Dr.Do Suan Mung lai at' Siapi Dr. Tuanno muhna leh ama Thusun.
------------------------------------------------------------------------
Dr.Do Suan Mung thusun leh deihsakna thupi kasa hi, Mun leh mual ngah ding pen thu tampi ngaihsut phat tek mahmah ding hikasa hi.
1. Kawlgam suahtaknading avaihawmcil lai un Founding Fathers te in President pen kikheel in (Rotation) in sem ding hihang ci uh hi. Tua hun lai in Kawlgam ah minam lian in nam nga bek kikoih in i emblem ah zong Aksipi khat leh aksi neu nga hi, Tuate akhiatna i thei ciat hi. Aksipi pen Union hi in aksi neu nga pen Chin(Zomi), Kachin, Kayin(including Kareni-Kayah), Shan, & Bamar(including Arakan & Mon) hi. Amasa pen Kawlgam President Sao Shwe Thaik pen Shan hi, Anihna Dr.Ba U, Kawl hi Athumna Mahn Win Maung pen Karen hi. Alina ding Kachinte Sama Duwa Sinwa Naung kiteel khin linliansa hinapi in Kawlgam ki-ukna galkap in la in kikheel ahihman Founding Fathers te deihna tangtung manlo hi. Kachin khit ciang ei Zomite ding hipan hihang.
2. Ahizongin tu in Galkapte ukcipna kilaihzota in Kumpi thakte in thuhoih thudik tawh paituak ngiat ahihman in nidang lai kamciam ommasa bangin tulaitak in Kachin hun lemnailo in kantan in ei Zomi Vice President hong seh uh hi in ka um hi. Hih pen i pupa vaang, minam vaang hiding in ka um hi. Ei Zomite tangthu ah taangtawng akipan in ei Zomi leh Kawl kisia ngei, kido ngei hetlo hihang.Kumpi tungah acitak, amuanhuai ngitngette hihang. Tuma lam in CNF in i min hong siasakta zongin amau Kawl galkap tawh na kido kha ngei peuhmah lo uh hi. Topa in ei Zomite lungsim sianthona leh thutakna (honesty & loyalty) hang in sehtan angah khakik hiding in ka ki um mawh hi.
3. March 30, 2016 ni in Kumpi Presidents leh Minister dingte kamciamna ah eimi Vice President in Pu Henry Van Thio leh Pu Tual Cin Pau, (Menzi-Commissioner Pu Thawng Cin Thang tapa leh Panglong Agreement letmat thuhpa Pu Thawng Za Khup tupa) pen Minister za tawh kikim Member of Constitutional Tribune of the Union ong kihel man in Zomite cihtakna agah Topa in hong pia veve hi kasa hi.
4. Kawlgam suahtak ngahma leh suahtak ngah tungin Mindat/Kanpalette ei adangteng sangin Politics ah na madawk zaw in Chin Minister Vomthu Maung leh Minister of Rehabilitation ah U Shing Htang kihel hi. Amau khit ciangin Falam te U Za Hre Lian in Chin Minister hong ngah hi. Revolutionary Council hun leh BSPP Socialist Kumpi hun in ei Tedim lamte in (1974-78 kikal losiah) 1988 dongin makai i ngahsuak hi. Ei sephun sawt mahmah in ong cimtaak liangte in thu nangenngen uh cih zong kiza hi.
5. Politics pen delicate mahmah thu khat hi. Kampau mukpau khat khial khaleeng tampi kipelh thei hi. 2015 November in NLD in kiteelna abuluah in hong zawh takciang amakaipi ahi Daw ASSK ii kampaute ah bangci bangin Minister leh makai ding teel ding cih siang gen sinsen hi.
6. Leitung paizia, Pasian laitanna leh hanciamna tawh kituak in tu in Hakha lam i sanggamte hun hong tung hi in ka um hi. 1998 kum in Tedim Sangpi Golden Jubilee bawl in Magazine ah "Zomite Pusuahcilna, Khanlawhna leh Khantohna" cih thului (Article) ka-atlai in ei Zomi dinmun etkiknaleh lam-etna thusawm kageelna ah kalungsim ah hongsuak ahi mailam ah gam ki-ukna hong kikheel leh Hakha lamte hun hong hita khading in ka muangmawh(gingta) hi cih ka-at pen Editors te in hong kheelsak ziau uh hi. Tuni in tua banglian in hong tangtung kasa hi. Amau eimi sung ah tulaitak in Politics ah naklut zaw, kithuhualzaw uh kasa hi.
7. I sanggam lamte hong muhna akigen khat ah Tedimte ikimakaihsak loh hoih mahmah ei. Amau hun sungin Kawlpi leh Tedim kal nangawn tudong kattaza (Tar road) tun zolo uh hiven hong kicilai cih zong i za hi.Ong hawmthawhna uh zong tam veve hiding hi.
8.Tua hi in gam paizia ah ahun, ami asa leh i lungsim puakzia, hanciamna leh thumuhsiamna tawh tampi kimemat ahihman in tutung in zong hampha lai veve hang kaci nuam hi. I MP te Pyithu Hluttaw, Amyotha Hluttaw aa Committee thupi tuamtuamte ah tampitak ong kihel kha lai uh a, i angtang mahmah hi.
9. Gam ading sem a mapang ding a kalsuankhia panta uh ahihman in amaute khempeuh apanmun ciat uah mazan daupaina, madawkna hong ngah theih nadingun thupha pia in thungetsakna tawh mapang ciat ni cih hoih kasa hi. (Kei mimal muhna hi lel ei.)
C.Thang Za Tuan.
------------------------------------------------------------------------
Dr.Do Suan Mung thusun leh deihsakna thupi kasa hi, Mun leh mual ngah ding pen thu tampi ngaihsut phat tek mahmah ding hikasa hi.
1. Kawlgam suahtaknading avaihawmcil lai un Founding Fathers te in President pen kikheel in (Rotation) in sem ding hihang ci uh hi. Tua hun lai in Kawlgam ah minam lian in nam nga bek kikoih in i emblem ah zong Aksipi khat leh aksi neu nga hi, Tuate akhiatna i thei ciat hi. Aksipi pen Union hi in aksi neu nga pen Chin(Zomi), Kachin, Kayin(including Kareni-Kayah), Shan, & Bamar(including Arakan & Mon) hi. Amasa pen Kawlgam President Sao Shwe Thaik pen Shan hi, Anihna Dr.Ba U, Kawl hi Athumna Mahn Win Maung pen Karen hi. Alina ding Kachinte Sama Duwa Sinwa Naung kiteel khin linliansa hinapi in Kawlgam ki-ukna galkap in la in kikheel ahihman Founding Fathers te deihna tangtung manlo hi. Kachin khit ciang ei Zomite ding hipan hihang.
2. Ahizongin tu in Galkapte ukcipna kilaihzota in Kumpi thakte in thuhoih thudik tawh paituak ngiat ahihman in nidang lai kamciam ommasa bangin tulaitak in Kachin hun lemnailo in kantan in ei Zomi Vice President hong seh uh hi in ka um hi. Hih pen i pupa vaang, minam vaang hiding in ka um hi. Ei Zomite tangthu ah taangtawng akipan in ei Zomi leh Kawl kisia ngei, kido ngei hetlo hihang.Kumpi tungah acitak, amuanhuai ngitngette hihang. Tuma lam in CNF in i min hong siasakta zongin amau Kawl galkap tawh na kido kha ngei peuhmah lo uh hi. Topa in ei Zomite lungsim sianthona leh thutakna (honesty & loyalty) hang in sehtan angah khakik hiding in ka ki um mawh hi.
3. March 30, 2016 ni in Kumpi Presidents leh Minister dingte kamciamna ah eimi Vice President in Pu Henry Van Thio leh Pu Tual Cin Pau, (Menzi-Commissioner Pu Thawng Cin Thang tapa leh Panglong Agreement letmat thuhpa Pu Thawng Za Khup tupa) pen Minister za tawh kikim Member of Constitutional Tribune of the Union ong kihel man in Zomite cihtakna agah Topa in hong pia veve hi kasa hi.
4. Kawlgam suahtak ngahma leh suahtak ngah tungin Mindat/Kanpalette ei adangteng sangin Politics ah na madawk zaw in Chin Minister Vomthu Maung leh Minister of Rehabilitation ah U Shing Htang kihel hi. Amau khit ciangin Falam te U Za Hre Lian in Chin Minister hong ngah hi. Revolutionary Council hun leh BSPP Socialist Kumpi hun in ei Tedim lamte in (1974-78 kikal losiah) 1988 dongin makai i ngahsuak hi. Ei sephun sawt mahmah in ong cimtaak liangte in thu nangenngen uh cih zong kiza hi.
5. Politics pen delicate mahmah thu khat hi. Kampau mukpau khat khial khaleeng tampi kipelh thei hi. 2015 November in NLD in kiteelna abuluah in hong zawh takciang amakaipi ahi Daw ASSK ii kampaute ah bangci bangin Minister leh makai ding teel ding cih siang gen sinsen hi.
6. Leitung paizia, Pasian laitanna leh hanciamna tawh kituak in tu in Hakha lam i sanggamte hun hong tung hi in ka um hi. 1998 kum in Tedim Sangpi Golden Jubilee bawl in Magazine ah "Zomite Pusuahcilna, Khanlawhna leh Khantohna" cih thului (Article) ka-atlai in ei Zomi dinmun etkiknaleh lam-etna thusawm kageelna ah kalungsim ah hongsuak ahi mailam ah gam ki-ukna hong kikheel leh Hakha lamte hun hong hita khading in ka muangmawh(gingta) hi cih ka-at pen Editors te in hong kheelsak ziau uh hi. Tuni in tua banglian in hong tangtung kasa hi. Amau eimi sung ah tulaitak in Politics ah naklut zaw, kithuhualzaw uh kasa hi.
7. I sanggam lamte hong muhna akigen khat ah Tedimte ikimakaihsak loh hoih mahmah ei. Amau hun sungin Kawlpi leh Tedim kal nangawn tudong kattaza (Tar road) tun zolo uh hiven hong kicilai cih zong i za hi.Ong hawmthawhna uh zong tam veve hiding hi.
8.Tua hi in gam paizia ah ahun, ami asa leh i lungsim puakzia, hanciamna leh thumuhsiamna tawh tampi kimemat ahihman in tutung in zong hampha lai veve hang kaci nuam hi. I MP te Pyithu Hluttaw, Amyotha Hluttaw aa Committee thupi tuamtuamte ah tampitak ong kihel kha lai uh a, i angtang mahmah hi.
9. Gam ading sem a mapang ding a kalsuankhia panta uh ahihman in amaute khempeuh apanmun ciat uah mazan daupaina, madawkna hong ngah theih nadingun thupha pia in thungetsakna tawh mapang ciat ni cih hoih kasa hi. (Kei mimal muhna hi lel ei.)
C.Thang Za Tuan.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.