Kum 18 ka phak in Zeisu pen kei mimal Gumpa leh Honpa dingin ka sang a, ama thu kigelhna Laisiangtho zong lunglut leh lawp takin ka sim den hi. Khua khaal hun sung khempeuh Laisiangtho ka sim a, ka lumlet hi. Dal khat khit khat khat sungah pilna guntui bangin hong luangin thumaan thutak in ka sungah mun hong luah a, Laisiangtho hizah a vangliat lam ka thei panpan hi. "Laisiangtho pen Khasiangtho humop hi" a cih uh pen maan ka sa tektek mai hi. Ka lawmte khat in na sunga om Khasiangtho in Pasian thuthuuk te hong telsak ding hi hong cih pen ahitakpi mah ahihi.
Kum sawm sung biakinn tuamtuam ah kilkhawm in pawlpi tuamtuam ah ka kihel a, ahizongin ka dinpih bulpi pen Laisiangtho bek mah hi tawntung hi. Christian ka hih mah bangin ka kisap khempeuh a kimna pen Laisiangtho sungah hi in, Upna tawh kisai ah ka thudotpi zong Laisiangtho mah ahihi. Tua ahihmanin kei ading in Laisiangtho pen kingakna cingtaak penpen hong suak hi. Kei tunga thunei Laisiangtho hi in, khalam ah hong nosuah sak banah Pasian tawh hong kinaisak thei pen Laisiangtho ahihman in ka it ngaungau mai a, sim niloh sim den ka hihmanin et loh a ka gen theih bang Laisiangtho mun tampi om hi. Tua ka it mahmah Laisiangtho, nisim naisim phial a ka sim den Laisiangtho in Zeisu tawh hong kinaisak semsem in, a tawpna ciangin ka lungsim sungah zong a om ngei vet lo Catholic Biakna sung hong tun mawk hi!
Ka lawm it mahmah khat in Catholic sungah lut ning hong cih ka zaak bang ciangin launa tawh ka kidim hi. Kei sanna leh Catholic sunga om lote sanna ah Catholic Biakna pen a lipkhap huai kipawlna lian khat hi in, Laisiangtho tawh a kilehbulh vive a nungta gamta te ahi uh hi. Catholic biakna sanga lamkhial zaw om lo ding hi cih pen kei muhna leh sandan ahihi. Bang hangin Upna maan sungah omsa, a kip mahmah khin ka lawmnu in a pawlpi taisan in Catholic Biakna sungah lut mawk hiam? Lamdang ka sa mahmah hi. Bangbang hileh Catholic thu a kician in thuuk kan ning ci in ka khentat a, Laisiangtho sunga kammal khat khit khat tawh mehkak tehkak in Catholic paikhialhna kan in hun saupi ka beisak hi. A tawpkhakna taktak ciangin Catholic Biakna leh Laisiangtho a kilehbulh lo lua ahihlam ka tel a, Catholic te paizia leh Laisiangtho kituak sitset hi cih thu mu khia ka hihman in thumaan thutak omna Catholic sungah lunghiang lo takin ka lut hi. Catholic sungah ka om ciangin a pualam pan a Catholic thu ka zaakte leh ong kigen thute thumaanlo zuaupi ahihlam ka tel semsem hi. Na khat limlim pen mi gen ih up pahpah sangin a sungtawng dong kan masak tangtang ding a thupi na hi gige mawk hi!
Catholic ka suah zawh kum tampi hi khin hi. Catholic huang pualam ah ka om laiin Laisiangtho pen ka it mahmah a, Catholic ka suah khit ciangin Laisiangtho ka itna khang semsem hi....tun bel a piangthak taktak ka hi ta hi. ( by Lois Day)
Briefly translated by Zomi Quavadis (Francis Lamthang)
Kum sawm sung biakinn tuamtuam ah kilkhawm in pawlpi tuamtuam ah ka kihel a, ahizongin ka dinpih bulpi pen Laisiangtho bek mah hi tawntung hi. Christian ka hih mah bangin ka kisap khempeuh a kimna pen Laisiangtho sungah hi in, Upna tawh kisai ah ka thudotpi zong Laisiangtho mah ahihi. Tua ahihmanin kei ading in Laisiangtho pen kingakna cingtaak penpen hong suak hi. Kei tunga thunei Laisiangtho hi in, khalam ah hong nosuah sak banah Pasian tawh hong kinaisak thei pen Laisiangtho ahihman in ka it ngaungau mai a, sim niloh sim den ka hihmanin et loh a ka gen theih bang Laisiangtho mun tampi om hi. Tua ka it mahmah Laisiangtho, nisim naisim phial a ka sim den Laisiangtho in Zeisu tawh hong kinaisak semsem in, a tawpna ciangin ka lungsim sungah zong a om ngei vet lo Catholic Biakna sung hong tun mawk hi!
Ka lawm it mahmah khat in Catholic sungah lut ning hong cih ka zaak bang ciangin launa tawh ka kidim hi. Kei sanna leh Catholic sunga om lote sanna ah Catholic Biakna pen a lipkhap huai kipawlna lian khat hi in, Laisiangtho tawh a kilehbulh vive a nungta gamta te ahi uh hi. Catholic biakna sanga lamkhial zaw om lo ding hi cih pen kei muhna leh sandan ahihi. Bang hangin Upna maan sungah omsa, a kip mahmah khin ka lawmnu in a pawlpi taisan in Catholic Biakna sungah lut mawk hiam? Lamdang ka sa mahmah hi. Bangbang hileh Catholic thu a kician in thuuk kan ning ci in ka khentat a, Laisiangtho sunga kammal khat khit khat tawh mehkak tehkak in Catholic paikhialhna kan in hun saupi ka beisak hi. A tawpkhakna taktak ciangin Catholic Biakna leh Laisiangtho a kilehbulh lo lua ahihlam ka tel a, Catholic te paizia leh Laisiangtho kituak sitset hi cih thu mu khia ka hihman in thumaan thutak omna Catholic sungah lunghiang lo takin ka lut hi. Catholic sungah ka om ciangin a pualam pan a Catholic thu ka zaakte leh ong kigen thute thumaanlo zuaupi ahihlam ka tel semsem hi. Na khat limlim pen mi gen ih up pahpah sangin a sungtawng dong kan masak tangtang ding a thupi na hi gige mawk hi!
Catholic ka suah zawh kum tampi hi khin hi. Catholic huang pualam ah ka om laiin Laisiangtho pen ka it mahmah a, Catholic ka suah khit ciangin Laisiangtho ka itna khang semsem hi....tun bel a piangthak taktak ka hi ta hi. ( by Lois Day)
Briefly translated by Zomi Quavadis (Francis Lamthang)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.