Aizawl ah Khamtheih Rs.31 lakh val man ki haltum

AIZAWL, Feb 12: Aizawl South Joint Op­eration (ASJO) in tuni in, Central YMA makaih in Tuikhuahtlang Bas­ketball Court, Aizawl ah khamtheih namtuamtuam a matte uh hal uhi. Aiza­wl South Joint Operation (ASJO) ahihleh, Aizawl simlam a om, YMA branch 16 kigawm hi aa, amau khamtheih do dalna nasatak in nei uhi. Hih khamtheih kihal­tum teng a sum a tuat in lakh 31 val hi.



ASJO Vice Chair­man, Vanlalfela in a genna ah, khamtheih leh numei-pasal kal a thang­tatna dodalna ding a nikum November a ASJO kiphut ahihdan gen hi.



Central YMA Vice President, Vanlalruata in a genna ah, Mizoram ah khamtheih nasia tak in a zangh om a, tulaitak in state sung ah khamtheih hong ki puah ziahziah cih gen hi. Khamtheih pen state sung ah a ki nakzat lua mahmah ahih manin mipi te tungah dal khop ding pulak uhhi.



Mizo khangthak tampite khamtheih hangin si uh a, khangno tampi ‘khamtheih inn’ tuamtuam ah etkol in om uhi. Khamtheih dalna dingin na siatak in geelna neih uhhi. Hih khamtheih ki­halte ahihleh, heroin gram 1160, Alprozolam strip 50, khuh damdawi leh ganja tel in, a sum a tuat in Rs. 31 lakh val hi. ASJO in khamtheih tawh kisai in mi 96 manta uhi.

Lamka Post