Kawlgam buppi-in hong theihpih:
- ZCD Ngalliam Pu Chin Sian Thang
- TA Ngalliam Dr. Prof. C. Thang Za Tuan
- Tatmadaw Ngalliam Col. Khen Za Moong
Hih atumdang mi-thupi 3-te naakpi-in Zomite' angtanpih, kiphatsakpih ngamte, kimuanpih Zomite ahihi. Amaute' ciimna, pilna leh muhlehtuah (experience)-pen kei leh kei' khangualte diakdiak-in asiakmit ciangzong kipha zolo dinghi. Maaitang kituah-a holim khopding nangawn abaih hetlo dinmun-ah Zomi' Piangsakpa-in Zomite' ading-a hongpiak pupite ahihi.
Hihbang I-suut ciang-in Rev. Dr. S. Pau Khan En, Rev. Dr. Do Suan Mung, Pu Hau Do Suan, Rev. Dr. Go Chin Zam cihte thupi salo cihlam hilo-hi. Amaute-zong Zomite' khamuanna leh angtanna vive ahi-uhhi.
Atung-a Pupi 3 te' lak-ah Col. Moong bangpen U Nu leh U Newin' hunlaai pek-a Zomite' khamuanna ahihi. Tua hun-in Van Kul-tawh khangkhawm uh-a, "Khen Za Moong pil mahmah, Van Kul hai phitphit" akicih I-zaak bekbek-pen aki khamuang mahmah ahihi.
Dr. Prof. C. Tuanno-zong Kawl gambup tanzil siamsinna lam-ah Director cihpen minam-in naakpi naakpi-a ki-angtanpih, kimuanpih leh I-ki phatsakpih ngam ulianpi ahihi.
Sitni Pu Chin Sian Thang-zong DASSK' ဆယ္ဦး ေကာ္မီတီ ' ading-in hongpang tinten-a, DASSK' Permanent Supporter honghih man-in matlehheen tam veipi athuakna-tawh Kawlgam Political arena sung-ah dawhkaan lam-ah hong kilat man-in naakpi-a I' angtanpih, I' khamuanna-mah ahihi.
Zomi mi-maimai khat ka' hihna-tawh thusun theihna rights nei-a kiseh ka-hih man-in, thu kahong sun niloh saam hang-in hih miliante kheng-a Kawlgam limlim-ah nasepding apiang khollo adiak-in minam vaai bangpen amau' thukimpihna leh tawsawnna lo-in baih hetlo dinghi.
Amauteng 3' Zomi dinpihzia-pen hihbang-in ka' mitkha-ah luai-hi:
Zomi = 1 > 2 > 3 + x + y
Banghanghiam cihleh Pu CSThang-in "Zomi"-pen ZCD-tawh hong kalsuanpih ahihman-in ama' Zomism kilanghpen-hi.
Dr. Prof. C. Tuanno-in "Tedim Association" -tawh kalsuan-in Zomi kalsuanpih-a, athupi activity neihna munte-ah "Chin" min-mah puaden ahihman-in ZCD' sang-in Zomism kineu muhzaw-hi.
Col. Khen Za Moong leuleu-in organisational movement or Zomism-ah kihelna hongnei khollo-in, "pil" kicih ciang-tawh hongdap khawl-a, Zomi tanote-in interview abawl ciang-in "Zomi cihbang om ngeikei" ci-ek mawk ahihman-in Zomism-ah x or y-tawh I-gawmgawm nangawn peekkhat khaai zolo dinmun ahihi.
Minam vaai-ah Pu CSThang-mah khangthak khempeuh-in mitsuan-in kingakna-a akinei kimlaai, Chin Statewide Consultation for the 2nd (21st Century) Panglong Conference-ah makaai-in Press Release hongbawl takciang-in Zomi Affairs ci-a minam kilangh-a bihna omlo-in "Chin State" huam-a thukimna abawl-uh honghi miaumawk leuleu-hi.
Atua hinapi-in Laimite' makaai upate-tawhlah hong pangkhawm tuanlo, 21st Ce. Panglong Conference ahzong atuam tuak-a thusung-uh, Laimite'n amuanbelh or akipia penpen ahidiam Dr. Lian Hmung Sakhong-in thusung-in Pu CSThang inzong thugen-hi. Hia Chin Statewide acih-uh akoici leuleu cihnop-huai zahkhop-in mipi adiak-in Zomi buppi' tung-ah iimsim nei bang-in mipi am sak-hi.
Zomi cihteh Chin State-a mite khempeuh, Zogam cihteh Chin State khempeuh baan-ah MahSahLah kahma-a Chin Dwin Guun ciang cbt huam cihlam-ah hong paipihlam ataangko loh hang-in amau' Press Release-ah kilangh-hi. Atua-pen Zomi khangthak atamzaw-in "Zomi cihteh Zomi akici Tedim, Tonzaang leh Sagaing Div pan-a khawk-khat" acih-uh ahihlam thei ahihman-in amau' tupna-pen akilanghtang-in Zomite' tung-ah pulaak lo-hi.
Athu-in ZCD Secretary Pu Gin Kam Lian' kiang-ah ka-kheuhkheuh 2014 kum laailak-ah "Kamphen Kuulloteng Zomi akici mah hi-ei" hongcih-pen Zominam Group menber 8000 vaal-in mukha dinghi. Tua-tawh ka-etkaak ciang-in ZCD sung-ahzong leitang ngiimna-ah Zomi cihleh Chin State-wide cihkhat hih aims & objectives guipi nih omleh kilawm hongbang simsim-hi. Ahizong-in, mipi' tung-a taangkona leh amau' sung-a thusim cihkhawng omzong hithei-hi.
Mipi' ading ngiimna anei taktak I-hihleh iimsim cihthadah tua mah-tawh mipi akizawn khawmding hi-a, ngiimnate "Laimal golpi-in gelh-in baáng tung-ah, kongpi-ah suang-a, apaisuk apaitote-in a-muhtheih ding"-a bawlding Pasian' kammal-zong ombuang ahihteh hih kaalthute mipi' lung-ap nading honkhat om-hi cih kilangh-hi.
Gamdang pan-in bangmah septheih kinei lo-a, veina-tawh awlmawh tak-a mite' kosuk kotoh thuak-a online-tawh lungdeih thusunna kongneih niloh ciangbek-mah kei' hihtheih hiphot-a, ataktak-in aphual-a aseemte naakpi-in lung-am khading, baihlo khading, khual tuamtuam-zong omding, kidop tuamtuamzong omding cihte ka-ngaihsut ciang-in aphual-ate naakpi-in thupi kasa-hi.
Huaiham man-a "ahoihzaw" I-cihcih saam hang-in 21st Cen. Panglong Conf. apian nading Leikha-maang taktak Zomi honghih baan-ah, Innteek thugenna-zong hongnei giapgiap Pu Chin Sian Thang tutung-a Kawlgam namdangte' maai-ah hongdin bekbek-pen Zomite' khamuanna leh angtanna lianmahmah khat ahihi. Mite' palaaite-zong ding mahhi, ahizong-in Chin State-a satanh nangawn angah khollo Zomi-in taangthu suutna hongneih mawkpen Zomite' taangthu-ah hoih-in sia taleh amang nawnloding hongsuak-hi.
Thukhupna:
*************
Bangbang ahizong-in minam vaai gending-pen uai lohding naakpi-in lunggulhhuai kasa-hi. Col. Khen Za Moong pil mahmah-a, akhanpih Van Kul hai mahmah akicihcih hunkeek mah-in Chin State Capital-pen Kawlpi pan-in kikhiin ziau-a, tua leh tu kikaal Zomite-in "Kawlpi hileh bang aci tammaw" cih akidawng theilo dotna-tawh kivialcip-hi.
Tu-in Pu Chin Sian Thang leh Lian Hmung Sakhong hong khangkhawm leuleu-a, Chin State tuakmah tumh uh-in, khat-in "Chin" pomcip-in khat-in "Zomi" maaiguan-in nei-hi.
Dr. Prf. C. Thang Za Tuan-inlah ama' Zomi cih-pen "Chin" acihna ahihman-in buai ngaihsut vetlo-hi, hinapi-in a-Chin minpuate' lak-ah mapang tuanlo-in TA minpua lingleng vetse-hi.
Bangbang ahizong-in " က်ြန္ေတာ္တိုု႔ ဇိုုမီး အမ်ိဳးသား ...” cihsuk dingpen hong lungsiit nawnhetkei le-uh khangthak Zomite' khamuanna kip ding-in ka-lamen mahmahhi. Gamdang khawng pan-in I-otot saam hang-in tuilak-a pau-zong kibang lo-a, naupang honkhat-in nopnehna selnoh leh zuauphuak-a kosiatna, I-hih I-donsa te nangawn-in zunko ekko-a hongko cihkhawng bekmah aki-lawh leltak hi-in, Zomi atawisaang taktak theidingpen aphual-a naseem mapang ulian makaaite na-hi uhhi.
Tua ahihman-in, note' sih nung-ah khangthakte' apcip khopding akitukalh thu peuhmah hong nusiat kei unla, Zomi-pen banghiam? COMMON GROUND kician khat nonglam ding-uh kisam-hi, banghanghiam cihleh tu ciangciang Common Ground kician omlo-in, sak-ah ngo, khang-ah vom cihbang-in na-om biilbial uhhi.
Akisamlo zaiina, huamna athu-a zaii mahmah-in namkee awsuah kidangte-khawng ...te...te cih lungsim leh kampau zatna hihte-pen mimal muhna-ah "toii mahmahna" hi-in mu-ing. Zaiiluat kuul lo-in ahiciang bekmah ahi hong hisak unla, cidam khansau-in Zomi khangthakte hong pantah un.
Lungdeih Thusung,
Zokhai
- ZCD Ngalliam Pu Chin Sian Thang
- TA Ngalliam Dr. Prof. C. Thang Za Tuan
- Tatmadaw Ngalliam Col. Khen Za Moong
Hih atumdang mi-thupi 3-te naakpi-in Zomite' angtanpih, kiphatsakpih ngamte, kimuanpih Zomite ahihi. Amaute' ciimna, pilna leh muhlehtuah (experience)-pen kei leh kei' khangualte diakdiak-in asiakmit ciangzong kipha zolo dinghi. Maaitang kituah-a holim khopding nangawn abaih hetlo dinmun-ah Zomi' Piangsakpa-in Zomite' ading-a hongpiak pupite ahihi.
Hihbang I-suut ciang-in Rev. Dr. S. Pau Khan En, Rev. Dr. Do Suan Mung, Pu Hau Do Suan, Rev. Dr. Go Chin Zam cihte thupi salo cihlam hilo-hi. Amaute-zong Zomite' khamuanna leh angtanna vive ahi-uhhi.
Atung-a Pupi 3 te' lak-ah Col. Moong bangpen U Nu leh U Newin' hunlaai pek-a Zomite' khamuanna ahihi. Tua hun-in Van Kul-tawh khangkhawm uh-a, "Khen Za Moong pil mahmah, Van Kul hai phitphit" akicih I-zaak bekbek-pen aki khamuang mahmah ahihi.
Dr. Prof. C. Tuanno-zong Kawl gambup tanzil siamsinna lam-ah Director cihpen minam-in naakpi naakpi-a ki-angtanpih, kimuanpih leh I-ki phatsakpih ngam ulianpi ahihi.
Sitni Pu Chin Sian Thang-zong DASSK' ဆယ္ဦး ေကာ္မီတီ ' ading-in hongpang tinten-a, DASSK' Permanent Supporter honghih man-in matlehheen tam veipi athuakna-tawh Kawlgam Political arena sung-ah dawhkaan lam-ah hong kilat man-in naakpi-a I' angtanpih, I' khamuanna-mah ahihi.
Zomi mi-maimai khat ka' hihna-tawh thusun theihna rights nei-a kiseh ka-hih man-in, thu kahong sun niloh saam hang-in hih miliante kheng-a Kawlgam limlim-ah nasepding apiang khollo adiak-in minam vaai bangpen amau' thukimpihna leh tawsawnna lo-in baih hetlo dinghi.
Amauteng 3' Zomi dinpihzia-pen hihbang-in ka' mitkha-ah luai-hi:
Zomi = 1 > 2 > 3 + x + y
Banghanghiam cihleh Pu CSThang-in "Zomi"-pen ZCD-tawh hong kalsuanpih ahihman-in ama' Zomism kilanghpen-hi.
Dr. Prof. C. Tuanno-in "Tedim Association" -tawh kalsuan-in Zomi kalsuanpih-a, athupi activity neihna munte-ah "Chin" min-mah puaden ahihman-in ZCD' sang-in Zomism kineu muhzaw-hi.
Col. Khen Za Moong leuleu-in organisational movement or Zomism-ah kihelna hongnei khollo-in, "pil" kicih ciang-tawh hongdap khawl-a, Zomi tanote-in interview abawl ciang-in "Zomi cihbang om ngeikei" ci-ek mawk ahihman-in Zomism-ah x or y-tawh I-gawmgawm nangawn peekkhat khaai zolo dinmun ahihi.
Minam vaai-ah Pu CSThang-mah khangthak khempeuh-in mitsuan-in kingakna-a akinei kimlaai, Chin Statewide Consultation for the 2nd (21st Century) Panglong Conference-ah makaai-in Press Release hongbawl takciang-in Zomi Affairs ci-a minam kilangh-a bihna omlo-in "Chin State" huam-a thukimna abawl-uh honghi miaumawk leuleu-hi.
Atua hinapi-in Laimite' makaai upate-tawhlah hong pangkhawm tuanlo, 21st Ce. Panglong Conference ahzong atuam tuak-a thusung-uh, Laimite'n amuanbelh or akipia penpen ahidiam Dr. Lian Hmung Sakhong-in thusung-in Pu CSThang inzong thugen-hi. Hia Chin Statewide acih-uh akoici leuleu cihnop-huai zahkhop-in mipi adiak-in Zomi buppi' tung-ah iimsim nei bang-in mipi am sak-hi.
Zomi cihteh Chin State-a mite khempeuh, Zogam cihteh Chin State khempeuh baan-ah MahSahLah kahma-a Chin Dwin Guun ciang cbt huam cihlam-ah hong paipihlam ataangko loh hang-in amau' Press Release-ah kilangh-hi. Atua-pen Zomi khangthak atamzaw-in "Zomi cihteh Zomi akici Tedim, Tonzaang leh Sagaing Div pan-a khawk-khat" acih-uh ahihlam thei ahihman-in amau' tupna-pen akilanghtang-in Zomite' tung-ah pulaak lo-hi.
Athu-in ZCD Secretary Pu Gin Kam Lian' kiang-ah ka-kheuhkheuh 2014 kum laailak-ah "Kamphen Kuulloteng Zomi akici mah hi-ei" hongcih-pen Zominam Group menber 8000 vaal-in mukha dinghi. Tua-tawh ka-etkaak ciang-in ZCD sung-ahzong leitang ngiimna-ah Zomi cihleh Chin State-wide cihkhat hih aims & objectives guipi nih omleh kilawm hongbang simsim-hi. Ahizong-in, mipi' tung-a taangkona leh amau' sung-a thusim cihkhawng omzong hithei-hi.
Mipi' ading ngiimna anei taktak I-hihleh iimsim cihthadah tua mah-tawh mipi akizawn khawmding hi-a, ngiimnate "Laimal golpi-in gelh-in baáng tung-ah, kongpi-ah suang-a, apaisuk apaitote-in a-muhtheih ding"-a bawlding Pasian' kammal-zong ombuang ahihteh hih kaalthute mipi' lung-ap nading honkhat om-hi cih kilangh-hi.
Gamdang pan-in bangmah septheih kinei lo-a, veina-tawh awlmawh tak-a mite' kosuk kotoh thuak-a online-tawh lungdeih thusunna kongneih niloh ciangbek-mah kei' hihtheih hiphot-a, ataktak-in aphual-a aseemte naakpi-in lung-am khading, baihlo khading, khual tuamtuam-zong omding, kidop tuamtuamzong omding cihte ka-ngaihsut ciang-in aphual-ate naakpi-in thupi kasa-hi.
Huaiham man-a "ahoihzaw" I-cihcih saam hang-in 21st Cen. Panglong Conf. apian nading Leikha-maang taktak Zomi honghih baan-ah, Innteek thugenna-zong hongnei giapgiap Pu Chin Sian Thang tutung-a Kawlgam namdangte' maai-ah hongdin bekbek-pen Zomite' khamuanna leh angtanna lianmahmah khat ahihi. Mite' palaaite-zong ding mahhi, ahizong-in Chin State-a satanh nangawn angah khollo Zomi-in taangthu suutna hongneih mawkpen Zomite' taangthu-ah hoih-in sia taleh amang nawnloding hongsuak-hi.
Thukhupna:
*************
Bangbang ahizong-in minam vaai gending-pen uai lohding naakpi-in lunggulhhuai kasa-hi. Col. Khen Za Moong pil mahmah-a, akhanpih Van Kul hai mahmah akicihcih hunkeek mah-in Chin State Capital-pen Kawlpi pan-in kikhiin ziau-a, tua leh tu kikaal Zomite-in "Kawlpi hileh bang aci tammaw" cih akidawng theilo dotna-tawh kivialcip-hi.
Tu-in Pu Chin Sian Thang leh Lian Hmung Sakhong hong khangkhawm leuleu-a, Chin State tuakmah tumh uh-in, khat-in "Chin" pomcip-in khat-in "Zomi" maaiguan-in nei-hi.
Dr. Prf. C. Thang Za Tuan-inlah ama' Zomi cih-pen "Chin" acihna ahihman-in buai ngaihsut vetlo-hi, hinapi-in a-Chin minpuate' lak-ah mapang tuanlo-in TA minpua lingleng vetse-hi.
Bangbang ahizong-in " က်ြန္ေတာ္တိုု႔ ဇိုုမီး အမ်ိဳးသား ...” cihsuk dingpen hong lungsiit nawnhetkei le-uh khangthak Zomite' khamuanna kip ding-in ka-lamen mahmahhi. Gamdang khawng pan-in I-otot saam hang-in tuilak-a pau-zong kibang lo-a, naupang honkhat-in nopnehna selnoh leh zuauphuak-a kosiatna, I-hih I-donsa te nangawn-in zunko ekko-a hongko cihkhawng bekmah aki-lawh leltak hi-in, Zomi atawisaang taktak theidingpen aphual-a naseem mapang ulian makaaite na-hi uhhi.
Tua ahihman-in, note' sih nung-ah khangthakte' apcip khopding akitukalh thu peuhmah hong nusiat kei unla, Zomi-pen banghiam? COMMON GROUND kician khat nonglam ding-uh kisam-hi, banghanghiam cihleh tu ciangciang Common Ground kician omlo-in, sak-ah ngo, khang-ah vom cihbang-in na-om biilbial uhhi.
Akisamlo zaiina, huamna athu-a zaii mahmah-in namkee awsuah kidangte-khawng ...te...te cih lungsim leh kampau zatna hihte-pen mimal muhna-ah "toii mahmahna" hi-in mu-ing. Zaiiluat kuul lo-in ahiciang bekmah ahi hong hisak unla, cidam khansau-in Zomi khangthakte hong pantah un.
Lungdeih Thusung,
Zokhai
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.