Myanmar UN Mission Zuminn tung room neu khat tutna 50 lian leh amai a u liante tutna bek. Aircon neu khat, khualum lua. Apua ah sapna ngahlo, alutkhalo mitam zaw pek.
Kawlgammi Elite group dan vive- Myanmar medical, commerce, lawyer, chinese, UN staff, nucleus expert PhD, US-Myanmar community association?, Canada-Myanmar Ass cihdan teng business suit silh vive. Ethnic representatives Minampuan silh Rakhine? Khat, Kawl khat leh Zomi kei. Minampuan tawh a dawn numeite asungah hong tu khalo uh.
Suu Kyi in a thupatna ah apualam Kawlgammi tampi om hi. Asung a lutkha leh lutkhalo apua a om kikhen cih sianggenleng diksa keng cih tawh thupan. Noh a sunga tuteng sumhauteng, milianteng. Gamzawng lai in budget cilzat ding cih hi mah. I zawngman room lian sapzolo hi mah. Ahi zong hi bangpen hoihlo hi cihdan in gen. Ahauten azawngte et ding, Chin state zawng mahmah, ahi zong kapai teh letsong tam hong piapen uh hi. Ak hinglai nagawn hong pia, pua thei kei ning ci ingh ci.
Tomgen leng, asunga tukha, lutkhate hong maitailua lo, ageel a vaihawmte a mawhsak mahmah dan hi. Asunga tu pawl bel tutung ki maitai zolo pian cih dinghi.
US-Myanmar community association ? pan thugenpa business suit tawh hiin, kei Chin hi ing ci in DASSK in Pu Suan kiangah Chin tam se leh ki deih piak noh hia ci a ciamnuih mawk aa. Kawlgammi teng 3 represent in a kigen dan. Canada buppi association in zong thugen kha. Tualo individual, minam khat represent te hun a ki ngah zolo suak. DASSK in nai 1 kim thugen masa mawk aa.
Kanu in Taiyinthar ten napa support it mah2 hi hong ci den. Koh innkuan in taiyinthar te deidan ngei kei ung ci.
Mitam Kawl i hih zong na hoih semta leng ahoih a hong ki muhsak nuam hetlo ci. Kawlten Taiyinthar te i simmawhbawl zawh sawtlua ahih hang hi in teh ci.
Kawlgam ciah nuamte visa olsak, ahun tam zaw piak ding asawtlo in vaihawm ding. Kawlgam in sumdeih, kisap laitak hiin sum tamzaw na piak uh kul ding. Politic kasem kei ding hi ci a letmah thuh teh visa pia pan cih deih keng. Politics sepman ulian suak te in, midangte politics sem kei un cih thudik lo hi ci.
Dual citizenship vai pen hun tampi la lai ding US bek special in hong kituam piak lo ding. Gam tuamtuam zong en ding ci.
Mipi tawh zong photo kila kei. Photo ki zaihsim thei bek. Deputy Foreign minister bek tawh photo ki la kha ingh. A mun mahmah toi, amun leh ahun leh a bawldan uh ei thusunnop dan tawh kituaklo, hun ki ngahlo cih hi mai ei.
Do Khup
Sep 17, 2016
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.