AZERBAIJAN LEH ARMENIA GALKAPTE KIKAPTUAHNA HANGIN GALKAP 30 SI TA
April 3, 2016: Nagorno-Karabakh kiim-ah Armenia leh Ajerbaijante galkapte kikaptuahna hangin Karabakh ah Armenia galkap 18 si ta hi ci'n Armenia President Serzh Sargsyan in gen hi. Armenian Defense Ministry in Azerbaijan galkap ten Nagorno-Karabakh kiim leh gamgi panin thau golpipi (heavy weapons), tanks leh thaupi ( artillery) zangin zanhal (Laithai/Friday) panin nasia takin hong kap uh hi ci'n gen hi.
Azerbaijan Defense Ministry in zan halin a galkapte un a zat kikapkhiatsak hi cih thu a nial hangin, news pawlkhat tua helicopter kikapkhia maan tuangsak uh hi. Azerbaijan ten zong hih buaina hangin a galkapte uh mi 12 in sih lawh ta hi ci'n pulak uh hi.
Armenia ten 1988-1994 buai lai-in thautawi 'separatists' kici kipawlpih in Ajerbaijante khut panin Nagorno-Karabakh kiim la uh a, tua khit nung hih kiim kituh in Armenia leh Azerbaijan kibuai den hi. 1994 in 'ceasefire agreement' a neih hangun hih thu siang zo nai lo hi. Nagorno-Karabakh leh Nakhichevan pen Azerbaijan leitaw-nitumna lam-a om hi a, hih mun teng pen thau tawi 'separatist' ten suahtakna ding ngenin kiphinna nei uh a, Armenia ten hih separatists kicite huhna pia uh hi. Hih separatists ten Nagorno-Karabakh leh Nakhichevan kiim bek suahtakna ding ngen lo uh a, tua kiim a om province (state) sagih suahtakna ding ngen sawnsawn uh ahih manin Azerbaijan in suahtakna pia nuam lo hi.
-CRIENGLISH (CRI)/CNN
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.