(Dec 1, 2016, Singapore)
1) Mimal in NLD vote pia hilo in gam kikhelna ding vote a pia ih hi a, ih lunggulh democracy a lam khawm ding ih hi hi.
2) "Democracy ih hi taktak ta hiam" cih dotna pen "gammi mimal in democracy lungsim bangzah nei ta ih hiam" cih tungah kinga hi.
3) Gam khat ii thatang sumgum pen a gammi mimalte ahi hi.
4) Gammite ding khawm peuh lehang a sawtloin ih gam pen SEA gam sungah tang velval zo ding hi cih hong kamciam ngam ing.
5) Kum 10 lom tampi sung a khengcipsa ki ukna lumlet ding cih pen sun khat zan khat thu tawh baih pak samlo a, baih lo ding cih a theisa mah a tavuan a la hi ung.
6) Hih a baihlo gamvai tavuan lakna ah gammi mimal ii panpihna a kisam masa pen ahi hi.
7) Tavuan lak zawh kha 9 sungah "Gam sung daihna & Khantohna" vaipi nih a kisem phot hi a, hih vaipi tegel pen anih un a ki pua tuak ahi uh hi.
8) Gammi a tamzaw in ih omna tek pan vai puakkhop nopna lungsim nei tek ih hih manin thangah mahmah hi ung.
9) Ih gam bangzah khangto ta hiam cih na theih nop leh gam khantoh nading nang bangzah sem khin cih nang le nang kidong in.
10) "Miten bang sem?" cih sangin "ken bang sem?" cih ih kidot masak ding thupi ding hi.
11) Gamdang pan na ngah uh pilna siamnate ih gam ah hong zang un, mimal khat kim ii kihelna tawh ih gam a lam khawm ding hi hangh.
12) Na pil na siam na thatang pen gambup khantohna ding ii thatang bulpi hi.
13) Gam thahat tampi tak ii panpihba kingah mah, ahizong ih gam pen ei gammi khat kim ii tungah kinga zaw hi.
14) Gamdang om ih tuleta te in ih gam a mangngilh lohna ding na ki hanthawn ciat un.
15) Ki thutuakna bek tawh ih gam khangto thei ding hi, "NLD in VOTE zo khin lel" ci in khutzep hilhial ding hun hi nailo hi, hanciam khop ding om lai hi.
16) Gamdang ih tun ciang Myanmar gammi ih hihna ih angtan zawh na ding khop in ih sep ding a kul hi.
17) Koi koi ah na om zong na pilna na siamna leh na thatang ih gam adingin kizang thei hi.
Source: ASSK Speech on Dec 1, 2016, Singapore, short hand note;
,
(JK Kam)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.