Dear All,
Tuni Sept.3, 2013 (Tuesday) Am.9:00-12:00 sung teng Shin Hong Hall, Thazin-Kalaymyo ah "Gullu mual vai thu kikupna, thusunna nasiatakin
kinei hi.
Hih munah a beisa a mapang diak teng ahi, Zomi Siamsin lam pan, Chin Student lam pan leh Kawlpi, Nyitha Phungzi te pawl makaihna tawh hi a, Parti golpi li bang kihel hi.
Tg.Thang Khan Tuang (a) ThaTuang in hun hong makaih a, tua khit ciangin party tuamtuam panin Agent khat ciat in thugenna, thusunna hong nei uh hi. Tua teng khit ciangin a vei diak pawl khat in hong zato uh a, hun manpha takin kizang thei hi.
Am.10:30 ciangin break time khat kinei a, niangtui leh moh tawh mipi a pai khem peuh hong vaak uh hi. CNP makaipi Pu ZoZam in thugenna thupi khat zong nei hi. Kumpi tawh suaktak takin thugen ding a om te gen theihna hun a ngah zel ka hi hi, cih zong gen hi.
Kawlpi Nyitha Phungzi mangpi'pa in zong thugenna hong nei a, Gullumual pen tu dinmun tawh a tawh huai nai het lohna leh mipi te khualna cihte
tomkim cingin gen a, tha kingah mahmah hi. Tuaban ah i gam dinmun leh vai lian khat a om ciangin ko Phungzi te mah ka madawk zel uh a, tua
pen komau a ding bek hi peuhmah lo-in i gam mipih, mizawng leh genthei te ka khualna uh hi pen hi, cih zong gen a, thupi kisa mahmah hi.
ZCD panin Pu Cin Sian Thang hong kihel thei lo a, Kalay Banch ah Chairman pi a sem, Pa SK.Gin Khan Pau in thugenna tom khat hong nei a,
ko a maleep in za khol thei lo, kithuza khin man lo ka hih manun tampi gen thei keng cihte gen a, gam leh minam veina tawmlai mah gen hi.
Chiankhainggyi lam pan bangmah genna om lo, hong kihel lo uh hi leh kilawm hi. 8888 makaipi khat leh tuahun lai a, sangnaupang galkap khat
in zong gam leh mipi veinate hong gen uh hi.
Zomi Times panin Revd Dr.Lang Khan Khai in zong thugenna hong nei hi.
Ih gamah hibangin Gullumual hong kito in hi leh i Zogam leh hih zanggam kimteng ah Security cihte a kipan bitna taktak a om diam, tuate kua in vaipuak la taktak zo ding hiam, cihte leh hun saupi a ding muhkholhna tuamtuam pawlkhat tawh hong gen a, hi kisa mahmah ciat
hi.
Ih lawm Kawlte' lampang panin uhamsim khat mah in hih vai hong gen a,hih vai tawh kisai ah minam khat le nih bek tawh zong kisai lo a, i gam i vaipuak lianpi khat zong ahih manin i hihna bangbang ah kidendan lo a, i kipawl ding leh i kham dingte ah zong mapan khop diamdiam ding
thupi hi, cihte hong gen a, thusaupi mu khat leh mi teitang khat in ka na ciamteh uh hi.
Video Record kawm ka hih manin a dangdang zong om lai ding banah hih i gente a kitukalh kha peuh a om khak a leh hong kihel lawmte, siate leh
vaisai khat peuh in hong behlap ta uh hen. Maan ka lakkhak pawlkhat
hong khak ing.
Tunitak lamin Sia Lian Tuang, Tha Tuang, Tawi Thang leh khangno pawl
a kipan mapang sa pawlkhat te'n Singgial, Diamzang lam ah zangiak phei
ding uh a, tutunga thukikupnate sung kawmin holimpihna va nei ding uh,
cih thu zong kiza a, phawkpih ciat ni. Ih gam leh lei a ding a
mapangte thupi leh zahtakna ka pia hi.
Mipi pai lakah min pia vekpi, 72 leh min pia lo a, hong lut pawlkhat
tawh mi 100 bang pha ding hi, ci-in thuciamteh pawlin hong gen uh hi.
Mundang pan leenglapi diak mi 7 hong pai uh hi. A kisam laite
vaisaite ahi a, a kihel kha khatpeuh in ahizongin hong zom le uh ci
hang. Omna ciatah Topa' thupha.
NB: (Hih a tunga laite zani a ka gelh hi a, connection ziakai luat
manin photo ka khak zawh loh teh tuni hong khak kik ka hi hi).
Deihsak Thupuak,
Peter Khampu.
--
Peter Khampu
CMedia, Kalay
"...Na hoih sep ding cimtak kei ni, a hun a tun' ciangin a gah i at
ding hi" (Gal.6:9).
---------
Dear,Peter Khampu leh ihmipih teng
Kong laikhak itna tawh Feedback nongpiakna hang lungdam ingh.Hih Gullu mual pen
ei Zogam Tedim myone sunga aom mah bangin,ei Kawlpi zangleitang sunga aom Pupate
khanlai pan kipan,cih gen thamlo ihkhangno lai pek a,Kawlgam ah eimi Geologist minthang
mahmah Pu Vumson leh Pu Ngaw Cin Pau te'n aet ciang,ei Zogam ading suangmanpha
nam tuamtuam pianna ihgogil ding khat in agen nate uh,ihbilkha'ah tuni ciangdong mangtheilo
in omlai ahih tei hang'Kawlpi pan kipan Zogamgi Khaikam khua Tai(9)dong ciang pan kimu thei
in,ihet simsial in,Zogam Trade Mark khat bangin kingaihsun in kilung noppih ciat zong ahi hi.
Hun khat1984 lai Mah-Sah-Lah hun Sagaing Division a Tainghmu Colonel Thura Kyaw Swa in
Kawl Kumpite thupiakna tawh,Gullu Mual omna zanglei tangh teng Sagaing Division sungah
tungsak kholh dingin hong kithawi ngei'a akua mapeuh kilungkimlo ahih man leh 88buaina tawh
hong kizom suak ahih manin,alungtup uh taang tung zolo hong suak ahih tei hang abeisa hunlai
Shan State sunga om ei mite'n mualtung paiding ihci thei zel Suangmanpha khukpi omna Moe
Goke khua pen Mandalay Division sungah kikoih hiau in,khangtan Kawlte a suak ih zak ngei mah
bangun,May Myo(Pin Oo Lwin)zong Shan State pan Kawlgam Mandalay Division kisuaksak ahi hi.
Tun zong Kachin gama Myitsone Dam project pen Kawlgam bupi'n awng ngeingai'a akhak ciang
Kumpi te zong hong lauthong sam ahih manin,hong khawl demdam sam ahi hi.Monywa District
sunga Letpadaung taung project ciang aphongkyite nangawn in nasiatak liamlawh in,agammite'n
zong nasiatak hanciam'a lungphona tuamtuam abawl uh hang Sen Company te'n semsak teitei
zong ahi hi.Tua Company te mahin Ihpu ihpate akhang khang'a ana kikemcing a ananeih uh Gullu
Mual pen aneite theihlo kal Kumpi thak U Thein Sein in Sengam apai lai Sente maivilna in hong
naneihsak tazen ahi hi.Tua khua kim leh pam'a om ihmite khuateng leh inn leh lo teng,akipan tang
lai pan etlawm mual kuam Zogam nuam sung'a mual manpha,mualhoih pen khat kisumang tazen
ding cih ciang "ngaisun theih leng nasa ingh"cih ciat ding lobuang adang bangmah omlo ahi hi.
Hih Zogam(Khamtung gambup)i neisa ihgogil manpha mahmah pen,hotkhiat thei nadingin leitung
gam tampi a Kawlgam leh China(sen)te Ambassy zum tengah lungphona neihna tawh ahih zongin
Tedim'a kibawl Zosuan tuailai khawmpi thu kikupnate ahih zongin,Kawlpi leh Tedim pan khangno
kipawlna tuamtuam etc.muntampi pan ihkikup ihgen kaal sung mah ahi,abeisa June kha sungin
kisuang mello,laulo leh maizumlo takin Sen Company te Kawl Kumpi leh Zogam Kumpite phalna
tawh hong thusimlo in hong kipan hongto mihmek lel mawk uh cihthu kiza ahih manin,lunglai ah
na kisa ciat dingin,ka um hi.
Kawlpi'a Kawl Phongkyite nangawn makai'a Kawlpi myone sung'a Kawl te nadongin hong lungnat
pih ban thamlo Pu Zo Zam leh Khamtungmi Parties 4bang zong Kumpite nasepna khat ahih teihang,
hih thu vaiah mapan theina lamsang khat pan mipi tawh kipawl leh tupna,ngimna,deihna kibang'a
Kawlpi leh Gullu Mual mahmah va-en ding'a hong kuante pen en gensia,simmawh bawl lo zawin,a
kua cilo aKawl aZo aChin Party te ci'a thudang tawh paikat'a ihmuh lai uh sangin Kawl Kumpi te'n
hong ngian bawl leh ei leh ei uino bang khat leh khat hong kipetsak nop nate phawk hunta ahi hi.
Thu tawpna ah,atung'a thuteng phawk kawm'a ihneih khawm uh leh ih lungtup uh akibang ahi hih
Gullu Mual vai ah,kimu khial na leh kitel khial nate hici koih phot ciat in,Pu Zo Zam leh Party dang
Kumpi tawh kiuitui thei khamtung mi Hluatdaw Representatives te nasiatak kikum khawm a ih khak
tan leh akipansa Gullu Mual project pi pen,Myitsone Dam project bang'a akhawl kik thei nading
Pasian kiangah thungen kawmin ma pang ciat leng ih lungtup uh tangbang hong tung ding hi cih kei
upna bangin,ihmipih te hilai tawh hong han sua nuam ingh.Topa'n mimal thupha hong pia ciat ta hen!
Kham Khan Suan(Artist Kyaw Kyaw Oo)
Tuni Sept.3, 2013 (Tuesday) Am.9:00-12:00 sung teng Shin Hong Hall, Thazin-Kalaymyo ah "Gullu mual vai thu kikupna, thusunna nasiatakin
kinei hi.
Hih munah a beisa a mapang diak teng ahi, Zomi Siamsin lam pan, Chin Student lam pan leh Kawlpi, Nyitha Phungzi te pawl makaihna tawh hi a, Parti golpi li bang kihel hi.
Tg.Thang Khan Tuang (a) ThaTuang in hun hong makaih a, tua khit ciangin party tuamtuam panin Agent khat ciat in thugenna, thusunna hong nei uh hi. Tua teng khit ciangin a vei diak pawl khat in hong zato uh a, hun manpha takin kizang thei hi.
Am.10:30 ciangin break time khat kinei a, niangtui leh moh tawh mipi a pai khem peuh hong vaak uh hi. CNP makaipi Pu ZoZam in thugenna thupi khat zong nei hi. Kumpi tawh suaktak takin thugen ding a om te gen theihna hun a ngah zel ka hi hi, cih zong gen hi.
Kawlpi Nyitha Phungzi mangpi'pa in zong thugenna hong nei a, Gullumual pen tu dinmun tawh a tawh huai nai het lohna leh mipi te khualna cihte
tomkim cingin gen a, tha kingah mahmah hi. Tuaban ah i gam dinmun leh vai lian khat a om ciangin ko Phungzi te mah ka madawk zel uh a, tua
pen komau a ding bek hi peuhmah lo-in i gam mipih, mizawng leh genthei te ka khualna uh hi pen hi, cih zong gen a, thupi kisa mahmah hi.
ZCD panin Pu Cin Sian Thang hong kihel thei lo a, Kalay Banch ah Chairman pi a sem, Pa SK.Gin Khan Pau in thugenna tom khat hong nei a,
ko a maleep in za khol thei lo, kithuza khin man lo ka hih manun tampi gen thei keng cihte gen a, gam leh minam veina tawmlai mah gen hi.
Chiankhainggyi lam pan bangmah genna om lo, hong kihel lo uh hi leh kilawm hi. 8888 makaipi khat leh tuahun lai a, sangnaupang galkap khat
in zong gam leh mipi veinate hong gen uh hi.
Zomi Times panin Revd Dr.Lang Khan Khai in zong thugenna hong nei hi.
Ih gamah hibangin Gullumual hong kito in hi leh i Zogam leh hih zanggam kimteng ah Security cihte a kipan bitna taktak a om diam, tuate kua in vaipuak la taktak zo ding hiam, cihte leh hun saupi a ding muhkholhna tuamtuam pawlkhat tawh hong gen a, hi kisa mahmah ciat
hi.
Ih lawm Kawlte' lampang panin uhamsim khat mah in hih vai hong gen a,hih vai tawh kisai ah minam khat le nih bek tawh zong kisai lo a, i gam i vaipuak lianpi khat zong ahih manin i hihna bangbang ah kidendan lo a, i kipawl ding leh i kham dingte ah zong mapan khop diamdiam ding
thupi hi, cihte hong gen a, thusaupi mu khat leh mi teitang khat in ka na ciamteh uh hi.
Video Record kawm ka hih manin a dangdang zong om lai ding banah hih i gente a kitukalh kha peuh a om khak a leh hong kihel lawmte, siate leh
vaisai khat peuh in hong behlap ta uh hen. Maan ka lakkhak pawlkhat
hong khak ing.
Tunitak lamin Sia Lian Tuang, Tha Tuang, Tawi Thang leh khangno pawl
a kipan mapang sa pawlkhat te'n Singgial, Diamzang lam ah zangiak phei
ding uh a, tutunga thukikupnate sung kawmin holimpihna va nei ding uh,
cih thu zong kiza a, phawkpih ciat ni. Ih gam leh lei a ding a
mapangte thupi leh zahtakna ka pia hi.
Mipi pai lakah min pia vekpi, 72 leh min pia lo a, hong lut pawlkhat
tawh mi 100 bang pha ding hi, ci-in thuciamteh pawlin hong gen uh hi.
Mundang pan leenglapi diak mi 7 hong pai uh hi. A kisam laite
vaisaite ahi a, a kihel kha khatpeuh in ahizongin hong zom le uh ci
hang. Omna ciatah Topa' thupha.
NB: (Hih a tunga laite zani a ka gelh hi a, connection ziakai luat
manin photo ka khak zawh loh teh tuni hong khak kik ka hi hi).
Deihsak Thupuak,
Peter Khampu.
--
Peter Khampu
CMedia, Kalay
"...Na hoih sep ding cimtak kei ni, a hun a tun' ciangin a gah i at
ding hi" (Gal.6:9).
---------
Dear,Peter Khampu leh ihmipih teng
Kong laikhak itna tawh Feedback nongpiakna hang lungdam ingh.Hih Gullu mual pen
ei Zogam Tedim myone sunga aom mah bangin,ei Kawlpi zangleitang sunga aom Pupate
khanlai pan kipan,cih gen thamlo ihkhangno lai pek a,Kawlgam ah eimi Geologist minthang
mahmah Pu Vumson leh Pu Ngaw Cin Pau te'n aet ciang,ei Zogam ading suangmanpha
nam tuamtuam pianna ihgogil ding khat in agen nate uh,ihbilkha'ah tuni ciangdong mangtheilo
in omlai ahih tei hang'Kawlpi pan kipan Zogamgi Khaikam khua Tai(9)dong ciang pan kimu thei
in,ihet simsial in,Zogam Trade Mark khat bangin kingaihsun in kilung noppih ciat zong ahi hi.
Hun khat1984 lai Mah-Sah-Lah hun Sagaing Division a Tainghmu Colonel Thura Kyaw Swa in
Kawl Kumpite thupiakna tawh,Gullu Mual omna zanglei tangh teng Sagaing Division sungah
tungsak kholh dingin hong kithawi ngei'a akua mapeuh kilungkimlo ahih man leh 88buaina tawh
hong kizom suak ahih manin,alungtup uh taang tung zolo hong suak ahih tei hang abeisa hunlai
Shan State sunga om ei mite'n mualtung paiding ihci thei zel Suangmanpha khukpi omna Moe
Goke khua pen Mandalay Division sungah kikoih hiau in,khangtan Kawlte a suak ih zak ngei mah
bangun,May Myo(Pin Oo Lwin)zong Shan State pan Kawlgam Mandalay Division kisuaksak ahi hi.
Tun zong Kachin gama Myitsone Dam project pen Kawlgam bupi'n awng ngeingai'a akhak ciang
Kumpi te zong hong lauthong sam ahih manin,hong khawl demdam sam ahi hi.Monywa District
sunga Letpadaung taung project ciang aphongkyite nangawn in nasiatak liamlawh in,agammite'n
zong nasiatak hanciam'a lungphona tuamtuam abawl uh hang Sen Company te'n semsak teitei
zong ahi hi.Tua Company te mahin Ihpu ihpate akhang khang'a ana kikemcing a ananeih uh Gullu
Mual pen aneite theihlo kal Kumpi thak U Thein Sein in Sengam apai lai Sente maivilna in hong
naneihsak tazen ahi hi.Tua khua kim leh pam'a om ihmite khuateng leh inn leh lo teng,akipan tang
lai pan etlawm mual kuam Zogam nuam sung'a mual manpha,mualhoih pen khat kisumang tazen
ding cih ciang "ngaisun theih leng nasa ingh"cih ciat ding lobuang adang bangmah omlo ahi hi.
Hih Zogam(Khamtung gambup)i neisa ihgogil manpha mahmah pen,hotkhiat thei nadingin leitung
gam tampi a Kawlgam leh China(sen)te Ambassy zum tengah lungphona neihna tawh ahih zongin
Tedim'a kibawl Zosuan tuailai khawmpi thu kikupnate ahih zongin,Kawlpi leh Tedim pan khangno
kipawlna tuamtuam etc.muntampi pan ihkikup ihgen kaal sung mah ahi,abeisa June kha sungin
kisuang mello,laulo leh maizumlo takin Sen Company te Kawl Kumpi leh Zogam Kumpite phalna
tawh hong thusimlo in hong kipan hongto mihmek lel mawk uh cihthu kiza ahih manin,lunglai ah
na kisa ciat dingin,ka um hi.
Kawlpi'a Kawl Phongkyite nangawn makai'a Kawlpi myone sung'a Kawl te nadongin hong lungnat
pih ban thamlo Pu Zo Zam leh Khamtungmi Parties 4bang zong Kumpite nasepna khat ahih teihang,
hih thu vaiah mapan theina lamsang khat pan mipi tawh kipawl leh tupna,ngimna,deihna kibang'a
Kawlpi leh Gullu Mual mahmah va-en ding'a hong kuante pen en gensia,simmawh bawl lo zawin,a
kua cilo aKawl aZo aChin Party te ci'a thudang tawh paikat'a ihmuh lai uh sangin Kawl Kumpi te'n
hong ngian bawl leh ei leh ei uino bang khat leh khat hong kipetsak nop nate phawk hunta ahi hi.
Thu tawpna ah,atung'a thuteng phawk kawm'a ihneih khawm uh leh ih lungtup uh akibang ahi hih
Gullu Mual vai ah,kimu khial na leh kitel khial nate hici koih phot ciat in,Pu Zo Zam leh Party dang
Kumpi tawh kiuitui thei khamtung mi Hluatdaw Representatives te nasiatak kikum khawm a ih khak
tan leh akipansa Gullu Mual project pi pen,Myitsone Dam project bang'a akhawl kik thei nading
Pasian kiangah thungen kawmin ma pang ciat leng ih lungtup uh tangbang hong tung ding hi cih kei
upna bangin,ihmipih te hilai tawh hong han sua nuam ingh.Topa'n mimal thupha hong pia ciat ta hen!
Kham Khan Suan(Artist Kyaw Kyaw Oo)
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.