A etteh huai nupa

Sia khat in a gen ngei khat, “A et teh huai nupa” ih hih theih nadingin, hih anuai aa teng kisam hamtang ding hi ci-in nagen hi.

P/S ( manglai pan kong teikik ahihi.)

1- Khat leh khat ki it ding.
2- A picing ngaihsutna neiding.
3- Akilawm ciang khat sumlut nei ding.
4- Cidam leh tha hat ding.
5- Nu leh Pa te thukimpihna om ding.

1- Khat leh khat ki it ding.
Hih bel genphat luat zong kisamlo ding in lamen hang. Khat le khat ki it tuaktuak na in Innkuan nuam ong piangsak hamtang ding hi.

2- A picing ngaihsutna neiding.
Ih Innkuanpih nu/pa in ngaihsut picing khat ong hi hamtang leh khat leh khat kitelsiam,
ki huhsiam in, lungsim picinglo innkuanpih khat tawh ahih leh bel, buaina khat om leh zong ahoih lamtawh lepsawm lo zaw in, khat leh khat ki muanlohna lungsim tawh atawntung aa buaina om dending ahih man in, Innkuan pih ding na zon ciang in, hoihtak in ngaihsun masa in, lungsim picing aneikhat ahih ding kisam mahmah dinghi. Ki ngaih hun laitak aa, khat leh khat ki muanmawhna pen ki ten zawh ciang aa lungsim picin lohna ki muh khelh theih nading lamkhat ahih man in, ki ten ma in hoihtak ngaihsut kholh ding pen athupi mahmah khat ahihi. Kiten ma lungsim kitheih kholh ding pen thupi aa,
kitel,kithei khol lopi aa, kiten khit ciang lungkia kik cih pen ei leh ei aki khem tawh kibang ih hi hi.

3- Akilawm ciang khat sumlut nei ding.
A hikhom ciang ding sumlut naneih kei leh kiten pah saisai ding ngaihsun kei in. Nu leh Pa te ong awi/lungkimpih ahih leh bel thukhat. Tua nangawn zong sum kisapna aom ciang kitel khelhna ong piang thei veve lai ahih man hi aa, tua ahih man in ei tawh akituak khom sumlutna ih neih loh pi aa, ki tensuk ziauna in ki nungbuai thei kha ding ahih man in, ki ginkholh kaan omlo hi.

4- Cidam leh tha hat ding.
Sum leh pai kicing tak aa nei in, it dan ngaihdan asiam mahmah khat ahi phial zong in acidam leh natna lian neilo khat ahih ding zong kisam aa, tua ding zong theihkholh ding leh ki dalkhol ding zong kisam mahmah hi.

5- Pianna Nu leh Pa te thukimpihna om ding.
Pianna nu leh pa te pen akhial theilo te ahih samloh uh hang in eisang in atuahkhak uh tam zaw limlim ahih man in, Nu leh Pa te thukim na mah athupi pen hi aa, amau lungkimpihna aom ciang in OK pan hi zaw hi.
“No one is perfect “ acih mahbang in, ideal marriage ih hih theih nading in, Atung aa thu te akim ding akisap mahbang in avek in akim khin zo kei zong in atamzaw ih hih zawh nading thupi hi.

Atung aa nam 5 te en in mat(mark ) ki pia suk lehang, neu lai laihuan dan in maw.

Fullmark ih ngah nading 100 cileng atung aa nam( 5 )ci leng khat ciang mark 20 ci ni maw!

I. mark 20 (khat bek na ngah leh mark 20 hi aa, lai kiapah na hive leh.)😂😂😂

II. mark 40 (uhmm- 40 bel hi in pass liamliam aa, ahih hang kicing zo taktak nailo hi.😜😜😜

III. mark 60 ( asia lua bel hisam kei neulai sia te cihdan leh han ciam lai oo ong cihdan hi in kicing taktak nailo hi).😃😃😃

IV. mark 80 (D. (ဂုဏ္ထူး) ngah ta cileng- sialo ahih man in innkuan nuam ngah ding in kician kici thei hi.)💑💑💑

V. fullmark (5 ) akim leh bel- mopawi bawl ding bek kisam in, na Nu leh na Pa te kiang gending bek in samlai ei.💏💏💏💏💏💖💖

Kl Sangpi