Tulai hun khangto....
Tulai hun khangto mah bangin nupa khat kipkho ding cihpen hong haksa toto ta hi. Pasal hangin ahizongin, Numei hangin ahizongin nupa hihna pen kitamkham thei uh hi.
Naupang te hehpih huai..
Nupa khat in om ciang, nau anei zong om in, nau anei lo zong om hi. Ahihhangin
Nupa kikal thu kilemlohna hangin aki khen uh ciangin naupang i anuntakna pen hehpih huai mahmah uh hi.
Apu,api,anuneu,apaneu te i migitna hangin...
Pawlkhat nupa hihna kitamkham innkuan te ahih ale naupang te akeem ding om lo thei hi. A nu le pa te in amaute lampi pen amaute anuam thei dingin tawn thei uh hi. Tua hi-in naupang te i maailam hunding pen apu,api,anuneu,apaneu te in akeem zong om uh hi.
Nangi nanuntakna sangin naupang te nuntakna en zaw in...
Nupa hihna ah akilem nupa tampi omding hi ci-in ummawh ingh. Bangbang na hi uh zong nangi nanuntakna sangin naupang te nuntakna pen ngaihsut ding zong ki sam hi.
Naupang te pen mawh baang lo uh hi..
Note mah in naupang te pen mite nuntak bangin nungta sak in, ahih hang note te mah in naupang te i nuntakna ah sep ding aphamawh Tavuan la zo lo thei hihang, naupangte pen mawhna baang vet lo uh hi. Tua ahihman in nupa kal thu kilem lohna hangin kikhenna aom ale naupang te i nuntakna pen ngaihsut pih ding zong kisam hi.
Hun ka ngah sunga kong at hi....
Khialhna aom ale hong maaisak un...
Lungdam...
Leitungah aom innkuan khempeuh kilemna thupha Topa'n hong pia ta hen...
By; Thomas Tuang HL
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.