Tua laitak USA-te Secretary of State a sem William H. Seaword in kiman sa lua ahih manin kuamah dang zong tawh vaihawm se loin March 30, 1867 in letmat thuh-in US Dollar 7,200,200 (7.2 Millions) tawh lei ziau hi.
Tua lai takin mite'n hai sa lua uh-a, Tadensa-te'n "Seaword Haina (Seaword's Folly), Seaword' Vuuk Khal Kuang (Seaword's Ice Box)," cih bangin selpho gawpgawp uh hi.
Amah pen October 10,1872 si-a, ama sih khit nung kum 1887 ciangin Alaska ah KHAM kimu a cih ciangin, "Seaword zah a mai lam thu mu khol kuamah om nai kei," ci-in a phat leuleu uh hi. Tua gamah Kham bek hi loin Nam gimtui zong kinung muh-a, tua pen a cihmawh ciang vua, a zat pan dingun koih gige uh hi.
* Lungngaih ding *
Mai lam ading le mipi adingin phattuamna piangsak taktak ding hi, ci-in i theih thu le la, sep ding bawl dingte hangsan takin sem-a, mite in mihai khat bangin hong zahko phial hang phamawh sa selo a, kalsuan teta ding ahi hi.
Ei muh bangin mite'n mu lo ahih manin i sepna, i bawlnate mite'n hong gensa phial zongin lungkiat ngaihsut lo-a kalsuan teitei ding ahi hi.
Tuni a mihai hong kicihnate zingciang mipil, mi ciim ci-in hong kiphatna suak ding ahih manin ngimna hoih i neihte hangsan takin sem suak ni!
Lungdam
Dong Mung
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.