US TEN AL-SHABAB MAKAI LIAN KHAT THAT???
April 1, 2016: US ten zan halin al-Shabab Islamic ngongtatte makai lian Dhoore ngimna tawh tuithe vanleng (drone) zangin a bukna mun kikap hi ci'n Pentagon in pulak hi. US ulian pawlkhatin Dhoore a kikapna hangin Dhoore leh al-Shababte nih kithat hi ci'n gen uh hi.
Dhoore pen Dec. 25 2014 leh March 2015 in Somaliate khuapi Mogadishu mun nih suamna ah kigolh a, hih munte a kisuamna hangin mi 30 in sihna tuak hi. Pentagon spokesman Cook in a genna ah Mogadishu khuapi ah 'Christmas Day 2014 attack' kici ah Mogadishu International Airport kisuam in, tua khit March 2015 in Maka al-Mukarramah Hotel kisuamna ah US mi zong si kha a, hih munte suamna pen Dhoore makaihna hi ci'n gen hi.
US senior official khatin Dhoore in US mite omna mun tampi suam sawm lai hi ci'n gen hi. Cook in Dhoore pen al-Qaida member ahih hangin al-Shababte' security and intelligence wing ah zong sem hi ci'n gen hi.
Christmas 2014 suamna ah thau tawi ten African Union galkapte galphual va buluh uh a, kikaptuahna hangin mi 9 in sihna tuak a, tuate lakah galkap thum kihel hi. March 2015 in al-Shabab ten Mukarramah Hotel va suam uh hi. Hih mun suamna hangin kikaptuahna nasia takin piang a, mi 24 site lakah al-Shababte 6 kihel hi.
-The Hindu
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.