MAKAI cih in, gam/minam/khua/pawlpi leh innkuan sung makai lutang te cih nop na ahihi.
MAKAI i cih te in khantoh na leh gual zawh na a ngah mite ahihi.
Nungzui mi omlo in MAKAI ki suak thei lo a, nungzui mi hoih ki sam mah2 hi.
Nungzui mi te i pilna hatna te gawm khawm in zat theih kul hi.
Nungzui mi te i siamna, ki vakna te thei in pahtawi siam kul hi.
Gual zawhna a ngah ciang in "kei" ci-in ki sial ngei lo hi.
No te ii nong panpih man uh hi ci-in , nungzui mi te ki cian tak in pah tawi siam hi.
Tua in nungzui mi te tha khauh sak in, nasep lian pipi sem sak zo hi.
Mawh sak na kam mal zang ngei lo hi.
Mawh sak na kam mal pan in, khan toh na leh phat tuam na piang ngei lo hi.
Nungzui mi te pan mun piak siam hi.
Sepkhiat na leh gual zawh na te hang in,nungzui mi te hamphat na leh noptuam na ngah sak hi.
Nungzui mi te kam- tawh sawl bek2 zang lo in,amau te et-teh theih ding in sem hi.
Hangsan tak-in khentat in sem ngam hi. Lungduai in thu khual mah2 hi.
Pilna/theihna/ muhna taang zai in,amah leh amah ki muang hi.
Khuak sung aom theih na leh,apua lam pan a i zon theih na te vomh hi.
Nasep na tungtawn in lung gulh na leh nasep pai zia theihna te,gawmkhawm in tupna/ngimna nei hi.
Gel siam in vai hawm siam hi.
Gel/vai hawm asiam lo te,nasep neu cik khat tawh zong hak satna tuak thei hi.
Vai hawm asiam/gel asiam/khut nuai mi panmun piak asiam te,na lian pipi sem zo in,khuapi/gampi khat uk zawh na ding dong ciang in MAKAI picing suak zo uh hi.
A kua ma ciat in i neih sa pilna/siamna/theihna te puahpha/zuunpha toto in,i neih nai loh pilna/theihna/siamna te zong in,sin le-hang,ni khat tak ciang,a gualzo mah2 MAKAI picing khat i suak ding hi. lungdam.
Mang Suan
Nashville TN, USA.
Post a Comment
Ngaihsutna hoih thei penpen tawh a nuai ah Comment na pia zel in maw Sanggam. Laigelh mite thapia in, mi a tampipi te muh theih dingin na Share kawikawi in. Lungdam.