Khutdawhngen (beggar) Billy lamgei ah huhna ngenin tutu a' nikhat, Numei itna nei Sarah kicinu in $1(pekkhat) Billy' bungsungah khiasuk hi. Mitampi telakah Sarahbek inpia ahih manin Billy in lamdangsa a, "banghang a hong huh nahiam?" acihleh, Sarahin, 'what goes around' comes around' ci-in dawnghi. Cihnopna, isep khatpeuhpeuh eitungah hongtung kik hi' cihna hi.
Tuaciang Billy in khutdawh ngetna bungsung a-etleh $1 laidal inkhep sungah zungbuh hoihmahmah khatmu a' pawn store (van hoihpipi tawm no-a tatna sai) ah avazuakleh $4000 kongpia dingci hi. Tuaciang Billyzong nuamlua in' "Aww kei lamgei ah khutdawh ngetkul nawnlo ding kaive maw sum hizah ngah cileng' ci in nuamlua hi.
Ahizongin apawn saipa in sum apiaklaitak, Sarah in, 'what goes around comes around' cih phawk kikvat in, sorry zuaknai dahphot ning ci-in, tua $1 apia nu' omna vazonghi. Sarah in sum $1 apiaklai in hih kiim ah nasem hi ing' cih gena tua Billy in phawk kikin azonzon leh mukhiazo in a zum/office ah tua zungbuh alahleh, Sarah in aww, ka wedding ring hiven koi ah mansuah kahiam ci a kazonzon lungdam lua ing cihi. Tuaciangin Sarah in Billy dongkik a, banghanga hih zungbuh hongpia kikna hiam? midangkhat hileh hongpia kiknawnlo dinghi' acihleh, nunglam deuhin numei hoihkhat in, 'what goes around comes around' hongcih ciang hisa lua kahihman in hongpia kik hi ingci hi.
Tua ciangin Sarah leh azum naseppih te'n lamdang salua in, hihbang lungsim citak mite' etteh dingin zonghoih hi.Tua aihman in, "GofundMe" page khat bawlsak ni in ihngah zahzah amah pia ni ci-in kithukim uhhi.
GoFundMe page (huhna piaktheihna online) abawlsak uhleh atangthu asimkha khempeuh in lamdangsa in, 'huhna leitung muntuamtuam pankipia a ninih sungin, $190,000. ngah uha, Billy khutdawh ngen a atutna ah bag khattawh vapia uh hi.
Tua ni akipan Billy in innkhat leipah a omnang innhoih ngah ahihman in nasepzong kipan thei in anuntakna kilaih pah lian hi. Cihtakna hongciah kikciangin thuphatawh hongciah kik hi.
Jeffrey Liän
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.