2

 Moses Kim Tuang ( Pau Kim Tuang) aki bawldan

November 29,2021 in Thautawi ki pawlna thum in Taingen khua ngei ah Sun 12:00 in man uh aa, a tonpih mi 2 te paisuak sak in, amah pen om suaksak uh aa, kha 5 sung atunna ki theilo in om hi.




April 20, 2022 ni in a luang Taingen gam ah Mawtaw lampi  pan lamkhang pi 300 kiim pawl ah a Cycle zat leh a luang ki koih khawm hi.  Mel theih ahi theiteng leh ZYA ten a luang na pham uhhi.


A luang a sit uh ciangin, a Lu omlo in, Zogam Charter Laibu aphuak leh avante khatzong omlo hi. A lu ki tansak in, a Khe tul deek thagui ki at tatsak aa,  a khut leh a khe pen meei ah ki hangkeu danin om in, muat lo hi. 


Amah pen Zogam Charter kici ZPCC leh ZRA-E te Laibu bawl Tedim, Tonzang ah ahawm khia dingin Kawlpi panin a paito ahihi. Zogam Zomi te ading a na sepna panin hih bangin a thuak ahihi. Zogam Zomi adingin Salpha taktak Moses Kim Tuang ahihi. Amah a ki bawlsiat dante i ngaihsut ciangin Pasian thu um vive buang dingin lamdang kisa in, hih bang ki pawlna hong om nawnkei tapeuh hen.



Thukhupna: Ama sihna pen mimal vai na sep laitak a si hilo hi. MOSES KIM TUANG pen Zomi Zogam a cimang ding adeih ngiat ki pawlna te bawlsiat hicih kician mahmah hi.


Admin: ZomiNational / ZomiToday

----------------

Hih a nuai apen Rev. En Khan Hau ( Sia Haupu ) in a suahsak kong copy ahihi.


Pu Kim Tuang. 


Mat le hen na tuah tung lamin nong suahtak nading i innkuanin thu kong ngetsak den uh hi. Nong suahtak theihloh ciangin na sih le na hin ka tel baih nadingun thu ka ngen leuleu uh hi. 


Thungetnate Topan hong dawng a, April 20, 2022 ni'n na luang hong pham thei ung. Na mel kong muh ciangun  na lutang hong kitansak khin a, kimu zolo hi.  Na khetul deek thagui hong ki-attat sak a, na khut na khe te nek pah theih dingin mei ah hong ki-em sak danin ka mu a thuakhak sa-in ka khitui hong luang hi. 


Nang thuak bangin miten a thuak ding na deihsak loh manin hih dan nam a om teh mipite tawh LUNGPHONA na bawl zel lam ka phawk hi. 


Zomite sungah nang thuak bangin ei le ei i kibawlsiat nawn loh nadingin nang pen KHAICI HOIH nong suah nading Pasian tungah thu ka ngen hi.



Post a Comment

  1. Pasian thu tawh ki maisak ding pawl om in gamvai le minam vai ah bel athuk huai te thuk in phulak huai te a ki la ngei na a hi hi. Zomi te sung ah tua bang ciang dong a sem ngam ii om takpi diam cih hi zaw

    ReplyDelete
  2. Aman Sihna zah dingin bang mawhna nei ahuam.
    Mikhat in sepkhial bawlkhialh neile zong warning akipianlo maw. ngaihsun un Zomi te

    ReplyDelete

Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.

 
Top