Abraham Lincoln in khuanawl lampian khat ah innhoih mahmah khat hong lei hi. Tua a leizawh teh a sungah vanzat ding leh nek le dawn ding ki cingin koih zihziah hi cihi. Inn sunga ki sam teng a koih khitteh ama inn ah hong ciah kik hi.
Khat vei Sila ki zuakna khat ah hong pai hi. Tua lai-ah Papi mivom innkuan khat sum tawh hong lei hi. A zuakten Abraham Lincoln tungah a ap ciangin tua Papi zong ut hetlo hi. Abraham Lincoln in paupih sese lo in pai khiatpih veve hi.
Papi in ut hetlo pipi in zuisam hi. A zuih kawmkawm in Papi mivom pa in hong That vet in, na inn i tunteh zong na na ka sem kei ding hi. Si nuam zaw tham ung ci-in kap liang hi.
Abraham Lincoln in paupih tuanlo in khuanawl lampian khat aa, a inn leina ah hong tunpih hi. Inn sung a lutteh Abraham Lincoln in Papi mivom pa te innkuan tunga Sila ki zuakna Laidal leh Kol te hong lak khiatsak in, "tu-in a innkuan un Sila na hi nawn kei uh aa, hih inn no mau inn hita hi. No bek na om ding uh aa, na duhduh ne in na huan ding uh hi. Sila hi nawnlo na hih manun a suakta na hita uh hi. Tu-in kei ka inn ah ka ciah ding hi", ci hi.
Papi zong a denlam aa, a gen phangphang hong banglo takpi in lungdamlua in a khitui a innkuan un hong lung keuhkeuh uh hi. Abraham Lincoln kiangah Papi pa in, "kei ka suan ka khak in Sila kimlai, Sila dingin nong bawl ci-in lungdamlua in hong kap ngeungeu hi" cihi.
Gentheihna, haksatna, buaina i tuahteh kapliangin Topa tungah i ko hi. Hong paupih sese lo, ih thungetna hong dawnglo maw leh icih hun tam kha mah ding hi. A za lo hilo Nopna Lungdamna tawh zingkhua hong vaksak nuam hizaw hi. Lungkia ken ih lam-etna zah sangin hong pia nuam den Zeisu hi. Zeisu muang ni. Lungdam.
Thawn Tuang
Nashville TN USA
Oct 18,2015
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.