TURKEY POLICE TEN RUSSIATE VANLENG HAWL KAPLUMPA MAN TA
April 4, 2016: Nov. 24 in Russiate vanleng Su-24 Turkey ten F-16 vanleng panin surface-to-air missile zangin na kapkhiatsak uh hi. Hih Su-24 pen Turkey panin km 4 (2.5 miles) a gamla Syria-Turkey gamgi ah a kiat laitakin a hawl nihte parachute tawh tawmkhia uh a, khat suakta hi. A tawm khiat lai takun Turkmen thau tawi ten thau tawh na kap uh a, Alparslan Celik kici pa'n tua vanleng hawl Oleg Peshkov na that hi. Turkeypolice ten Alparslan Celik pen Izmir province sungah man uh a, Turkeyte thukhenna innpi (court) ah ap uh hi.
Alparslan Celik in Russiate Su-24 vanleng hawl Oleg Peshkov ka that mah hi ci'n gen a, ahih hangin Turkey thukhen ten phalna lo tawh thau kem hi cia a ngawhna pen nial hi.
Alparslan Celik in Russiate vanleng hawl ka thahna hangin kisik vet keng ci'n gen hi. Turkey police ten Russiate vangleng hawlpa a thahna hangin a mat hilo zaw a, phalna nei lopi in thau kem hi a cih manin a mat hi ci'n CNN Turk in suaksak hi.Tua banah Alparslan Celik in sum muhna man lo tawh sum tampi nei a, tua a sumte Syrian Turkmens kici thautawite sum tawh a huh banah sum bawl tawm tawh kipei in, thongkiate a suahtakna ding kipawlna huh ahih manin Turkey police ten a mat uh ahi hi.
Alparslan Celik in Russiate vanleng hawl ka thahna hangin kisik vet keng ci'n gen hi. Turkey police ten Russiate vangleng hawlpa a thahna hangin a mat hilo zaw a, phalna nei lopi in thau kem hi a cih manin a mat hi ci'n CNN Turk in suaksak hi.Tua banah Alparslan Celik in sum muhna man lo tawh sum tampi nei a, tua a sumte Syrian Turkmens kici thautawite sum tawh a huh banah sum bawl tawm tawh kipei in, thongkiate a suahtakna ding kipawlna huh ahih manin Turkey police ten a mat uh ahi hi.
Celik in vanleng hawl Peshkov ka thah ka kisik vet kei a, hih bang tuak kik leng ka that kik veve ding hi ci'n gen a, ahih hangin a bangci thah hiam cih gen nuam lo hi. Celik pen Syria gam-a Syria kumpi do Turkmen militants kicite tawh kipawl-a galdo hi a, Syria panin Turkey ah a ciah kik lai-in police ten Izmir khuapi sungah a mat uh hi ci'n nung kalin kipulak hi.
Turkish newspaper Haberturk in bel police ten Celik a thusitna ah Celik in Peshkov a thahna thu gen khia nuam lo hi ci hi. Hurriyet Daily News in a genna ah Celik leh a lawmte mi 13 in Izmir province sunga om Hatay district ah restaurant khat ah nitak an a nek lai un police ten March 30 ni in a mat uh hi ci'n gen hi. Hih a an nekna uh-ah Celik leh a lawm ten thau tawi uh ahih manin restaurant sunga an nete patau in, policete hilh uh a, police ten a mat uh ahi hi. Police ten Celik leh a lawmte tung panin AK (Kalashnikov assault rifle) thau khat leh pistol nih man uh hi.
-Sputnik/Haberturk/Hurriyet Daily News
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.