A ETTEH HUAI KHE BUI SIAVUANNU

A ETTEH HUAI KHE BUI SIAVUANNU

Feb.2, 2016: March 1993 in kum 4 a phakin China naupang Li Hongju tha lawp takin nursery sang kah dingin a kuan lai in truck in phukha a, a khe langnih gawi zan sak hi. Maw taw in a khe a gawi zan sak manin siavuan ten a nuntakna humbitna ding om sun pen a khete gel tan loh phamawh hi ci'n tansak uh hi. A khe a kitansak khit in a khete centimeter 3 bek in sau hi.

Kum 8 a phakin a khut langnih zangin sing tutphah/sing tutna tungah pai ding kisin a, pai ding a kisin lai in haksatna leh a na a thuakna hangin mi dangte huh ding khentatna hong nei a, a hanciamna khawlsan tuan loin sang kah zom toto hi. Special vocational school ah kum 4 a sin khit teh associate degree ngah hi. Tua khit a kum kikin Wadian khua-ah zato inn neu khat (medical clinic) ah sem hi. A sangkah lai in Li Juhong in amah sangin kum nih a u zaw Liu Xingyan tawh kimu uh a, ki-it kingai in hun sawtpi khit nungin kitenpih hi. Liu Xingyan in Li Hongju a kitenpih khitin a nasep khawlsan a, inn nasep khempeuh a sep banah a zi' sepna clinic pen a inn tawh metre 500 in kigam ahih manin a zi leeng tawh hawlin a sepna munah va kha den hi (Li pen sing tutna tawh pai ahih manin a sepna mun a tunna dingin nai kal 1 leh a lang ta bei den hi). Khua mualah a kah ding ciangin a pasal in puak thawh hi.

Tu in Li Hongju kum 37 cing ta a, China gam leitaw-nitumna lam a om Chongqing Municipality ah siavuan kum 15 sem ta hi. Kum 15 a sep sungin Li Juhong in mual tung a om Wadian khua ah dam lo 1,000 val kem ta hi. Wadian khua pen inn 300 kiim teenna khua hi a, khuamite nga lakah khat pen kum 60 tung vive ahi hi. Li Juhong in a nasep hun a man khit nitak ciangin zato inn a zuan zolo dam lote a inn ah va veh in va khoi den lai hi.

Li Hongju in Wadian khua-ah siavuan a sep kum 15 sungin a pasal in a khak man loh ciangin a sing tutphah zangin kuan zel a, sing tutna 24 siasak ta hi. Ei siavuan neksiate tawh kikhia tak ei mate?

- en.people.cn