in asan’sa Galtai mitebek a’ding ahi hi.
3. International Center of Kentucky Pawl in hibang danin Galtai mite US gam ah apeemta dingin a huh theih bangin, US gam sung mun tuamtuam a om Pawl/Palai (Agency) zum tuamtuam inzong a huh thei, ahihkei leh a huh toto hi a, vai hawmdan akibang ahi hi. Ahi zongin, hih International Center of Kentucky Pawlte’ vaihawmna pen Kentucky gamkee khantohna ding ngimna tawh, atuam vilvel in a hanciamna uh ahi hi.
4. US gam ah gambel in peemta’k theihna ding panpihna pen, US Kumpi (State Department) pan vaihawmna leh, tua peemtate a’ding in akia sum leh paai (Budget) tungtawn in, Galtai peemtate ahuh Palai/Pawl (Agency) khatpeuh, ahihkei leh, Pawlpi/Kipawlna khatpeuh in asem thei ahi hi. Tua hi a, US Kumpi ahihkei leh US Gamkee Kumpite vaihawmna leh thumeilette tung ah gambel vai kinga tawntung hi.
5. Zomi Innkuan USA kipawlna Executive Committee pawlin gamdang, gam nihna, lamkal a omlai Galtai Zomi-te mailam kalsuan zia ding kilung himawh mahmah ahih manin, amaute a’ding in anungta Pasian tung ah kithutuak takin thu kingetsak hi. ZIUSA Kipawlna dinmun paninm Zomi Galtaite tawh kisai in thu leh la vaanpih theihna ding lampi a om ding hiam cih thu kanbeh dingin kithukim hi.
Executive Committee
Zomi Innkuan USA, Inc.
Tulsa, Oklahoma, USA. April 7, 2017.
Executive Committee
THUPULAKNA
April 7, 2017
Galtai Gambel Peemtavai (Refugee Resettlement)
Tu sung teng, Kongzing Holimna leh Thukizakna (Social Media) tuamtuam tungtawn in, US gam, Kentucky gamkee, Bowling Green khuapi a om “International Center of Kentucky” Pawl in US gam ah apeemta (Resettle) nuam Galtaite (Refugees) panpih in, US gam atun’ theihna dingin vai hawmsak hi cih thu kiza hi.
Galtai Gambel Peemtavai pen Zomi-te masuan vai lianpi khat ahih manin, hih thu tawh kisai a thu a la kician takin akan ding leh lamkaal a om Galtai Zomi-te mailam dinmun ding avaan dingin, Zomi Innkuan USA kipawlna Executive Committee Pawl in Vice President Pa Tual Khan Suan leh EC panmunlen Pa Thang Khawm Pau Zomi kiseh a, Bowling Green khuapi vakuan in International Center of Kentucky Pawl pan uliante tawh maitang kimu in, thu leh la avaan dingin kicial hi.
ZIUSA EC Pawl tang’in Pa Tual Khan Suan leh Pa Thawng Khawm Pau Zomi in, April 7, 2017 (Friday) ni in, International Center of Kentucky Pawl a Executive Director Mr. Albert Mbanfu tawh maitang kimu in thu leh la kikum thei uhhi. Hih Thukikupna tungtawn in, tu sung teng a kigen ngeingai thu, US gam ah peemta’k theihna ding vai pen anuai a bangin thu hong ko uhhi.
1. Gam dang, gam nihna, lamkaal a omlai, anuai a dinmun aneikhin Galtai mite sung pan US gam Kentucky Gamkee sung ah apeemta nuam khatpeuh a om aleh, International Center of Kentucky Pawl in a thu a la teng vaansak in ahuh ahi hi.
(a) UNHCR Pawlpi in Galtai (Refugee) kician khatin aciapteh mi hiding,
(UNHCR ID Card atawi Galtaimi hiding)
(b) US Kumpi tang’in na asem Overseas Processing Entity (OPE) zum in, US gam ah apeemta thei dingin asan’sa (akipsaksa) Galtaimi hiding,
(OPE amankhin hiding)
(c) Galtai zum panin akiguan MY Nambat (Malaysia), TH Nambat (Thailand), IN Nambat (India) khat peuhmah kician takin angahkhin Galtaimi hiding,
(d) Kentucky gamkee sung, adiak in Bowling Green leh Owensboro khuapite ah innkuanpih, meeltheih, tanau, lawm leh gual (Relatives) amuan huai innteek mi khatpeuh anei Galtaimi hiding,
(Bowling Green leh Owensboro khuapite ah ateng tualsuak/peemta mite’ Galtai innkuanpih, meeltheih, tanau, lawm leh gual khatpeuh kisam thei hi)
2. Pa Tual Khan Suan’ hong kohna tungtawn in, hih International Center of Kentucky vaihawmna pen US gam ah apeemta nuam mi khempeuh a’ding hilo a, Kentucky gamkee ah apeemta nuam Galtai mite a’dingbek ahi hi. UNHCR ID Card anei Galtai khempeuh a’ding hilo a, OPE zum in asan’sa Galtai mitebek a’ding ahi hi.
3. International Center of Kentucky Pawl in hibang danin Galtai mite US gam ah apeemta dingin a huh theih bangin, US gam sung mun tuamtuam a om Pawl/Palai (Agency) zum tuamtuam inzong a huh thei, ahihkei leh a huh toto hi a, vai hawmdan akibang ahi hi. Ahi zongin, hih International Center of Kentucky Pawlte’ vaihawmna pen Kentucky gamkee khantohna ding ngimna tawh, atuam vilvel in a hanciamna uh ahi hi.
4. US gam ah gambel in peemta’k theihna ding panpihna pen, US Kumpi (State Department) pan vaihawmna leh, tua peemtate a’ding in akia sum leh paai (Budget) tungtawn in, Galtai peemtate ahuh Palai/Pawl (Agency) khatpeuh, ahihkei leh, Pawlpi/Kipawlna khatpeuh in asem thei ahi hi. Tua hi a, US Kumpi ahihkei leh US Gamkee Kumpite vaihawmna leh thumeilette tung ah gambel vai kinga tawntung hi.
5. Zomi Innkuan USA kipawlna Executive Committee pawlin gamdang, gam nihna, lamkal a omlai Galtai Zomi-te mailam kalsuan zia ding kilung himawh mahmah ahih manin, amaute a’ding in anungta Pasian tung ah kithutuak takin thu kingetsak hi. ZIUSA Kipawlna dinmun paninm Zomi Galtaite tawh kisai in thu leh la vaanpih theihna ding lampi a om ding hiam cih thu kanbeh dingin kithukim hi.
Executive Committee
Zomi Innkuan USA, Inc.
Tulsa, Oklahoma, USA. April 7, 2017.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.