(Galpi Gimnam mahmah ta)
Zani (October 25, 2016) Russia in “Satan 2” Nuclear Missile aneihna puangkhia hi. “Satan 2” Nuclear Missile tangkhat in France gam, England gam ahkl Texas state susia zo ding ci hi. Km 10,000 (Tai 6,213) agamla kap thei in, Radar dal thei ci hi. Amanlanna Second khat in Km 7, minute khat in Km 420 (Tai 260) in manlang hi. Kum 1945 August kha a Hiroshima leh Nagasaki khuapi-a kikhia Nuclear Bomb sang azah 2000 (tulnih) in hat zaw ding ci hi. Anti-missile in kapkhia/dalkhia thei lo, ahangin missile dangte bangin a paina lampi khat ah tangtak in pailo in avei-atak atung-anuai aut-utna ah kawi zeau-zeau thei ci hi.
GALPI GIMNAM MAHMAH TA
Tulaitak Syria ah tualgal nasia takin kido hi. Russia in Syria kumpipa Assad panpih in US leh NATO (North Atlantic Treaty Organization, Communist Russia alangpang gamte kipawlna) in Singnuaimite (Rebel) panpih hi. October 12 le 16, 2016 in Russia galtuileng (war ship) leh galvanlengte Syria kumpi Assad huhdingin pai in England tuipi tawn in Scotland gam nawk hialhial in pai hi. British Royal Air Force in Typhoon Jets te tawh delhpah in Russia galtuilengte khuaibu tuak bang hi.
Russia in nidanga Soviet Union (USSR) gam teng abanban in lakkik sawm gige hi. Kum 2014 in Ukrain gam nuailam Crimea la in Russia nuai-a republic khat in koih hi. Nidanga Soviet Union sunga om tu in independent gam ahi: Estonia, Latvia, Lithuania gamte zong Russia in lakkik dingin phinphin hi. NATO kipawlna sung ah om ahihmanin NATO thukhun ah NATO sunga om gam khat peuhpeuh gamdang khatin hong sim leh panghuan ding cih thukhun nei hi. Russia in hih gam neuneu te a kap leh US, UK, France, Canada gamte tawh kikap ding cihna hipah hi.
UK in galkap 800, Tanks le Galvanleng Russia gamgi, Estonia gam leh Romania gam ah puak ding hi. US in galkap 4,000, NATO in galkap 40,000 puak ding hi. Kum 1960 kiim US-USSR Gal kivauna (Cool War) zawh galdo ding galkap tam kipuak pen hi.
By Paul Thangpi (Pau Pian Thang) Offenbach, Germany
Source: The Daily Mail, The Mirror
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.