Ngalliam Pu Heavy Piang in hong nusia

Zogam Salpha Pu Thang Lian Piang (Heavy Piang in tu ni Kawlgam June 16,2015 hun 11'AM in Imphal zatopi panin Topa kiangah hong ciah san ta hi. A luang pen tu ni mah in Lamka ah pua uh a, zing ciangin han tan sakna nei ding uh hi.

    Hong nusiatna hangin a dah a kap khempeuh tungah Pasian hehnepna hong tung kim ciat ta hen.

Sia Khen
----

SIANSIANG DAWNBANG KITUAK NI!

Ngalliam U Heavy Piang aw!
Na sa ing e, na sa ve ing e,
Zogam Ngalliam U Piang aw.
Tungsun ni tang nuai ah Khimkhua zing e.

Kei aw khamkha'n duang vul ta ding , 
Heh hong nem ding lah om lo a maw!
Nunnop ngabang lenkhop ni te,
sul le lo ding lung ka gel ciang;

Lakmai luankhi'n zel e,lai ah na e.
Siandeih lailak na hih le lah
Zuang lo in khen ta ning e.

Maciang na suat Sianmang siangsawn thangvan kankil ah
Phamsa it le ngaih teng tawh, 
Nunnop ngabang va leng ta aw,

MANGPHA MAW U PIANG.

Khuppu( Kyaw Khine)
-----
Pu Heavy Piang in Phaipi-Immphal Zato pan tawntung mun ah hongzuat san hi.

1. Music siam khat hi.
2. Mikhempeuh tawh kikhawl thei in agualnuam siam mahmah khat hi.
3. Zoheisa Unit ah pawlmi khat hi.
4. ZRO ah makaipi khat hi.
5. ZNC-LA ah zong akihel khat hi.
6. CNC ah zong pansan ala khat hi.
7. Amin Pa Thang Len Piang hi in A Kawlmin Ko Sit Naing hi. Pu Thang @ Thangboi (Zangkong khuahun) i pian pih laizom hi.
8. Anat na sung lam sin natna ci hi.

Dahpih mahmah ingh. A innkuan pih leh adah khempeuh Hehnem siampa in hong hehneem ta hen....

Zahtaakna kapia hi.

A it; Cinpu Zomi.