✔ Ziin hong ling leh ki buk theih nadingin a to/a khauh sabuai, lupna cih bang, mun muanhuai khat theikhol in.
✔ Ziin hong ling leh a ki pukthei ding Bizu (ဗီ႐ို), Tau (စင္�), Kongkhak pi, Tawlet, Limlang cih bangte theikhol inla a ki puk loh nadingin inn'kawm ah kimtak in belh in. Van gol, van gik, van ki tamtheite a sangah koih kei inla lupna tawh zong ki naisak kei in.
✔ Inn pua aa a ki puk thei ding singkung, mei khuam, mei khau, inn that sang te theikhol inla tuate a omloh na mun, mun muanhuai zong khol in. A muanhuai mun ah na pai nading lampi zong theikhol in.
✔ Ziin hong ling leh khuk theih dingin a to mahmah lukhu (gtn. Saikel lukhu) nei khol in.
✔ Meikuang sakthei nate inn sungah koih kei in. Ziinlingna in meikuangna piangsak thei hi.
✔ A manlang aa nuntakna hotkhiatna ahi Frist aid pilna zong sin khol in.
★ Ziinling laitak koicih ki kep ding?
✔ Lungsim daisak dide inla, inn sung ah na om laitak ahih leh ziinling a daih dong innpua pusuak kei-in. Inn pua ah na om laitak ahih leh zong innsung lut laplap se kei-in. Ziinling laitak liamna sihna a tamzaw pen lauthawngna tawh innsung innpua ki leh na hang ahi hi. Inn sung pan in pusuak loh a phamawh leh zong na nung, na mai,na tung, na kim na pam limtak en in pusuak in. Set Kahlei (ဓာတ္��ေလွကား) zang kei in.
✔ A ki puk thei Kongkhak, Bizu (ဗီ႐ို) cih bang te gei ah om kei inla a to, a khauh sabuai, lupna cihbang te nuai ah ki bu in. Na ki bukna sabuai\lupna limtak len in.
✔ Inn pua ah om na hih leh a pukthei singkung, meikhuam, meikhau, inn that sang te nai-ah om kei inla mun muanhuai ah om in.
✔ Mawtaw sungah na om laitak ahih leh Ziinling a daih dong pusuak kei in. A muanhuaina mun ah na mawtaw khawlsak in.
Ref; 7 Days Journal
Hau Lun
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.