KUMPIPA LEH A ZI LITE' TANGTHU
Nidang lai-in a hau mahmah kumpi khat om a, tua kumpipa’n zi li nei hi. A zite lak panin a zi lina pen it pen ahih manin a lim a al nono pia in, puan hoih pen silhsak hi. A hih thei tawpin hanciamin a lungkimna ding hih sakin, na khempeuh a hoih pen pia a, it mahmah hi. Kumpipa’n a zi thumna pen zong it veve a, ahih hangin a zi lina pen sangin it lo zaw hi. Kumpipa’n a zi thumna pen a kumpi gam sung en dingin a pai ciangin ton pih den a, a hauhna a minthan’nate lak in a zin khiat simin ton pih denin, kumpi dangte tungah a zi' mel hoihna lakin kisialhpih mahmah hi. Kumpipa’n a hauhna leh a minthan’na teng a lah den hangin a zi thumna in a taisan sim dingin lauthawng den hi. Kumpipa’n a zi nihna zong it veve a, ahih hangin a zi lina leh thumna a itna tawh kibang lo hi. A zi thumna pen pil in, citak in, lungduai ahih manin kumpipa’n thudot penin zang den hi. Kumpipa’n thuhaksa leh buaina khat peuh a neih ciangin a zi nihna pen kiangah ko den a, a zi nihna in thuhaksa khat peuh haksatna bangmah om loin vai vengsak tawntung hi. Kumpipa’ zi khatna pen thuman ahih manin kumpipa' innsung leh kumpipa' gam sungah hauhna leh minthan’na nakpi takin khangsak ahih manin kumpipa’ gam tangzai sak hi. A zi khatna a thumanna hangin kumpipa gam gol beh semsem a, kumpipa’n a gam keek liat beh semsem thei hi. Kumpipa zite lak panin a zi lina penin kumpipa it pen a, ahih hangin kumpipa a itna thupi sim mel loin kitheimawh bawl den hi.
Ni khat kumpipa nakpi takin a ci hong na ahih manin dam zo lo ding ahih banah sawt dam nawn lo ding hi’ng cih hong tel hi. A hauhsatna leh a minthan’na leh zi li teng ngaihsut ngaungau in, “Aw, si leng hihte khempeuh ka nusiat ding hi lel a, kei bek khut guak tawh a ciah ding kai ve maw?” ci’n a khitui hong thulguah bangin kia ziahziah hi. Kumpipa’n a lupna dei sungah a zi lina pen sam in, “Nong ka zite lak pan kong it pen leh kong deihsak pen na hi a, na deih nono hong pia ka hih manin si leng nong zui diam?” ci’n dong hi. A zi in, “Hong zui buang lo e, si lel o,” ci’n paikhiatsan hi. A zi’ kammah a zak pen a lungtang tem tawh kidawt bang liang ahih manin na sa mahmah a, natna hong khang semsem lai hi.
Kumpipa’n a zi thumna pen sam in, “Ka zi teng lakah nang hong kong itna lahna dingin ka hauhna leh ka minthan’na khempeuh hong ensak in, na utna peuhah hong paipih den ka hih manin ka sih ciangin nong zui ding hiam?” ci hi. A zi’n, “Hong zui kei lua ning, na sih ciangin pasal nei kik pah lai ding hi'ng” cih san ziau hi. A zi’ dawnna pen keek in a lungtang a den’sak bang a, na sa mahmah hi. A zi thumna pen sam leuleu in, “Thuhaksa khat peuh om ciangin nang kong dong den a, nong tamasak ngei kei hi. Nong nusiat ngei loh mah bangin ka sih ciangin nong zui diam?” ci’n dong hi. A zi’n, “Tutung bel hong huh zo nawn kei ning ahih hangin na kivui ciangin na han dong hong zui ning” ci’n dawng hi. A zi’ dawnna in kumpipa khasiasak mahmah hi. Lungzuang, khasia leh lungsim tamkham in a om lai in aw khat in, “Kong zui ding hi, na paina peuhah kong zui dinga, bangbang a piang zongin kong nusia ngei kei ding hi” hong ci hi. Kumpipa’n kong khak lam a et phei leh a gawng mahmah a zi
Kumpipa’n a zi thumna pen sam in, “Ka zi teng lakah nang hong kong itna lahna dingin ka hauhna leh ka minthan’na khempeuh hong ensak in, na utna peuhah hong paipih den ka hih manin ka sih ciangin nong zui ding hiam?” ci hi. A zi’n, “Hong zui kei lua ning, na sih ciangin pasal nei kik pah lai ding hi'ng” cih san ziau hi. A zi’ dawnna pen keek in a lungtang a den’sak bang a, na sa mahmah hi. A zi thumna pen sam leuleu in, “Thuhaksa khat peuh om ciangin nang kong dong den a, nong tamasak ngei kei hi. Nong nusiat ngei loh mah bangin ka sih ciangin nong zui diam?” ci’n dong hi. A zi’n, “Tutung bel hong huh zo nawn kei ning ahih hangin na kivui ciangin na han dong hong zui ning” ci’n dawng hi. A zi’ dawnna in kumpipa khasiasak mahmah hi. Lungzuang, khasia leh lungsim tamkham in a om lai in aw khat in, “Kong zui ding hi, na paina peuhah kong zui dinga, bangbang a piang zongin kong nusia ngei kei ding hi” hong ci hi. Kumpipa’n kong khak lam a et phei leh a gawng mahmah a zi
Nisim I nuntakna lungngai leng kumpipa zi lina pen i pumpi tawh kibang hi. A hoih nono tawh zem in, a lim a al nono tawh kep hangin i sih ciangin a bei hi lel a, a kimanna om lo hi. Kumpipa zi thumna pen i neihsa leh i lamsa tawh kibang hi. I thaneih teng tawh pilna, siamna, neih leh lam ngahna ding hahkat in i tha neih teng sit loin i zon’ hangin i sih ciangin mi dang ading na hi lel hi. Kumpipa’ zi nihna pen i innkuanpihte, i tanaute leh i lawmte tawh kibang a, it in ngai in i khialah zongin i sih ciangin i hankhuk tan bek kitonpih thei bek hi. Kumpipa zi khatna pen bang tawh kibang hiam i cih leh i KHA tawh kibang hi. Minthan’na, hauhna, vangliatna leh min deihna hangin kineu ngaihsun den in, kipampaih den hi. Ahih hangin i si zongin i KHA pen kinusia thei lo hi. Tua ahih manin i nuntak lai-in i KHA' ading ngaihsut in, i sih ciangin i KHA koi mun tung ding hiam cih i nuntak sung Topa'n hu hong mop lai sungin a geel siamna dingin Topa’n thupha hong pia kim tek ta hen!
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.