Zomi te lak ah Doctor ngah ma sa pen a hi DR VUM SON pen 1937 kum November kha ni 9 ni in Suangdaw khua Tedim Township ah piang hi. A mah pen Kawlgam pan Geology tawh a man khit ciang, Germany gam pan in Petroleum Explolation and Mining tawh PhD va la hi. A hi zong in a pil na leh Kawlgam ki uk zia tawh ki tuak lo a hih man in US lam ah gambel in va om hi. ZO HISTORY laibu a gelh na tung tawn in, Leitung bup ah Zomi te ki thei tuam mahmah hi.
ZRO a ki phot cil lai in zong a mah pen Founder Member khat a hihi. 2005 kum November kha 19 ni in Washington DC ah lei tung nu sia aa, Zomi DC ten lim tak in han ah vui uh hi. A hi zong in, tun a sanggam pa ahi Pa Ngo Cin Thawng in, Dr Vum Son guh pen a pian na khua ah November kha 26 / 2015 ni ciang va ciah pih ding aa, a pian na khua a hi Suangdaw khua ah December kha 12/ 2015 ni in vui na hun bawl ding uh hi.
Src: Thutatuam
Dr. Vum Son a pilna leh a matutna i angtanpih hi. Thu khat ah, Zomi PhD ngah masa amah hilo-in Dr. Leo Mang Cin Hau (Moscow, 1970) hi. A maan theih nading cihna bek hi. A masa a nunung thupi masa lo-in Zomi PhD himhim i angtanpih hi.
ReplyDelete