Old Darkhai Khuami Yangon ateng AZBC Vice President Pu Ngul Khan Dal kum 70, EZBC Mandalay Church Pastor Rev. Kham Sian Khup ( tulaitak USA om), Evan Thang Khan Khen, Yangonte ii upipa in tunitak nai 8:40 hunin Yangon Sakura zato pan i Topa kiangah hong ciahsan ta hi.
Atanu Lia Lian in zingteh Korea pan delh ding a, a sanggam ten zingciang Darkhai pan hong delh in Kawlpi pan Mandalay pan delh ding uh hi. A tanu te Taunggyi pan leh Tedim pan a te na tungkhin zo uh hi.
Atapa u pen Hau Mangte innkuan USA Indianapolis ah om in a zi a sawt loin nau suak ding a , a mau a ciah thei lo ding suak hi. Thungetna ah phawk tek ni. ZZBA, ZBCM leh Pawlpi a ding minam a ding mipil mi muanhuai mahmah khat a sum hihang in dah mahmah hang. Sani ni vuiding cih thu za hang.
ZBCM gambup in a mau tawh kibangin i dah mahmahna thu kong pulak hi. Topan hong hehnem ciat ta hen.
Gambup tangin,
Rev. Langh Za Kap
AGS-1, ZBCM
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.