India panin siavuan numei khatin US zato Inn ah sepna mu zo lo ahih manin private clinic khat hong a, a kongah, "Ki-etsak man $20, na dam kei leh $100 na ngah kik ding hi," cih suang hi.
Thu mu kisa lua in US sitni/lawyer khatin $100 ngahna ding cih lametna tawh tua clinic ah ki-ensak dingin va zuan pah hi.
*Sitni: "A lim leh a lim lo ka theihna (taste) bei hi siavuannu aw,"
*India siavuannu: "Siamah, manlangin tua za koihna bawm (medicine box) no. 22 hong tawi in la, tak thum dam lo pa' kam sungah sun'sak sin aw"
*Siavuanpa: "Ugh....namgimtui (kerosene) hilo maw" ci-in awng khia lualua hi.
*Indian siavuannu: "Wow!Congrats, a lim leh lim lo na theihna ngah kik mawk ciai... $20 hong pia o," (Sitnipa'n ut lo pipi in pia).
# Sitnipa'n a $20 ngah kik ding ngimna tawh ni thum khit ciangin tua clinic ah va ki-ensak kik hi.
*Sitni:"Siavuannu aw, ka ngaihsutna leh thu ciamteh theihna (memory) mang hi. Bangmah ciamteh thei lo hi'ng," va ci kik leuleu...
*India siavuannu: "Siamah, manlangin in tua za bawm no. 22 sunga za taak thum dam lopa' kam ah sun'sak sin aw,"
*Sitnipa: "Hih namgimtui hilo maw? Nung a kong pai-in a lim leh lim lo ka theih kikna dingin nong piak zatui mah hilo maw?" ci-in tai leh salh thuah gawp ngeiingeii..
*India siavuannu: "Wow! Congrats. Na lungsim ngaihsutna leh thuciamteh theihna na ngah kik hi. $20 hong pia in," (Sitnipa'n ut lo pipi in piak leh pai thuah).
# Tua sitnipa lungkim thei mahmah lo a,$100 ngahna ding ngaihsun pha kik a, nipi kal khat khit ciangin ki-ensak dingin hong kuan kik leuleu hi.
*Sitnipa: "Siavuannu aw, ka khuamuh theihna (eyesight) hong mang mawk hi. Hong damsak in,".
*India siavuannu: "Aw hi mawi poi si a, ko tua bang natnate a damna dingin zatui nei lo ka hih manun nong piaksa sum $40 kong loh kikna ding leh kong huhna dingin hih $100 hong san'sak o leh,".
*Sitni: (A sum piak lim takin vel pha a) "No India vunvom phiangsan ten hong khem zo kei lua ni uh teh...Hih $20 lai hi," (ci-in hang loiloi hi).
*India siavuannu: (Nuihmai hieuhiau sa in) "Wow!Congrats. Na mik vak kik a, hong damsak ka hih manin $20 ong pia o,". (Sitnipa maizum lua kisa in manlang takin piak leh pai thuah in, va pai kik ngam nawn lo).
Indiate neumuh kha kei in. A khuak uh zawh ding baih lo hi !!!!! INCREDIBLE INDIANS ๐๐๐๐๐
Thang Khan Lian
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.