Malaysia, Zomi Khuado etkikna

Malaysia, Zomi Khuado etkikna:

- Tutung Khuado pawi ah Zomi lasiam R. Khaineu in "Tulliim Nuaiah" hong sa in, lasiam Dalpi in "Meitei Guun" hong sa uh a, mipi in tha kingah kim mahmah ta hi. Lovesongs in Zomi sungah mun hong ngah pianpian ta cihna hi in, Zomi ten Literature lam ah khantoh lam kimanawh ta ding cihna hi in, Zomi sungah Itna zong hong khang ta ding cihna zong ahihi. Cheers!

- Thugenna tam pian in, tua sungah Pu Hang Khan Lian thugenna tomkim in zaaknop kisa mahmah hi. "Zomi ten State ngen ta ding hi hang. Ei zong leitang nei innteekte ih hi a, launa ding om kilkel lo hi" ci hi. "Makaite leh mipite thu kikupna om ngei lo lua ahihmanin deih zahin kikhangto zo nai lo hi. Ih Zomi makai ZCDte thapia in tawsawn ding hihang. Bangma sem lo ih makaite mawk pahtawi niloh nawn kei ni, na a sem dingin mipi ten tawsawn zaw ni. Kigensiat nilohna khawlbawl ta ni" ci ngiat hi. Mipi in khut kibeng ziahziah hi. A dangte bel thu gen a siam lo uh hi kei, a sau lua bek hi!

- Hun danga a om ngei nai lo mitphial lahna leh Robot laamna zong khangno te'n hong lak uh hi. Mipi in tha ngah mahmah uh hi.

- Lasiam ten Stage tungah la hong sak uh ciangin mipi te'n Lovegift ih piak nop mahmah lezong lasate bombi nung leh mai ip sung sawk suk sak lianga ih thun sak sangin amai a laikuang kikoih sungah koih zaw lehang et lawm in pilvai zaw in ka um hi. Mipi maiah bombi ip ih kisawk suk sak mawk pen midangte muhna panin hong etlawm lo bek tham lo in GAY vai mahmah hi.

- Zukham ankhamte zong Stage tungah Mike tawh hong kisam liang a hikei buang leh no lawp man lel tawh va kahto in lasate va laam pih se dah lel leucin mipite muhna panin etlawm in khantoh vai zaw thamtham ding hi.

- Siang gen lehang thugen ten hong sau sak lua zel bek uh hikei leh makaite hungeel dan pen a nuam lian ding hi in, mipite zong hun lap in hong tung peuh le uh khua a kizing ding hi ngei lo hi. Hungeel makaite a mawh hi kei, mipite leh Stage tunga hun zangh te a mawh ih hizaw hi.

Deihsakna tawh,

Francis Lam Thang
Zomi Quavadis