British taangthu ah amin thang mah2 ( Benjamin Disraeli ) pen (Jew) minam hi a, tua hunlai in amau gamah (Jew) mite ki sim mawh mah2 hi. (Disraeli) pen lungsim neumi khat hileh, British gamvai(politics) vaiah kihel lo ding a, adang(Jewish) te mahbang in sumzuak sumbawl lam sem khading hi.
A hihhang (Disraeli) pen mite neumuh, kosiat nate lau in a nungkiik mi hilohi. "Mihing te pen kiim lehpaam a, thupiang te bawl in, a nungta i hi kei a, kiim lehpaam a, thupiang te pen mihing te bawl hi zaw hi" cih upna nei ngiat hi. Gual lelh na icih pen, mihing te in khat vei tei2 i tuah khakding thu ahihi. A hihhang in lungtang khauh leh mi citak te ading hih leitung ah apiang theilo omlo hi cih upna neihi. Tua mahbang in British gamsung kiteel na (election) ah gual lelh na tampi kantan in, parliament ah hong kahto hi.
Parliament sung ah thu a gen ma sak ni-in, mite in zahpih in nuihsat bawl uhhi. A hihhang nungkiik lo in lungkia lo hi. Ni khat ni ciang British gam vai ah mi minthang mah2 khat ka suakding hi, ci in amah leh amah ki muan na lungtang nei hi.Mi te in bangzah ta in kosia in zahpih taleh, hangsan tak in gen ngam in sem khia hi. A tawpna ah atupna hong taangtung in (feb-27-1868) kum in British Prime Minister hong ngah hi. Kumpi termnih sung hongsem a, a hanciam naleh sepkhiat na te hang in, 19th Century hun beilam in leitung bupah a minthang mah2 kumpi khat hongsuak hi.
Mihing te in haksat nasung mah pan in ei sang dinmun sang zaw te-et teh to to a, i pilna, i hatna te sal khia in hanciam leeng, i muhna i theihna te hong taangzai sem2 ding a, asawt lo in gualzawh na lukhu i ngah dinghi. lungdam
Mang Suan
Nashville TN, USA.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.