Union of Myanmar sung ah Zomi State khat phut zawhna ding ngimna tawh September 13, 2017 ni in Kawlpi/Kalaymyo ah Zomi State Committee khat kiphuan khia hi.
Hih Zomi State Committee pen ZRO (East) i makaihna nuai ah akiphuan ahi hi.
Hih committee pen Zomi state ngah theihna ding in kisapna a om zenzen a leh zattheih ding in Thagui Thatang lam avaihawm committee hizaw hi.
Kawl kumpi tawh kihona leh state ngah theihna ding vaihawmna khempeuh ah Zomi kipawlnate tawh kikamkum diamdiam in thudam tawh phut ding hih committee in hoihsa zaw ding.
Ei dan mah a state adeih Wa, Tailai shan, Ta-ang cih minamte pawl tawh khut kilen a masuan khop ding hih committee in lunggulh hi.
Zomi state in Kalay, Tamu, Tedim, Tonzang khuapi-uk sung teng huam masaphot ding a Pasian in thupha hong pia in mite' muan ding suan ding in ih om zawh a ih kiim ih paam pan Zomi state ah hong kipawl nuam a om leh san beh lai ding in hih committee in hoihsa hi.
Thudam tawh vaihawmnate ah vaihawm khop theihna ding in gamsung gampua a om Zomi kipawlna amuanhuaite i makaite hih committee member te'n committee i ngimna leh tupna, sepding bawl ding te agenpih kawikawi laitak ahi hi.
Thagum hatna zong akisap hun ong om khaleh kigin kholh huai kisa ahih man in hih committee in Zomi State galkap dingte galkap pilna (military training) sin ding in September kha sung in pawl khat ki paisak pah a October kha sung in zong pawl khat kipai sak lai ding hi. Zogam galkap te pen galdo asiam ngiat ding deih ih hih man in galkap thusinna mun tuamtuam ah ZRO/ZRA tawh kikum in kipuak kawikawi ding in.
Khangthak Zomi sung ah Zogam Zolei a ding in kum 1/2 beek aizong kipia khia nuam ing aci te'n hih committee amanlang theipen in nong kizopna ding un kong zasak uh hi.
Zomi kipawlna khempeuh in ih pantheihna mun ciat pan ih pan tekna ding in zong hih committee pan muanna leh zahtakna tawh kong zawn uh hi.
Zogam galkap ding in akipiakhia nuam te'n a nuai a kizoptheihna ding munte tawh hong kizom ta un.
Kizopna ding;
Pu Zo Thang
Phone: (+91) 8415978711 leh 9089652919
Email: lunglen@gmail.com
____________________
Cih teng hiphot hi.
Lungdam ing
Kiukhat pan
Mung Laan Thang
Zangkong
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.