ASTRONOMERS TEN GIANT PLANET 4 MUH KHIAT BEH

ASTRONOMERS TEN GIANT PLANET 4 MUH KHIAT BEH

March 17, 2016: Aksi, planette leh space sunga omte thu lamsang siam (astronomer) ten planet gol mahmah 'Giant Planet' kici li muh khiat beh uh hi. Hih Giant planet a muh khiatte uh pen planet gol pen Jupiter sangin a leh 2.4 - 5.5 bangin gol zaw lai a, aksite kim kot in kipei uh a, tua aksi a kim kotte uh pen Ni sangin zong gol zaw hi ci uh hi. Hih Giant planet ten Aksite kim kot in khat vei a kipeina dingin hun (orbital periods) leitung kipei sangin sawt la zaw in, zia ol zaw a, kum li sung in khat vei kim kot in kipei zo uh hi. Hih Giant planet suite (researchers) pen Chile gam-a Pontifical Catholic University a sem Matias Jones in makaih a, Cerro Tololo Inter-American Observatoryte 1.5 m telescope, Chile gam-a La Silla observatory 2.2 m telescope leh Australia gam-Anglo-Australian telescope 3.9 m zang uh hi.

Hih telescope (mun gamlapi etna, aksi etna dinga kizang) ah spectrographs kici zangin research bawl ten a vak pha mahmah aksi gol 166 lim takin Southern hemisphere panin en uh hi. Hih aksi 166 a ette pan un radial velocities li a muhte uh limtakin a et phat uh ciangin Giant planet li — HIP8541, HIP74890, HIP84056 and HIP95124 hong mu khia uh hi.

Hih aksi lamsang siam ten Giant planet a muh khiatte uh a gol dan leh a kipei dan uh tuam tek hi cih mu khia uh a, hih Giant planet lite lak panin HIP8541b gol gen a, planet gol pen Jupiter sangin a leh 5.5 in gol zaw a, aksi kim kot khat vei a kipei suakna dingin ni 1,560 hun la hi ci uh hi. HIP8541b in in a kim kot aksipi pen Ni sangin giat vei bang (eight solar radii) gol zaw hi ci uh hi.


HIP74890b leh HIP84056b pen a gol dan leh a kipei manlan' dan kibang pian a, Jupiter sangin a leh 2.4 in gol zaw a, HIP84056b in aksi a kim kot pen ni 819 sungin khat vei kim kot zo hi. A aksi kim kot pen Ni sangin a leh 1.7 in gol zaw hi. HIP84056 planet kipeina aksi pen Ni sangin a leh 5.03 in gol zaw a, HIP74890 kipeina aksi pen Ni sangin a leh 5.77 in gol zaw hi.

Hih Giant planette pen exoplanets zong kici a, HIP95124b pen a a kipeina manlang pen a, a kipeina aksi khat vei a kualh na dingin ni 562 sung lut hi. Hih pen Jupiter sangin a leh 2.9 in gol zaw a, a Ni sangin (solar radiia) a leh 5.12 in gol zaw hi. Hih Giant planet a muh khiatna thu uh pen journal arXiv.org. ,arXiv:1603.03738 [astro-ph.EP]arxiv.org/abs/1603.03738 ah zong sim theih ding hi.

-The Hindu/psy.org/IFL Science