A pia khiate nalengin a piak khiatna uh hangin a thuak lawh liang bek uh ciangin piakkhiatna taktak kici thei pan hi (Mother Teresa). Na neihsa lakah na kisap loh, na deih meel loh, om ta keileh phamawh na sak khol loh van khat peuh midang na piak pen piak khiatna taktak hih tuak lo dan hi!
India gam a Northeast State ah biakinn 24 val lamna ding a piak khia pen Germany nupi khat ahihi. Tua nu pen mikim in ahau mahmah ding sa uh hi. Northeast State panin tua nupinu huhna tawh Naga Pastor khat Germany ah sang va kah a, sangkhak hun ciangin tua nupinu omna inah va hawh hi. Ama genna ah " Tua nupinu pen piteek na hi zaw hi. A pasal in sihsan khin hi. A ta teng inn tuan khin uh a, amah bekin inn neu khat sungah om hi. Zingsang sim lol in lengsawn khat tawh nasem in kuan khia den hi. Nitaak khuamui ciangin hong ciahkik hi. Niikten puansilh, inn sung van zat, neek leh dawn a kipan na khempeuh a tawm mante vive bek tawh kinamtaak in, a sum neih a tamzaw pen gamdang a Christian biakinn lamna dingin piakhia gai hi" ci hi. Tua nupinu pen sumlehpaai a hauh manin a pia khia na hi het lo hi. A tomin gen lehang a neek taang a dawn taang mah siit velvel in hong pia khia na hi gige mawk hi!
Leitungah huhna a pia khia kipawlna tampi om hi. Tua teng lakah Catholic Charity kipawlna ten tam pia khia penpen uh hi. USA in ei Refugee te 80% bang hong la uh hi. Sumlehpaai bei teng hong sik pen Catholic Charity te (Catholic Kipawlna) te na hi gige uh hi. Australia leh Newzealand ah zong tua dan mah ahihi. Biakna dang leh kipawlna dang ten pia khia kei ih cihna hi lo hi. Ih gennop bulpi in ahileh gamhaute huhna a ngah ei teng pen mihau milian banga nungta in ih khuasak keei sam hangin hong pia khia taktakte pen mihau sangin mizawngte vive na hizaw pian uh hi. Miten a zing niangtui dawn taang uh, honeymoon pai taang uh, innkuan picnic a pai taang uh, naupangten a sunan neek taang uh, naumilim leh kimawlna tuamtuam a lei taang teng uh Pasian a it manun a sum in na pia khia uh a, tua sum kipiakhia teng ei gamzawng a om tengin a ngah kha ih hi gige hi.
Ka neulai a ka pa in hong gen kammal ka phawk kha zel hi, "Na lai hoihtak sim in maw lawm, ih sangkahna dinga huhna hong piate mihau hi lo uh hi. Ei banga mizawngte mah hi. Amau neek taang dawn taang teng tawh sang a kahkah ih hihi" hong ci hi.
Zomi ten piakkhiatna tawh kisai hitaleh huhna ngahih ngah dan tawh kisai hitaleh ih ngaihsut ding tampi om ka sa hi.
Francis Lam Thang
Zomi Quavadis
India gam a Northeast State ah biakinn 24 val lamna ding a piak khia pen Germany nupi khat ahihi. Tua nu pen mikim in ahau mahmah ding sa uh hi. Northeast State panin tua nupinu huhna tawh Naga Pastor khat Germany ah sang va kah a, sangkhak hun ciangin tua nupinu omna inah va hawh hi. Ama genna ah " Tua nupinu pen piteek na hi zaw hi. A pasal in sihsan khin hi. A ta teng inn tuan khin uh a, amah bekin inn neu khat sungah om hi. Zingsang sim lol in lengsawn khat tawh nasem in kuan khia den hi. Nitaak khuamui ciangin hong ciahkik hi. Niikten puansilh, inn sung van zat, neek leh dawn a kipan na khempeuh a tawm mante vive bek tawh kinamtaak in, a sum neih a tamzaw pen gamdang a Christian biakinn lamna dingin piakhia gai hi" ci hi. Tua nupinu pen sumlehpaai a hauh manin a pia khia na hi het lo hi. A tomin gen lehang a neek taang a dawn taang mah siit velvel in hong pia khia na hi gige mawk hi!
Leitungah huhna a pia khia kipawlna tampi om hi. Tua teng lakah Catholic Charity kipawlna ten tam pia khia penpen uh hi. USA in ei Refugee te 80% bang hong la uh hi. Sumlehpaai bei teng hong sik pen Catholic Charity te (Catholic Kipawlna) te na hi gige uh hi. Australia leh Newzealand ah zong tua dan mah ahihi. Biakna dang leh kipawlna dang ten pia khia kei ih cihna hi lo hi. Ih gennop bulpi in ahileh gamhaute huhna a ngah ei teng pen mihau milian banga nungta in ih khuasak keei sam hangin hong pia khia taktakte pen mihau sangin mizawngte vive na hizaw pian uh hi. Miten a zing niangtui dawn taang uh, honeymoon pai taang uh, innkuan picnic a pai taang uh, naupangten a sunan neek taang uh, naumilim leh kimawlna tuamtuam a lei taang teng uh Pasian a it manun a sum in na pia khia uh a, tua sum kipiakhia teng ei gamzawng a om tengin a ngah kha ih hi gige hi.
Ka neulai a ka pa in hong gen kammal ka phawk kha zel hi, "Na lai hoihtak sim in maw lawm, ih sangkahna dinga huhna hong piate mihau hi lo uh hi. Ei banga mizawngte mah hi. Amau neek taang dawn taang teng tawh sang a kahkah ih hihi" hong ci hi.
Zomi ten piakkhiatna tawh kisai hitaleh huhna ngahih ngah dan tawh kisai hitaleh ih ngaihsut ding tampi om ka sa hi.
Francis Lam Thang
Zomi Quavadis
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.