21st Century Pinlong Conference & Outcome

Kawlgam bup phial in ingak lah mahmah Pinlong khawmpi nihna mitphiatkaal in ongbei ziau a., Pawl khat ten adeih teng uh ngen ziahiziah in, Pawlkhat leuleu ten kamkhum nono azaaknop thei thugen uha, Pawlkhat te leuleu hang giapgiap hi.

Thu kikupna omnailopi pawlkhat taleuleu in ZCD ten bangmah ngenlo ci a akukuvpawlkhat tawh., Makaai te mawhsak nuam kisa liit dawk abangtawh, Chin peen Zomi tawh laihding ci a 21st Pinlong khawmpi ah Innteek kisa banghiam khat abang kimlai ZCD ten Zomi ngenlo peuh acihoihoi tawh., kiso ngei ngaai a ahizong in Khawmpi ongmanta., anung ah agah outcome bang cih i etsuk ciang.,

Adeihdeih angen ten lah ngah in puapah leetlaat cih kizalo, ngenlo ci a imawhsak telah kipialo cih kizalo in kilamdan na omlian nailo hi ahang peen thukikupna kinei nailo hi.

Ahizong in namdang te peen Pinlong kikupna lian aneihtheih loh uhhang outcome hoihsak veve uha, mipi leh Maikaai kimuhtuahna, kilemtuahna cihbang in hunhoih hunmanpah la in thunung thuma omzelzul sak selo uhhi. Gentehna Karen te a pa bang Lutol lai Kawllai zong hoihtak simtheilo hinapin mipi phunselo muangsuk lel uhhi.

Zomi te ading in 21st Pinlong peen Limlang hoihpikhat in  ongpiang in kamu a anuai a bang teng kimu thei hi.
-------------
1.Kua teng in Makaai te it a panpih cih kimu hi.
2.Kua teng in Makaite langbawl in koko cih kimu hi.
3.Kikoko ta leh kitheih kheem mawhbawl uh a ZCD makai te picinna kimu hi.
4.Zomi te peen ei le kimuangzotak nailo midangte mah thu asasa lai om cih kimu hi.
5.Zomi pawlkhat peen Laitan sinna asan mahmah hang picingtaklo cih kimu hi.
6.Hoih asa kei phial zong in Makaai te nasepna mualko selo in aki ipzo mahmah makaaipicing Pawlkhat zong kimuthei hi.

Tua ahihman in Zomi ten i outcome peen Mipi leh Makaai te suktuah napeuh in zangding maw? Kitot kiselna peuh hisak maiding maw  cih makai te zongbuainailo  anakitulmawh pawlkhat in ngaihsut huaikha ding hi.

Ingaihsut khopding in kadeih thu in.,

1.Ipu ten Zomi vaai sung kei mawkcih phingphing kei ni! 1990 kumpan nasiatak in kitaangko kisungkhin hia recognize kingaak bek ahihi.

2. Iminamvaai ah Ipu te mawkhawmthawh sekei ni Chin ikicih haihai laipek in Ipu te Zomi ah nakho khin hi.
3. Politics vaihawmna ah mawk hawmthawh sedan ni amau anuntaakna uhtawh akheek ngam uhhi.

Hih 21st Century Pinlong vaai peen kumtampi adawldawl a ongpaito laiding thu hi a ZCD in Zomi Zogam ading athusun ding leh asunsa kiptak in laitawh athutawh kicingtak in neisitset ahihman in Online Virus tetawh Zomi ten ilungsim palangsakselo in ngakni cih kei mimal kingak na hi.

Thang Khawm Pau Zomi