Nu hoihkhat khutsung pa'n a khangkhia Pasal khat in, Numei khat ii manphatna thei ahih manin,Numei te thusim in,pii bawl hi.
Leitungah Nu it lo, Nungai lo kuamah omlo napi'n,Nu a thusim, Nu a-it taktak a,a Nu thu adong den Pasal tammel lo hi.
Nu a-it te in,a zii-it in,a Nu a zahtak te in a Zi thusim hamtang a,a Zi tungah khutlum nga ngei loin kamsia, kamkhauh tawh a Zi ho ngei lo hi.
A Nu a-it mipa in,a Zi tungah it natawh citak a,
a Nu a zahtak siam mipa in,a Zi lungnuam sak hi.
A Nu tungah Aw nem a zang mipa in,a Zi tungah lungduai in,aw khum zanga a Nu,a lung hih mawh mipa in,a Zi lungkhamsak ngeilo hi.
A Nu kicin lohna a theihsiam mipa in,a Zi a hihna peuh'' ah theihsiam in mawhsak pahpah lo a,a Nu ginat lohna a ciing lo mipa in,a Zi lungduai takin thuhilh siam hi.
A Nu nasep ahuh den mipa in,a Zi gilkial in koih loin anek ding an kita samsak ngeilo a,a Nu a lungkimsak mipa in,a Zi lungnuam sak hi.
A Nu thu amang mipa in,a Zi khasiasak ngei lo a,a Nu a thusim mipa in,a Zi maitaang sak hi.
A Innkuansung a-it mipa in,a Zi maizuum sak
ngeilo a,a U a Nau a thusim mipa in,a sungh a Pu maimial sak ngeilo hi.
Nu itna a thei taktak te leh Nu a it taktak te bekin Numei hoih na thei ahih manin
Numeite tungah itna nei-in Hehpih siam uh hi.
Pilna siamna, Inn leh lo,neih leh lamh sum leh paite en masa kei inla nang hong it ding PASAL nadeih leh a NU a-it taktak mah hiam? cih en masa zaw in.
Lai hong simsak teng tunga
h Lungdam.
Theresa Manno✍
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.