» » Sia hai hong ki ci!

0
A+ A-
Pasian in tanu 7 le tapa 1 hong pia-in sangkahsakin avekin tan 10 ciang sim uh hi. Numei hilel, zawllai ciang simthei peuhleh phazo. Na semsakin pasal aneihma un atha ne in. Pastor khasum tawh sang na kahsakkhit pen SIAHAI HITEH hong kici hi.

SIAHAI KA HIHKAWM mahin kata/nute sang ka kahsaksaka, ka tanu 4 te in degree hong ngahkhina, 2 in kumpina sem uh hi. Ka tanu neu penin B.Sc (Physics) final laihuankhin hi.

 A laisimte uh hong zawhtek uh leh maikum 2017 ciangin tanu neu penin B.Sc (Physics) hong ngah dinga, a u khatin B.A(Philosophy); M.Div hong ngah ding hi. Ka neihsun khat bek ahi ka tapa in 2015-16 laisimkum in tan 10 laihuanna All D tawh hong ong hi.


Hih bangin SIAHAI KA SEP MANIN inn le lo puahzo keng. Niikten-Puansilh zong mi'a bang silhzo keng. Annlim-tuilim zong nezo-dawnzo keng. Tate aw, na Pa uh pen hihbangin SIAHAI KHAT hi ing. Zumna mel zong nei keng. Hong hanciam unla, mi'it mi' ngaihin hong om unla, tu le ta nong neih uh ciangun, a PUHAIPA TANGTHU na gensawn un. SIAHAI KHAT HILEL ING.

Sia Silas Langh Khan Mung 

Share to:

Post a Comment

Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.

Subscribe to: Post Comments (Atom)
 
Top