Nung Tuesday (23 August) ni in Malaysia gamsung Kampung Datuk Keramat ah kum 10 aphapan sangnaupang numei khat kiguksawm (Kidnap) ahih manin, Malaysia Police te’n mipi kidopding taangko khia uhhi. Wangsa Maju Police te genkhiatna ah hihbang in mihing aguksawm (Kidnap) pen mi 4 hi uh a, tualak ah mi 2 tepen numei puan silh uh cihi.
Kum 10 bek aphapan numeino pen sanginnlam zuanin apai hi a, hih miguksawm te mawtaw Van akangkhat tungpan tuakhia in, numei kizep in akizem mi 2 agei ah paiphei uhhi. Tuakhit ciangin numeino pen thakhatthu in mawtaw sungah taalkaihsawm uh cihi.
Tua mi 2 te in numeino pen temta tawh ngim uh a, numeino zong kitomgawp in suihtawh tuattawh, amai uh tumphei in tuapan in hih miguksawm te a mawtaw uhtawh taimang ci’n Police te’n genkhia hi. Hihbang in naupang guksawm pen suntangpi mah hi a, Sekolah Rendah Agama Al Akram kici sanginn gei ah sun 1:30pm hunpawl ahihi.
Tuakhit ciangin numeino zong laulua in sanginn huangsung ah taimengmeng a, sangsia te kiangah agenkhit ciangin sangsia te’n Police Report bawlpah uhhi.
Tua miguksawm te zat mawtaw pen a Number ki ciamtehmanlo a, tuakiim ahzong CCTV omlo citciat ahih manin kikankhiapah zolo hi.
Tua sangsia te genna ah hihbangdan naupang guksawm pen August 05 ni inzong khatvei omngeikhin a, Police Report kibawl ngeikhin ci uhhi.
Tuahunlai in nuapang guksawm te pen mi 2 hi uh a, Motorcycle khattung ah tuangkhawm uh cihi. Sangnaupang kum 7 leh kum 10 apha tegel sanginn zuanin apai laitak sun 1:50pm hunpawl hi a, tua miguksawm te’n naupang aneuzaw pen akhutpan kaihsawm uhhi. Ahi zongin tua naupang awng in kitom a, tuakhit ciangin miguksawm te Motorcycle tawh taisuak uh cihi.
Hih Sekolah Rendah Agama Al Akram kici sanginn gei ah naupang kiguksawm pen tukhasung in 2 veibang piangkhin a, tudong kuamah kimanzo nailo hi. Ahi zongin palik te’n hihkim ah security tampi koihbeh cihthu kiza hi.
Malaysia ham sung tunai naupang ki gu cih thang tampi ki zaza ahih manin patauh huai mahmah hi.
Src: ZomiDaily
Kum 10 bek aphapan numeino pen sanginnlam zuanin apai hi a, hih miguksawm te mawtaw Van akangkhat tungpan tuakhia in, numei kizep in akizem mi 2 agei ah paiphei uhhi. Tuakhit ciangin numeino pen thakhatthu in mawtaw sungah taalkaihsawm uh cihi.
Tua mi 2 te in numeino pen temta tawh ngim uh a, numeino zong kitomgawp in suihtawh tuattawh, amai uh tumphei in tuapan in hih miguksawm te a mawtaw uhtawh taimang ci’n Police te’n genkhia hi. Hihbang in naupang guksawm pen suntangpi mah hi a, Sekolah Rendah Agama Al Akram kici sanginn gei ah sun 1:30pm hunpawl ahihi.
Tuakhit ciangin numeino zong laulua in sanginn huangsung ah taimengmeng a, sangsia te kiangah agenkhit ciangin sangsia te’n Police Report bawlpah uhhi.
Tua miguksawm te zat mawtaw pen a Number ki ciamtehmanlo a, tuakiim ahzong CCTV omlo citciat ahih manin kikankhiapah zolo hi.
Tua sangsia te genna ah hihbangdan naupang guksawm pen August 05 ni inzong khatvei omngeikhin a, Police Report kibawl ngeikhin ci uhhi.
Tuahunlai in nuapang guksawm te pen mi 2 hi uh a, Motorcycle khattung ah tuangkhawm uh cihi. Sangnaupang kum 7 leh kum 10 apha tegel sanginn zuanin apai laitak sun 1:50pm hunpawl hi a, tua miguksawm te’n naupang aneuzaw pen akhutpan kaihsawm uhhi. Ahi zongin tua naupang awng in kitom a, tuakhit ciangin miguksawm te Motorcycle tawh taisuak uh cihi.
Hih Sekolah Rendah Agama Al Akram kici sanginn gei ah naupang kiguksawm pen tukhasung in 2 veibang piangkhin a, tudong kuamah kimanzo nailo hi. Ahi zongin palik te’n hihkim ah security tampi koihbeh cihthu kiza hi.
Malaysia ham sung tunai naupang ki gu cih thang tampi ki zaza ahih manin patauh huai mahmah hi.
Src: ZomiDaily
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.