Rev Dr Simon Pau Khan En
Prof Dr C Thang Za Tuan
Politics tawh kisai in, PhD ciangdong a ngahkhia zong Zomi sungah ki om ta hi. Ahi zongin tua banga pilna kuitung khinsa ten Pu Chin Sian Thang manphatzia tel uh a, pahtawi taak sa in zahtak thei uh hi.
Chrisian biakna tawh kisai PhD ciangdong tampi i om ta a, PhD tungzo khinsa ten Dr Simon Pau Khan En zahtak sa semsem in thupi nasa mahmah uh hi. A laklawh tepawl in a thupi zia le a pilzia kitello hizaw hi.
Kumpi sungah kum 10 vilvel nasem zo ding kikhaat mahmah kawmkal ah citak tak-a kumpi nasep kum 37 sung vilvel paubanna neilo-a Deputy Director General ciang dongah a tungto zo khat pen a sem taktak te leh a pil taktak ten zahtak thei bek hi.
Hih a tunga taltaak 3 teng i et ciangin a pilna uh zong kicing banah a thuakna uh, a phut khak uh thute tungtawnin muanhuai mahmah hi.
Bawhlung kimawlte i et ciangin i hawmthawh mahmah a, eikeek va kimawl lehang min hong nuihsan lel ding dinmun Zomi sungah tampi i om hi.
GZA khawmpi a nih veina Tedim khuapi ah Dr Do Suan Mung in hih taltaak teng 3 zahtakna le pahtawina kammal pulak a, Dr Mung' lungtang bang lungsim puatek lehang ka na cici hi.
Parihtat/nurihtat siamte hangin a kimawlte thahat tuam hi. Kimawl siamte thahat theih nadingin Parihtat/nurihtat ten thapiak siamtek ding hanciam ni u le nau aw.
Amau zong siam lua mahmah kacihna hihet kei. Ei keek va kimawl lehang, amau siakmit tan zong banzo hetlo ding i hih lambel tel sinsen mawk ing. Kawlgam khawnga ki-ukzia pen i theihsa tek hi. Tua teng mah thei-a gampua lam kiden teng bangin hawmthawh zaw lai hihang.
Michael Hungpi (Dal Sian Hung)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.