1.KUM SIM DCECEMBER (28) NI LAIPIAN PA NI PAWI A KIBAWL NA THU
"Laipian pa ni" cih pen atom in khamtung Zomite minam lai leh Biakna apiang sak pa,Pasian Kamsaang Pipa LAIPIAN PAU CIN HAU pah tawi phawk na, ni ahi hi.Kumsim December Kha(28) ni Laipian Pa Ni atun sial a Laipian Pawlpi leh Thuzui mite in lungdam tak a,abawl uh Pawi ni manpha ni khat ahi hi.
2.LAIPIAN PA NI APIAN NA THU
Taang lai pekpan Khamtung Zomite pen lokhawh singpuak bek mah tawh nungta in, Dawi bek mah na bia uh aa, nuntak genthei mahmah uh hi.Hih ahehpih huaicagenthei nuntak napan suahtak honkhia na ding in,Pasian in Pau Cin Hau asawl hi.
Pasian sawl na bang in Pau Cin Hau in, Khamtung Zomite dawibiak na khempeuh phiat sak in.dawi khutsung pan hong hon khia aa,Pasian deihna thute hong hilh aa,Pasian piak Lai piang sak ahih man in Pau Cin Hau pen Laipiang sak Pa"LAI PIANPA" PAU CIN HAU k' ci hi.
Laipian PAU CIN HAU pen atom in "LAIPIAN PA" zong kici hi.Laipian Pa Pau Cin Hau pen ukpi Pu Khua Cin aman hunsung Tedim Khuapi ah,A Pa KhanLian leh A Nu CingZam sungpan mikang kum (MK)1859 Dec Kha bei(Kau Kha Kiam) lam in hong suak aa,Pasian sawl bang in leitung ah Pasiam na asep khit MK 1948 Dec kha(28) ni{Ps.9046 kaukha kiam 13} ni-in Mualbeem khua pan Leitung nuntak hong nusia hi.Tua zawh kum khat cin MK.1949 Dec(28) ni-in,ama luang lupna Mualbeem khua ah amasa pen Gambup Laipian Upa Kikhoppi kibawl aa,Laipian Pa Ni ci-in kikip sak in,kumsial "LAIPIAN PANI" aki bawl tu-in kum(73) acing hita hi
Source;Zogammuang Pyi
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.