Tulaitak kawlgam Khuahun !

Facebook sung leh social media tuamtuam ah ကမၻာျကီးနွစ္ခ်မ္းကြဲသြားခဲ့ရင္ (Leitung phelnih asuah leh) cih kammal laang mahmah hi. Budhist sung ah akhauh mahmah hiang khat ahi Shwe Kyin (ေရြွက်င္) hiang te' makai 3 kihal hetlo in si uh hi. Sihgalna ah USDP te' tawtna ding lam tung ah carpet a eng kiphah aa NLD te' tawtna ding asan kiphah hi. Tua pan aa kipan "Leitung phelnih kisuah kha leh" cih kammal hong laang hi.

       U Ko Ni' vai tawh kisai pen dai pianta aa amawhpi pen a ki manzolo dan khat hong suak phot hi. A taktak in hi vai omlo hileh kawl leh muslim aki singsat ding dinmun a tung khinkhian khin ahi hi. Hih vai hang in namkal leh biakna kal buainapi ding aveng phot tadih suak hi. Hihpa' sihna hang in alang nih in kidawm tuak mahmah uh ahih man in tutadih buaina om paklo ding hi.

       Kawlgam parliament pen Thein Sein' hunlai nangawn banzo nawnlo hi. Thukikup thukinial tanghtangh omlo hi. Kuamah in zong lunglut nawnlo hi. Atampen ahi NLD te'n suahtakna neilo pahphot uh ahih man in adang tading in cihtheihna omlo hi. MP pawlkhat bang in a cihna ding uh theilo ban ah bang semding cih idea lah neilo uh ahih man in "2008 thukhun akikhel masiah bang mah kisem theilo ding hi" cipong uh hi. Thukhun kilaih dong haingak theingak aa ngak ding peuh hong suah khak ding uh lau huai hi.

Democracy zia khat zat kisinna hi ei guaite. Na heh kei vo. A kidawm mahmah hilai ing ei.

Lungdam

Mung Laan Thang
Zangkong